Proffil o'r Brifysgol

Wedi’i sefydlu yn 1884, mae Prifysgol Bangor wedi hen ennill ei phlwyf fel un o’r Prifysgolion mwyaf blaenllaw ac mae ganddi draddodiad hir o ragoriaeth academaidd sy'n parhau hyd heddiw. Mae dros hanner yr adrannau sydd wedi'u hasesu hyd yn hyn yn yr Ymarfer Asesu Ymchwil wedi cael eu dyfarnu'n 'ardderchog', sef y dosbarthiad uchaf
Mae gan y Brifysgol dros 10,000 o fyfyrwyr, 26 ysgol academaidd a dros 600 o staff dysgu
Mae Prifysgol Bangor yn un o'r goreuon ar gyfer y pwysau gwaith tecaf ymhlith holl brifysgolion Prydain yn ôl yr arolwg Profiad Myfyrwyr blynyddol a gyhoeddir gan gylchgrawn y Times Higher Education (Ion 2010).
Mae'r Brifysgol yn perfformio yn dda yn gyson mewn arolygiadau myfyrwyr.
I ateb gofynion am neuaddau preswyl cyfoes, agorodd y Brifysgol neuaddau preswyl newydd a oedd yn rhan o broject £35M i uwchraddio Safle Ffriddoedd.
Mae ailddatblygiad gwerth £20 miliwn o’r campws sy'n cynnwys canolfan busnes a rheolaeth gwerth £10 miliwn ac adeilad newydd i wyddorau’r amgylchedd wedi ei gwblhau.
Bangor yw'r ail le rhataf ym Mhrydain i fyfyrwyr fyw ynddo, yn ôl tabl sydd wedi ei roi at ei gilydd gan y wefan canllaw annibynnol i fyfyrwyr, Push.co.uk
Rydyn ni’n cydweithio gyda busnesau a diwydiant i
- ddatblygu Canolfan y Celfeyddydau ac Arloesi. Bydd y project £36m yn cynnwys theatr, mannau arddangos ac Undeb y Myfyrwyr newydd i'r Brifysgol.
- ddatblygu projectau gyda phroffil uchel fel CAST (Canolfan Technoleg Meddalwedd blaengar) ym Mharc Menai, Bangor a’r Technium OpTIC ym mharc busnes Llanelwy
Mae gennym gysylltiadau agos gyda’r GIG yng Nghymru. Mae’r Brifysgol yn darparu nifer helaeth o hyfforddiant ac addysg i’r GIG. Hefyd, mae’r Brifysgol yn un o’r prif bartneriaid yn Ysgol Glinigol newydd Gogledd Cymru
Fel un o’r darparwyr mwyaf mewn hyfforddiant athrawon yng Nghymru, mae gennym gysylltiadau agos gydag ysgolion, awdurdodau addysg lleol ac athrawon
Mae ein Rhaglen Dawn a Chyfle (TOP) yn un o’r rhaglenni ehangu mynediad mwyaf yn y wlad, gan gynnwys dros 1500 o ddisgyblion o ysgolion ar hyd a lled gogledd Cymru
Fel un o sefydliadau partner Prifysgol Gymuned Gogledd Cymru, mae Bangor yn ymwneud â’r rhaglen Ymgeisio’n Uwch, Ymgeisio’n Ehangach sy’n gweithredu yn y rhanbarth.
O gymharu â phrifysgolion eraill drwy Brydain mae gan Fangor un o’r systemau Arweinwyr Cyfoed mwyaf ac un o’r graddfeydd isaf o bobl sy’n rhoi'r gorau i'w cwrs
Mae cyfradd troseddau gogledd Cymru yn cael ei ystyried yn un o’r isaf ym Mhrydain
Mae ein Gwasanaeth Gyrfaoedd a Chyflogadwyedd yn cael ei chydnabod yn genedlaethol fel un o’r gwasanaethau gyrfaoedd mwyaf gweithgar yn y DU
Costau Byw isel - Mae byw yma yn rhad o gymharu â chostau byw mewn nifer o ddinasoedd a threfi prifysgol eraill. Yn ôl ‘A-Z of Universities and Higher Education Colleges’ papur newydd ‘The Independent’, Bangor yw un o’r “llefydd rhataf ym Mhrydain” ar gyfer myfyrwyr. Cafodd Bangor hefyd ei enwi y 4ydd lleoliad mwyaf cost effeithiol gan 'The Independant' yn y Student Living Index Guide for 2008