Technolegau Iaith

Mae Uned Technolegau Iaith Canolfan Bedwyr yn uned ymchwil sy'n datblygu adnoddau iaith ar gyfer y Gymraeg, yr ieithoedd Celtaidd eraill, a sefyllfaoedd amlieithog.

Mae'r Uned yn gyfrifol am Cysgliad, y pecyn gwirio iaith a chasgliad o eiriaduron cynhwysfawr, ynghyd â nifer o offer gwirio iaith eraill. Mae'n gwneud gwaith safoni termau, a hefyd wedi datblygu geiriaduron electronig ar CD ac ar y we. Mae'n datblygu technoleg lleferydd ar gyfer y Gymraeg ac ieithoedd eraill, ac yn cynnal cronfeydd data enwau lleoedd ar y we. Mae'r Uned hefyd yn datblygu deunyddiau dysgu drwy gymorth cyfrifiadur, gan gynnwys gemau iaith.

Mae gan yr Uned gysylltiadau agos â busnes a diwydiant, ac mae'n ymgymryd â chynlluniau Parterniaethau Trosglwyddo Gwybodaeth (KTP). Mae'n aelod sefydlydd o CMC (Cymdeithas Meddalwedd Cymraeg).

Cliciwch ar un o'r dewisiadau ar y chwith i weld mwy am yr hyn sydd gan Ganolfan Bedwyr i'w gynnig.