Teithio mewn Grŵp

Slideshow of images for Gwasanaeth Cynadleddau Prifysgol Bangor

Lle gwych i ymweld ag ef . . .

Mae gogledd orllewin Cymru yn lle gwych am wyliau mewn grŵp, gyda golygfa odidog a llawer o lefydd difyr i ymweld â nhw. Mae yma gestyll, cylchoedd cerrig hynafol a hen fwynfeydd i ymweld â nhw, ond mae llawer o bobl yn cael eu denu gan y mynyddoedd garw a golygfa wych Parc Cenedlaethol Eryri, a gweithgareddau fel beicio mynydd a dringo.

Yma i helpu . . .

Gall trefnu gwyliau grŵp fod yn dipyn o boen, ac mae ein staff cyfeillgar, cymwynasgar yn cynnig gwasanaeth gwybodaeth cynhwysfawr sy’n cyfuno ein gwybodaeth ragorol o’r ardal gyda rhwydwaith o gysylltiadau lleol arbenigol i sicrhau bod eich amserlen yn cynnig pleser a syrpreisys i’ch grŵp!
Mae Bangor yn lle delfrydol i deithio o amgylch Parc Cenedlaethol Eryri ac ardal brydferth Ynys Môn, ac eto mae’n ddigon hawdd ei chyrraedd o bob cwr o’r wlad. Gallwn awgrymu amserlenni i chi a rhoi cysylltiadau lleol i chi er mwyn trefnu llefydd i ymweld â nhw drwy drefniant arbennig.

Pecynnau Llety i Grwpiau

Mae ein pecynnau llety yn cynnig arlwyo a llety o ansawdd uchel i grwpiau mewn ystafelloedd sengl, en-suite, heb orfod talu swm ychwanegol am ystafell sengl!
Mae’r arlwyo o safon eithriadol o uchel, gyda bwydlenni wedi eu cynllunio’n arbennig, i gynnwys brecwast llawn, pecynnau cinio neu giniawau poeth a phrydau gyda’r nos.
Mae llawer o grwpiau hefyd yn dewis cael cinio dathlu yn ystod eu harhosiad, a gallwn gynnig amrywiaeth o fwydlenni arbennig ac adloniant, fel telynor(es) neu ddisgo i wneud y noson yn gofiadwy.
Gobeithiwn y cawn bleser eich croesawu i Fangor. Mae pob croeso i chi gysylltu â ni am ragor o wybodaeth ac i gael ein llyfryn diweddaraf.

Ewch ar daith

Cliciwch yma i fynd ar daith luniau 360° o’n lletyau ar Safle Ffriddoedd. Rydyn ni wrthi’n datblygu’r elfen yma. Os ydych chi’n dymuno gweld lleoliad sydd ddim ar gael eto, mae pob croeso i chi gysylltu â ni i drefnu ymweliad, a bydd yn bleser gennym eich dangos o amgylch.

Mae’r holl brisiau yn cynnwys TAW.

Prisiau Gwyliau Gweithgar

Math o lety	Prisiau oedolion	Plant dan 16 oed
Prydau Llawn Swper, Gwely a Brecwast a Phecyn Cinio	£42.40	£36.36
Hanner Prydau Swper, Gwely a Brecwast	£36.31	£30.32
Gwely a Brecwast Mae’n cynnwys brecwast llawn wedi’i goginio neu frecwast cyfandirol	£25.97	£22.47
Hunan-arlwyo Darperir pecynnau offer	£19.88	£15.90

Prisiau Gwyliau Treftadaeth

Math o lety	Prisiau oedolion
Prydau Llawn #1 Swper, Gwely a Brecwast a Phecyn Cinio	£52.74
Prydau Llawn #2 Swper, Gwely a Brecwast a Chinio Bwffe	£54.23
Prydau Llawn #3 Swper, Gwely a Brecwast a Chinio Poeth	£54.23
Hanner Prydau Swper, Gwely a Brecwast	£46.85
Gwely a Brecwast Mae’n cynnwys brecwast llawn wedi’i goginio neu frecwast cyfandirol	£29.15

(Darperir Tyweli)

Arlwyo Ychwanegol

Ciniawau ffurfiol 3 chwrs o £17.44