UWB Crest

Cyrsiau

Astudio trwy gyfrwng y Gymraeg

Delwedd yn dangos myfyrwyr Cymraeg Bangor

Mae mwy o fyfyrwyr yn astudio trwy gyfrwng y Gymraeg ym Mangor nag yn unrhyw un o’r prifysgolion eraill yng Nghymru.

Mae Bangor yn cynnig cyfleoedd gwych i’r myfyriwr sy’n dymuno astudio drwy gyfrwng y Gymraeg. Rydym yn cynnig mwy o gyrsiau trwy gyfrwng y Gymraeg nag unrhyw Brifysgol arall yng Nghymru.

Gradd yn y Gymraeg

Gellwch wneud y cyfan o’ch gradd, neu ran ohoni drwy gyfrwng y Gymraeg mewn sawl ysgol academaidd. Mae modiwlau unigol cyfrwng Cymraeg hefyd ar gael mewn ysgolion eraill.

Mae'r Ysgol Astudiaethau Trwy'r Gymraeg yn rhan bwysig o Brifysgol Bangor. Gwaith yr Ysgol yw ceisio sicrhau bod nifer cynyddol o bynciau yn cael eu dysgu trwy gyfrwng y Gymraeg.

Ar hyn o bryd mae dros 700 o'n myfyrwyr bellach yn dilyn cwrs cyfan neu ran o'u cwrs trwy gyfrwng y Gymraeg.

Pam astudio drwy’r Gymraeg?

  • Mae angen pobl ddwyieithog mewn pob math o swyddi
  • Mae gofyn mawr am bobl ifanc broffesiynol sy’n gallu gweinyddu’n ddwyieithog
  • Mae cyflogau swyddi dwyieithog ar gyfartaledd uwch
  • Bydd astudio trwy’r Gymraeg yn y Brifysgol yn rhoi sylfaen ardderchog i’ch gyrfa

Dewiswch gwrs

Am gymorth, codwch y ffôn neu e-bostiwch ni

Os ydych chi eisiau trafod unrhyw beth neu angen mwy o wybodaeth, codwch y ffôn neu e-bostiwch yr Uned Recriwtio Myfyrwyr. Mi fedran nhw yrru prosbectws atoch, trefnu ymweliad neu drefnu lle i chi ar ein Diwrnodau Agored.