Cyrsiau i ôl-raddedigion

Delwedd yn dangos dau fyfyriwr ôl-raddedig

Dwyieithrwydd (MA)

Disgrifiad

Mae’r MA mewn Dwyieithrwydd yn rhoi rhaglen o astudiaethau lefel graddedigion ym maes eang dwyieithrwydd, yn ogystal â hyfforddiant ymchwil yn y maes hwn. Mae’n cynnwys elfen hyfforddedig, yn cynnwys cyfuniad o fodiwlau craidd a dewisol, a thraethawd hir ymchwil 20,000 o eiriau.

Mae’r cwrs yn rhoi rhaglen gynhwysfawr, amrywiol a hyblyg o hyfforddiant mewn pynciau amlddisgyblaethol, yn gysylltiedig ag astudio dwyieithrwydd, yn cynnwys materion yn gysylltiedig ag iaith, addysg a gwybyddiaeth. Pwrpas y cwrs yw rhoi i fyfyrwyr y sgiliau damcaniaethol, dadansoddol a methodolegol angenrheidiol i wneud ymchwil uwch ym maes dwyieithrwydd.

Mae elfen hyfforddedig yr MA yn digwydd dros semester 1 a 2. Rhaid i fyfyrwyr gymryd tri modiwl sylfaen (oni bai bod ganddynt dystiolaeth iddynt gymryd y modiwlau cyfatebol eisoes): Meaning: Semantics/Pragmatic, Sentence Structure: Syntax , Sounds and Sound Structure . Bydd y modiwlau hyn yn rhoi cyflwyniad i fyfyrwyr i elfennau methodolegol a damcaniaethol craidd astudio iaith. Rhaid i fyfyrwyr hefyd gymryd ‘Bilingualism: Research and Methods’ – modiwl traws-ddisgyblaethol sy’n edrych ar wahanol elfennau o ymchwil, theori, a dulliau o fewn dwyieithrwydd o nifer o wahanol safbwyntiau – ac o leiaf 30 credyd mewn hyfforddiant ymchwil.

Modiwlau a chredydau