Cyrsiau i israddedigion

Mwy o wybodaeth

BA (Anrhydedd) Astudiaethau'r Cyfryngau

Cod cwrs UCAS: PH00

Hyd: 3 blynedd

Gofynion Mynediad

Am fanylion cyffredinol, darllenwch ein tudalen ar ofynion mynediad.

220-260 pwynt, lefel A; nid oes angen unrhyw bynciau penodol
GNVQ (Uwch) gyda Theilyngdod cyffredinol
Os oes gennych HND addas mae’n bosibl y gallwch ddechrau ym mlwyddyn 2
Rydym yn ystyried myfyrwyr hŷn gyda phrofiad perthnasol yn ôl pob cais unigol
BTEC mewn pwnc perthnasol.

Mwy o wybodaeth:

Y Tiwtor Derbyn
Ysgol Astudiaethau Creadigol a'r Cyfryngau
Ffôn: 01248 388560
e-bost: creadigol@bangor.ac.uk
www.bangor.ac.uk/creadigol

Cefndir y cwrs

Ar y cwrs cyffrous hwn byddwch yn dysgu am ddulliau gwahanol o gyfathrebu - mewn geiriau a delweddau, ac agweddau gwahanol ar y cyfryngau - radio, teledu ac amlgyfryngedd. Bydd cyfle hefyd i ddatblygu'r medrau ymarferol sydd eu hangen ar gyfer gyrfaoedd perthnasol i'r meysydd hynny.

Pam dewis Bangor?

Mae gennym gysylltiadau arbennig gyda'r diwydiannau creadigol proffesiynol yng Nghymru a thu hwnt, gan gynnwys cwmnïau teledu annibynnol, BBC Cymru, S4C a'r wasg leol a chenedlaethol.
Mae Canolfan y Cyfryngau yn cynnwys stiwdio radio sain gydag offer hunan-reoli, unedau symudol fideo a sain ac ystafell benodol ar gyfer y cyfryngau newydd.
Yn yr un ganolfan ceir yr offer golygu digidol diweddaraf: Final Cut Pro ar gyfer sain a fideo.
Cynhelir dangosaidau o raglenni a ffilmiau gyda thaflunydd DVD a sain Dolby yn sinema'r Ysgol.

Beth fyddaf yn ei astudio?

Cliciwch yma i lawr-lwytho manylion y rhaglen.

Blwyddyn 1

Byddwch yn astudio detholiad o’r canlynol:

Cyflwyniad i Newyddiaduraeth
Cyfathrebu Digidol
Ymarfer Creadigol
Y Ddelwedd Symudol
Cyflwyniad i Ymarfer y Cyfryngau
Cyflwyniad i Astudiaethau’r Cyfryngau
Cyflwyniad i Berfformio

Blwyddyn 2

Byddwch yn astudio detholiad o’r canlynol:

Hanes a Datblygiad Newyddiaduraeth
Gemau ac Amgylchedd Rhithiol
Ffilmiau a Rhaglenni Dogfen
Datblygiad y Cyfryngau Newydd
Deall y Ddrama Deledu
Newyddiaduraeth Ymarferol Safonol
Ymarfer y Cyfryngau: Ffeithiol
Theatr yn y Gymdeithas

Blwyddyn 3

Byddwch yn astudio detholiad o’r canlynol:

E-Gyhoeddi
Ymarfer Cyfryngol: Ffuglen
Astudiaeth Unigol neu Draethawd
Cywaith Grwp Blwyddyn Olaf
Gemau
Sut mae'r Cyfryngau'n gweithio
Datblygiad Cysylltiadau Cyhoeddus
Cymdeithaseg a’r Cyfryngau
Radio: Theori ac Ymarfer

Sut y byddaf yn dysgu?

Am fwy ar astudio gradd darllenwch ein tudalennau am Astudio ym Mangor.

Byddwch yn treulio 12 awr yr wythnos ar gyfartaledd mewn darlithoedd a seminarau. Ar gyfer modiwlau penodol bydd un diwrnod yr wythnos hefyd yn cael ei neilltuo’n arbennig ar gyfer cynyrchiadau ymarferol. Mae ein cymhareb staff-myfyrwyr yn un ffafriol iawn.

Mae dulliau asesu yn amrywio. Bydd rhai modiwlau yn cael eu hasesu yn gyfan gwbl trwy waith cwrs; gydag eraill bydd hyd at hanner yr asesiad trwy gyfrwng arholiad.

Rhagolygon Gyrfaoedd

Oherwydd bod elfen gref o hyfforddiant ymarferol neu alwedigaethol yn y cwrs, mae ein myfyrwyr bellach yn gweithio mewn nifer o feysydd amrywiol: y cyfryngau traddodiadol a newydd, ysgrifennu a chyhoeddi, addysg a llywodraeth leol, marchnata a chysylltiadau cyhoeddus a’r heddlu.

Gwella eich Cyflogadwyedd

Cymrwch olwg ar sut y gallwch chi wella eich cyflogadwyedd wrth astudio ym Mhrifysgol Bangor yma.