Cyrsiau i israddedigion

Mwy o wybodaeth

BA (Anrhydedd) Diwydiannau Creadigol

Cod cwrs UCAS: PWQ1

Hyd: 3 blynedd

Gofynion Mynediad

Am fanylion cyffredinol, darllenwch ein tudalen ar ofynion mynediad.

220-260 pwynt, lefel A; nid oes angen unrhyw bynciau penodol
GNVQ (Uwch) gyda Theilyngdod cyffredinol
Os oes gennych HND addas mae’n bosibl y gallwch gychwyn ar flwyddyn 2
Rydym yn ystyried myfyrwyr hŷn gyda phrofiad perthnasol yn ôl pob cais unigol
BTEC Diploma Cenedlaethol mewn pwnc perthnasol.

Mwy o wybodaeth:

Y Tiwtor Derbyn
Ysgol Astudiaethau Creadigol a'r Cyfryngau
Ffôn: 01248 388560
e-bost: creadigol@bangor.ac.uk
www.bangor.ac.uk/creadigol

Cefndir y cwrs

Dyma gwrs newydd sbon sydd nid yn unig yn galluogi’r myfyrwyr i ddatblygu ystod o sgiliau dadansoddol ac ymarferol o fewn y diwydiannau creadigol, ond sydd hefyd yn cyflwyno agweddau economaidd a masnachol y diwydiannau hyn. Mae’n adeiladu ar arbenigedd disgyblaethol o fewn yr ysgol hon, yn ogystal â nifer o ysgolion eraill yn y brifysgol. Mae’n gwrs a gyflwynir yn gyfan gwbl drwy gyfrwng y Gymraeg.

Pam dewis Bangor?

Mae gennym gysylltiadau arbennig gyda’r diwydiannau creadigol proffesiynol yng Nghymru a thu hwnt, gan gynnwys cwmnïau teledu annibynnol, BBC Cymru, S4C a’r wasg leol a chenedlaethol.
Mae’r arbenigedd a geir ym Mangor ym meysydd Busnes a’r Gyfraith yn cryfhau’r elfen alwedigaethol i’r cwrs.
Bydd canolfan newydd Pontio yncreu cyfleoedd arbennig iawn ym maes y diwydiannau creadigol.
Mae ystod eang iawn i’r ddarpariaeth cyfrwng Cymraeg, nid yn unig yn yr ysgol, ond o fewn y Brifysgol yn gyffredinol.

Beth fyddaf yn ei astudio?

Cliciwch yma i lawr-lwytho manylion y rhaglen.

Blwyddyn 1

Byddwch yn astudio detholiad o’r canlynol::

Ymarfer Creadigol
Cyfathrebu Digidol
Cyflwyniad i Fusnes a Rheolaeth
Sgiliau Defnyddio’r Gymraeg
Cyflwyniad i Astudiaethau’r Cyfryngau
Cyflwyniad i Farchnata
Gloywi’r Gymraeg
Cyflwyniad i Newyddiaduraeth
Cyflwyniad i Ymarfer y Cyfryngau
Gweld y Llun
Gweithdy Creadigol

Blwyddyn 2

Byddwch yn astudio detholiad o’r canlynol:

Y Cyfryngau yng Nghymru
Marchnata
Gweinyddu’r Celfyddydau
Cyfraith y Cyfryngau
Mentergarwch a Rheoli Cyllid
Hanes a Datblygiad Newyddiaduraeth
Y Ffilm Ddogfen: Theori
Hanes Cerddoriaeth Bop Gymraeg
Cerddoriaeth Cymru Heddiw
Cyfathrebu Marchnata
Datblygiad y Cyfryngau Newydd
Ymarfer y Cyfryngau: Ffeithiol
Newyddiaduraeth Ymarferol Safonol
Ymchwil Marchnata
Prosiect Celfyddydau yn y Gymuned

Blwyddyn 3

Byddwch yn astudio detholiad o’r canlynol:

Datblygu Cynnyrch Creadigol
Astudiaeth Unigol/Prosiect Grŵp
Sut mae’r Cyfryngau’n Gweithio
E-Gyhoeddi
Ymarfer Cyfryngol: Ffuglen
Radio: Theori ac Ymarfer
Cynhyrchu ar gyfer y Cyfryngau Digidol
Ymarfer Theatr
Datblygiad Cysylltiadau Cyhoeddus

Sut y byddaf yn dysgu?

Am fwy ar astudio gradd darllenwch ein tudalennau am Astudio ym Mangor.

Byddwch yn treulio 12 awr yr wythnos ar gyfartaledd mewn darlithoedd a seminarau. Ar gyfer modiwlau penodol bydd un diwrnod yr wythnos hefyd yn cael ei neilltuo’n arbennig ar gyfer cynyrchiadau ymarferol. Mae ein cymhareb staff-myfyrwyr yn un ffafriol iawn. Mae dulliau asesu yn amrywio. Bydd rhai modiwlau yn cael eu hasesu yn gyfan gwbl trwy waith cwrs; gydag eraill bydd hyd at hanner yr asesiad trwy gyfrwng arholiad.

Rhagolygon Gyrfaoedd

Dyma raglen sydd yn cynnig posibiliadau eang yn un o brif sectorau economaidd Cymru, gydag apêl arbennig i fyfyrwyr sydd â diddordeb yn agweddau rheolaethol a gweinyddol y diwydiannau creadigol. Yn ogystal â’r cyfleoedd hyn, bydd myfyrwyr yn datblygu sgiliau trosglwyddadwy sydd yn berthnasol i amryw o feysydd, yn y sector cyhoeddus, y sector preifat a’r trydydd sector. Mae ein myfyrwyr bellach yn gweithio mewn nifer o feysydd amrywiol: y cyfryngau traddodiadol a newydd, ysgrifennu a chyhoeddi, addysg a llywodraeth leol, marchnata a chysylltiadau cyhoeddus a’r heddlu.

Gwella eich Cyflogadwyedd

Cymrwch olwg ar sut y gallwch chi wella eich cyflogadwyedd wrth astudio ym Mhrifysgol Bangor yma.