UWB Crest

Cyrsiau

Cyrsiau i israddedigion

Cyrsiau i israddedigion

BA (Anrhydedd) Cymdeithaseg a Pholisi Cymdeithasol

Côd cwrs UCAS: L3LK

Ar gyfer codau graddau cyd-anrhydedd, gwelwch ein tudalen ar raddau cyd-anrhydedd.

Hyd: 3 blynedd

Gofynion Mynediad

Am fanylion cyffredinol, darllenwch ein tudalen ar ofynion mynediad. Ar gyfer cyrsiau gradd cyd-anrhydedd, cofiwch fwrw golwg ar ofynion mynediad y pwnc arall a ddewiswch.

  • 180 pwynt o 2 lefel A, neu 220 pwynt o 3 lefel A
  • GNVQ (Uwch) gyda Theilyngdod
  • Diploma Cenedlaethol BTEC gyda Theilyngdod cyffredinol
  • Rydym yn ystyried myfyrwyr hŷn yn ôl pob cais unigol.

Mwy o wybodaeth:

Gwenda Rhian Jones
Tiwtor Mynediad Cyfrwng Cymraeg
Ysgol Gwyddorau Cymdeithas
Ffôn: 01248 388094
e-bost: gwyddoraucymdeithas@bangor.ac.uk
www.bangor.ac.uk/so

Cefndir y cwrs

Mae’r cwrs hwn yn codi rhai cwestiynau pwysig ynglŷn â sut y mae ein cymdeithas yn gweithio, ac ynglŷn â’r polisïau y byddai’n bosib eu dyfeisio i fynd i’r afael â rhai o’i phroblemau dwysaf. Mae’n darparu’r wybodaeth a’r dulliau dadansoddi sy’n ein galluogi i ddeall cymdeithas, a datblygu barn wybodus ar faterion cymdeithasol cymhleth.

Pam dewis Bangor?

  • Mae'r Ysgol Gwyddorau Cymdeithas yn cynnig amgylchedd cyfeillgar ac anffurfiol, ac yn eich annog i ddatblygu'ch diddordebau eich hunain.
  • Mae ein modiwlau i gyd ar gael trwy gyfrwng y Gymraeg, felly byddwch yn astudio mewn amgylchedd lle byddwch yn cyfarfod llawer o siaradwyr Cymraeg eraill.
  • Mae’r cwrs yn canolbwyntio yn arbennig ar Gymru a materion Cymreig mewn fframwaith Ewropeaidd.
  • Mae ein staff yn ymchwilwyr cydnabyddedig yn eu meysydd pwnc, ac mae gan yr uned record dda o gynhyrchu graddedigion ar gyfer graddau MPhil a PhD, gyda rhai ohonynt wedi symud ymlaen wedyn i wneud ymchwil bellach.

Beth fyddaf yn ei astudio?

Blwyddyn 1

Ar gyfer anrhydedd sengl, byddwch yn dilyn 6 modiwl gorfodol; ar gyfer gradd cyd-anrhydedd byddwch yn dilyn 4 modiwl gorfodol ym mhob pwnc gyda’r dewis o ddilyn 2 modiwl pellach.

Modiwlau gorfodol:

  • Cyflwyniad i Bolisi Cymdeithasol
  • Sgiliau Ymchwil
  • Cymdeithaseg a'r Byd Cyfoes

Modiwlau dewisol:

  • Cyflwyniad i Drosedd a Chyfiawnder
  • Sgiliau Craidd yr Heddlu
  • Cyflwyniad i Gynllunio Ieithyddol

Blwyddyn 2 a 3

Yn ogystal â’r modiwlau gorfodol, byddwch yn gwneud nifer o ddewisiadau sy’n adlewyrchu eich diddordebau er mwyn gweithio ar draethawd estynedig.

Modiwlau gorfodol:

  • Theori Gymdeithasol
  • Dulliau Ymchwil
  • Gwasanaethau Cymdeithasol Personol
  • Traethawd Hir
  • Theori Gymdeithasegol Glasurol

Mae’r dewisiadau'n cynnwys:

  • Problemau Cymdeithasol Cymru
  • Gender
  • Trais a Throsedd
  • Trosedd a Chyfiawnder
  • Lleoliad Gwaith Heddlu Gogledd Cymru
  • Cynllunio Ieithyddol yn Ewrop
  • Polisi Cymdeithasol a Phlant
  • Cymuned
  • Iaith a Diwylliant
  • Yr Heddlu a Chymdeithas Gyfoes
  • Hawliau Ieithyddol

Sut y byddaf yn dysgu?

Am fwy ar astudio gradd darllenwch ein tudalennau am Astudio ym Mangor.

Byddwch yn cael darlithoedd a grwpiau seminar bob wythnos yn ogystal â dosbarthiadau tiwtorial unigol lle bo’r angen. Byddwch hefyd yn gwneud traethodau, yn gwneud gwaith paratoi ar gyfer cyflwyniadau seminar, yn darllen, ymchwilio, yn dadansoddi dogfennau ac yn gwneud gwaith cwrs arall. Os ydych yn dilyn y cwrs fel pwnc gradd unigol, byddwch yn gwneud traethawd estynedig yn ymwneud ag ymchwil mewn maes o’ch dewis chi.

Rydym yn defnyddio nifer o ddulliau asesu yn cynnwys gwaith cwrs, arholiadau a’r traethawd estynedig (yn gyfwerth â 40 credyd). Mae'r rhan fwyaf o fodiwlau yn cael eu hasesu trwy waith cwrs.

Rhagolygon Gyrfaoedd

Mae Cymdeithaseg a Pholisi Cymdeithasol yn radd eang, sy'n rhoi sail academaidd gadarn i chi, ac yn eich paratoi'n ardderchog i ddilyn gyrfa mewn nifer o feysydd, yn cynnwys:Y Gwasanaeth Prawf, Yr Heddlu, Dysgu, Ymchwil, Gwaith Cymdeithasol, Y Gwasanaeth Sifil, Y Cyfryngau, Llywodraeth ganolog a lleol, Llysoedd Barn a Mudiadau Gwirfoddol.

Lleoliadau Gwaith Heddlu Gogledd Cymru

Ceir 6 wythnos o leoliad gwaith gyda Heddlu Gogledd Cymru, sy'n rhoi cyfleoedd gwych i chi weld sut mae gwasanaeth brys yn gweithredu a’r amryw o yrfaoedd sydd ar gael, sy’n cynnig amrywiaeth, cyffro, her a boddhad. Detholir myfyrwyr llwyddiannus ar sail gystadleuol wrth ddilyn y modiwl Sgiliau Craidd yr Heddlu ym mlwyddyn 1.