• »Bangor Home
• »Croeso i Dysgu Gydol Oes ym Mhrifysgol Bangor

Archif Digwyddiadau

Uchafbwyntiau Sioe 2011 y Radd BA Celfyddyd Gain

24 Mehefin - 2 Gorffennaf

Arddangosfa drwy wahoddiad, dydd Gwener, 24 Mehefin, 6pm
Agorir yr arddangosfa gan [i’w gadarnhau].
Amgueddfa ac Oriel Gwynedd, Bangor. 01248 353 368.
(Oriau agor Mawrth - Gwener 12.30 – 4.30pm, Sadwrn 10.30 – 4.30)

Ar ôl arddangos eu gwaith am y tro cyntaf yng Nghanolfan Ucheldre, bydd yr 11 myfyriwr sy’n graddio yn cyflwyno arddangosfa lai o uchafbwyntiau ym Mangor, gydag ychydig o waith penodol ychwanegol.

Estynnir croeso cynnes i aelodau o’r cyhoedd ac fe’u hanogir i ddod i weld yr arddangosfeydd. I gael rhagor o wybodaeth am y cyrsiau, cysylltwch â 01248 382475

Sioeau Haf 2011 Y Rhaglen Celfyddyd Gain

Sioe 2011 y Radd BA Celfyddyd Gain
Sioe 2011 y Diploma Celfyddyd Gain

4 - 12 Mehefin

Arddangosfa drwy wahoddiad, dydd Gwener, 3 Mehefin, 6pm
Agorir yr arddangosfa gan [i’w gadarnhau].
Canolfan Ucheldre, Caergybi, LL65 1TE 01407 763361
(Oriau agor Llun - Gwener 10 – 5pm)

Eleni, bydd 11 o fyfyrwyr sy’n graddio yn arddangos amrywiaeth eang o waith am y tro cyntaf o’r cwrs gradd rhan-amser BA (Anrhydedd) Celfyddyd Gain ym Mhrifysgol Bangor. Mae creadigrwydd unigol cynaliadwy ac ethos hyfforddiant drwy ymarfer yn symbyliad i’r cwrs amrywiol a chyffrous hwn yn y gymuned. Caiff canlyniad 6 mlynedd o astudio gan 11 o ymarferwyr newydd ymroddedig eu harddangos yng Nghanolfan Celfyddydau Ucheldre. Mae’r Rhaglen BA (Anrhydedd) Celfyddyd Gain yn Dysgu Gydol Oes yn unigryw yng Nghymru a’r Deyrnas Unedig. Cafodd y rhaglen ganmoliaeth uchel ar lefel genedlaethol gan ‘The Universities Association for Lifelong Learning’ yn 2009. Bydd tri myfyriwr sy’n cwblhau’r Diploma Addysg Uwch mewn Celfyddyd Gain hefyd yn arddangos, gan wneud hon werth ei gweld o waith artistiaid newydd.

Darganfod Hanes Merched

Ysgol Haf Astudiaethau Merched

Ysgolion un-dydd heb eu hachredu 9 a 10 Gorffennaf 2011

Ffi: £35 y dydd (i gynnwys cinio a lluniaeth) neu £60 am 2 ddiwrnod

Gorffennaf 9

Darllith 1: Cyflwyniad i Hanes Merched

Darlith 2: Bywydau Preifat a Chyhoeddus

Gorffennaf 10

Darlith 1: Iechyd a Lles

Darlith 2: Protest Poblogaidd

NEU

Ysgol Haf wedi ei achredu 8, 9, 10 Gorffennaf a 9,10 Medi 2011

Mae’r modiwl yn rhan o ddarpariaeth opsiynol rhaglen MA Astudiaethau Merched. Bydd angen cofrestru am gredydau ac angen cyflawni gwaith i’w asesu. Bydd y
gweithgareddau yn cynnwys archwilio damcaniaethau a chysyniadau, dulliau ymchwil hanes, gwaith rhyngweithiol a chyflwyniadau yn ogystal â’r darlithoedd yn yr ysgolion un-dydd.

20 credyd safon ôl-radd

Ffi: £386 am y modiwl cyfan

Llwythwch mwy o wybodaeth a ffurflen gofrestru i lawr

 

Ysgol Haf i Ddysgwyr Cymraeg

Cwrs ardderchog ar gyfer ymarfer a gwella eich Cymraeg mewn awyrgylch anffurfiol a hwyliog. Cyfle arbennig hefyd i gyfarfod â phob math o bobl o bob oed a chefndir. Cynhelir dosbarthiadau ym Mangor, Yr Wyddgrug a Phwllheli.

Llwythwch mwy o wybodaeth i lawr

Cymraeg i Oedolion: Cyrsiau yn cychwyn ar ôl Pasg.

Darllen mwy ...

Cymraeg i Oedolion: Ysgolion Undydd

Nod y cyrsiau undydd ydy rhoi cyfle i ddysgwyr ar bob safon ddysgu ac ymarfer mewn awyrgylch anffurfiol.

• Llangefni 05.03.2011
  
• Wrecsam 12.03.2011
  
• Yr Wyddgrug 09.04.2011

Mwy

 

Ysgol Basg i Ddysgwyr Cymraeg

Cwrs 2-ddiwrnod i roi siawns i ddysgwyr ar bob lefel ymarfer a gwella eu Cymraeg.

Conwy 18-19 Ebrill: Ysgol Aberconwy

Wrecsam 27-28 Ebrill: Ysgol Morgan Llwyd

Llwythwch mwy o wybodaeth a ffurflen gofrestru i lawr

 

Cynhadledd Hanes Dyffryn Clwyd

7 Mai 2011 9.45 - 3 o'r gloch
Melin Brwcws, Dinbych

Yn y gynhadledd eleni ceir gyfle i glywed am agweddau ar y tymhorau a chynefin y Cymry yng nghwmni dau brofiadol iawn yn y maes sef, Bethan Wyn Jones a Tecwyn Vaughan Jones. Mae hwn yn argoeli i fod yn ddiwrnod bywiog a llawn gwybodaeth gyda siaradwyr rhagorol a digon o gyfle i’r gynulleidfa gyfrannu. Bydd cyfle hefyd i fynd am dro i astudio’r planhigion lleol (tywydd yn caniatáu!), felly dewch â dillad addas gyda chi!

Rhaid archebu eich lle erbyn 20 Ebrill.

Llwythwch mwy o wybodaeth a ffurflen gofrestru i lawr

 

Cyflwyniad i Wneud Printiau gyda Linda Davies

Gweithdy Dau Ddiwrnod

10 ac 11 Mai, 10am tan 5pm

Canolfan Grefftau Rhuthun (Rhan o Ŵyl Gwanwyn 2011)

Ffi’r Gweithdy: Am Ddim. Cyfraniad ar gyfer deunyddiau £30

Mae Archebu’n Hanfodol

Archebwch yn gynnar, am fod cyfyngiad o 15 ar niferoedd.

Fel rhan o’r Ŵyl Wanwyn ar gyfer pobl hŷn yng Nghymru, 2011, mae Dysgu Gydol Oes ym Mhrifysgol Bangor wrthi’n trefnu gweithdy arbennig ar gyfer aelodau’r gymuned, fel cyflwyniad i’n rhaglen gelf.

Cwrs dau ddiwrnod ar wneud printiau yw’r gweithdy arbennig, gyda’r arlunydd/ hwylusydd Linda Davies, ac mae wedi’i anelu at rai sydd â rhywfaint o brofiad o gelf a gwneud printiau, a hefyd at y rheiny sy’n fodlon rhoi cynnig arni. Bydd gweithdy’r Cyflwyniad i Wneud Printiau yn canolbwyntio ar brosesau argraffu colograff a monoprint. Mae’r cwrs ymarferol wedi’i gynllunio fel y bydd pawb yn gwneud printiau ac yn ennill medrau a gwybodaeth yn y broses. Addysgir y gweithdy mewn modd anffurfiol a phleserus, a chaiff pawb gyfle i wneud printiau erbyn diwedd y cwrs.

Darperir yr holl ddeunyddiau, yn cynnwys papurau, y codir tâl o £30 amdanynt am y ddau ddiwrnod, ac sy’n daladwy yr adeg y byddir yn archebu.

 

Diwrnod Rhyngwladol Menywod 2011

Cynhelir y gynhadledd DRhM nesaf dydd Sadwrn 5 Mawrth 2011 yn Neuadd PJ, Prif Adeilad y Celfyddydau.

Goroesi a Ffynnu

Prif siaradwyr

BRANWEN NICLAS Cymorth Cristnogol
MORGAN FACKERELL Cymorth i Ferched
MANON ELLIS WILLIAMS Gwasanaeth Allgymorth Gofalwyr

Panel trafod - y dyfodol?

Ffair Mentrau Merched a popeth mae merch ei angen - siocled, llyfrau a thylino!

Gofal Plant ar gael ond angen bwcio - 07837174678

Dewch a lluniaeth eich hun - panad ar gael.

Mwy o fanylion gan Shân Ashton s.ashton@bangor.ac.uk

 

Diwrnod Gwybodaeth ar gyfer ein Rhaglen Ôl-raddedig mewn Datblygu Cymunedol

Os yr ydych yn brysur yn eich cymuned, neu eisiau cynyddu eich sgiliau yn y maes yma, galwch heibio ni yn Dysgu Gydol Oes, Stryd y Deon, rhwng 10 - 5 o'r gloch, dydd Iau 14 Hydref 2010 i'n diwrnod gwybodaeth anffurfiol.

Rhaglen Ôl-raddedig mewn Datblygu Cymunedol

Cewch fanylion am y cwrs, gwybodaeth am pa gymwysyterau sydd eisiau arnoch i gael mynediad i'r cwrs, gwybodaeth am ffioedd a pa gymorth sydd a'r gael i'w talu.

Does dim rhaid i chi ddweud eich bod am fynychu ymlaen llaw, galwch heibio!

 

Eisiau astudio CELF?

Dewch i roi cynnig arni ar ddiwrnod blasu, AM DDIM, sy’n addas ar gyfer pob lefel dydd Gwener 8fed Hydref, 2010, 10 - 5 o’r gloch ym Mhentrefelin. (map).

Does dim angen i chi fwcio, dim ond troi i fyny!

Dewch ag unrhyw ddeunyddiau sydd gennych hefo chi. Mae gennym rhai deunyddiau, ac mae papur ar gael. Mae gennym fordiau ac isls - dewch i rhoi tro arni!

Bydd cwrs 10 wythnos Lluniadu a Pheintio yn cychwyn ar 15fed Hydref 10 - 5 o’r gloch yng Nghanolfan Gymunedol Pentrefelin (A497 rhwng Cricieth - Porthmadog).

 

Diwrnod Ysgrifennu

Cyfieithu o Fywyd: Cof a Ffuglen

** Llawn **

Diwrnod ar gyfer ysgrifenwyr gyda Richard Gwyn, Fiona Owen a Zoë Skoulding

Dyddiad: Dydd Sadwrn, Medi 25 2010

Amser: 10.00 - 16.00

Lleoliad: Dysgu Dydol Oes, Stryd y Deon, Bangor

Ffi: £20 (dim gostyngiadau)

Cynhelir y digwyddiad yma drwy gyfrwng y Saesneg

Cysylltwch â ni ar 01248 382475

 

Ysgol Haf

Cwrs ardderchog ar gyfer ymarfer a gwella eich Cymraeg mewn awyrgylch anffurfiol a hwyliog. Cyfle arbennig hefyd i gyfarfod â phob math o bobl o bob oed a chefndir.

Bangor
21 Mehefin - 9 Gorffennaf 2010 (3 wythnos)
ar gyfer dechreuwyr pur yn unig
28 Mehefin - 9 Gorffennaf 2010 (2 wythnos) ar gyfer pob lefel arall

Yr Wyddgrug (Llaneurgain)
12 - 16 Gorffennaf 2010 Pob lefel, gan gynnwys dechreuwyr pur

Pwllheli
12 - 16 Gorffennaf 2010 Pob lefel, gan gynnwys dechreuwyr pur

 

Ysgol Haf Astudiaethau Menywod 2010

CYDRADDOLDEB AC AMRYWIAETH GENDER

yn y Coleg Addysg a Dysgu Gydol Oes, Prifysgol Bangor

Rhaglen 5 diwrnod dros dau benwythnos

Gwener, Sadwrn a Sul, 9 - 11 Gorffennaf, 2010
Sadwrn a Sul, 3 a 4 Medi 2010
9.30 - 4.30 bob dydd

Sioe Celfyddyd Gain BA Hons 2010

Arddangosfa rhedeg:
19 Mehefin - 3 Gorffennaf

Amgueddfa ac Oriel Gwynedd, Bangor 01248 353 368,
Mawrth - Gwener 12.30 – 4.30pm, Sadwrn 10.30 – 4.30

http://www.bangor.ac.uk/ll/Art_Shows_2010.php.cy

 

Sioe Diploma Celfyddyd Gain

Canolfan Ucheldre, Caergybi
5 – 12 Meheffin 10.00 – 17.00, Dydd Sul 14.00 - 17.00

Mwy...

 

 

Gweithdai Gwella eich Sgiliau Cyflwyno Llafar

Dyddiad: Sadwrn 22 Mai 10 am - 12.30

Lleoliad: Dysgu Gydol Oes, Stryd y Deon, Bangor

Ffi: £35 (dim gostyngiadau)

Argyhoeddwch, perswadiwch, daliwch sylw a thaniwch frwdfrydedd eich cynulleidfa drwy ddefnyddio technegau lleisiol syml ar y gweithdai yma sydd wedi eu hanelu at bobl busnes, academyddion, athrawon, cyflwynwyr, myfyrwyr a gweithwyr gwirfoddol ayb. Dysgwch sut i gyfleu eich neges (gyda chyflwyniadau prosiect, darlithoedd, sgyrsiau ayb) drwy weithio ar:

a) anadlu a ffordd o symud
b) ynganu a thaflu llais
c) acennu a siapio i bwysleisio testun
d) iaith y corff a mynegiant yr wyneb

Yn y gweithdai hanner diwrnod yma bydd yr hyfforddiant mewn grŵp bach gan ganolbwyntio un-i-un. Mae’r gweithdai yma hefyd yn addas ar gyfer y rhai sydd wedi mynychu ein gweithdai blaenorol. Er mai Saesneg fydd iaith y gweithdai, bydd croeso i chi drafod elfennau o'r gweithdai yn Gymraeg gyda'r tiwtor. Rhaid cofrestru cyn dydd Gwener 14 Mai .

 

Dwyn ID: hanfodion ar gyfer gwell diogelwch

Dyddiad: 15 Ebrill 2010

Lleoliad: Canolfan Archimedes, Parc Technoleg, Wrecsam

Amser: 10.00 am - 4.00 pm

Ffi: £45 (dim gostyngiadau ar gael)

Os oes gennych chi neu’ch busnes gyfrifiadur, rydych mewn perygl.

Mae unigolion a busnesau yng Ngogledd Cymru’n wynebu gwir beryglon a allai fod yn ddifrodus, tra bo bygythion newydd yn ymddangos yn fwy a mwy rheolaidd.

Pam fod hyn yn effeithio arnaf i?

Efallai bod y mwyafrif yn hyderus fod eu ffyrdd o warchod rhag twyll cyfrifiadurol – fel arfer wedi’u seilio ar ddatrysiadau gwrth-feirws sydd ar gael yn hawdd – yn mynd i’w darparu â digon o ddiogelwch rhag pob bygythiad arlein arwyddocaol. Ond eto, bob blwyddyn mae miloedd o unigolion a busnesau’n dioddef o e-Drosedd, er gwaethaf pob ymdrech i fod yn ddiogel.

Bydd y sesiynau yma’n trafod rhai o’r ffyrdd y mae lladron ID yn eu defnyddio i gael gwybodaeth oddi wrth unigolion. Byddwn yn edrych ar ffyrdd o warchod rhag twyll a dwyn manylion personol. Byddwn hefyd yn trafod y ffyrdd o gael gwybod a oes lladron wedi bod yn ceisio dwyn eich manylion a’r hyn y dylech wneud os digwydd hyn i chi.

Allwch chi fforddio colli’r Ysgol Undydd hon?

Saesneg fydd iaith y digwyddiad.

Nifer cyfyngedig o leoedd sydd ar gael, felly archebwch eich lle’n fuan.

 

Dwyn ID: canllawiau hanfodol ar gyfer gwell diogelwch

Dyddiad: Bore Sadwrn 5 Rhagfyr 2009

Amser: 10.00 - 12.00 o’r gloch

Lleoliad: Dysgu Gydol Oes, Prifysgol Bangor, Stryd y Deon, Bangor (MAP)

Ffi: £10 (dim gostyngiadau)

"Mae 20 miliwn o dai yn y DU yn chwyddo perygl o dwyll drwy fethu â chymryd camau i warchod rhag dwyn manylion personol." Ymchwil MEL 2004

Mae’r adeg hon o’r flwyddyn yn un llewyrchus iawn i ladron ID a nod y bore hwn fydd rhoi cyngor ar ffyrdd o gadw’ch arian yn ddiogel y Nadolig hwn!
Bydd sesiynau’r bore hwn yn trafod rhai o’r ffyrdd y mae lladron ID yn eu defnyddio i gael gwybodaeth oddi wrth unigolion. Byddwn yn edrych ar ffyrdd o warchod rhag twyll a dwyn manylion personol. Byddwn hefyd yn trafod y ffyrdd o gael gwybod a oes lladron wedi bod yn ceisio dwyn eich manylion a’r hyn y dylech wneud os digwydd hyn i chi.

Saesneg fydd iaith y digwyddiad.

Nifer cyfyngedig o leoedd sydd ar gael, felly mae archebu lle’n fuan yn hanfodol.

Sylwch: Does dim cefnogaeth ariannol ar gael gyda’r cwrs yma.

 

Gwella eich Sgiliau Cyflwyno Llafar Ymhellach

• Dydd Sadwrn 24.10.09
• 09.30 - 12.30
• Dysgu Gydol Oes, Stryd y Deon, Bangor
• £35 (dim gostyngiadau)

Bydd y cwrs dilyniant yma’n adeiladu ac yn datblygu’r sgiliau a enillwyd yn yr ysgol undydd flaenorol. Yn y sesiwn hanner diwrnod hwn bydd yr hyfforddiant mewn grŵp bach gan ganolbwyntio un-i-un, felly nifer cyfyngedig o leoedd sydd ar gael.

Mae archebu lle’n fuan yn hanfodol.

Dach chi isio dysgu Cymraeg llafar bob dydd mor gyflym â sy’n bosib?

Triwch ein cyrsiau Wlpan dwys iawn i ddechreuwyr:

Superwlpan deg wythnos
Bangor, 5 Hydref – 18 Rhagfyr 2009
Bob dydd, Llun – Gwener
(Llun – Iau 9.15 – 3.00;  Gwe 9.15 – 12.15)

Manylion pellach/Cofrestru:

Elwyn Hughes
01248 382259
e.hughes@bangor.ac.uk

 

Diwrnod Ysgrifennu - "Only Connect"

• Sadwrn 26.09.09
• 09.45 - 16.00
• Dysgu Gydol Oes, Stryd y Deon, Bangor
• £25 (dim gostyngiadau)

Dewch â'ch cinio eich hun

Saesneg fydd iaith y digwyddiad.

Cymysgedd o weithdai ymarferol a darlleniadau i archwilio eich syniadau a thrafod sut i ymdrin ag ysgrifennu creadigol gyda Deborah Kay Davies, Elizabeth Ashworth a Zoë Skoulding .

Cwrs Gwerthfawrogi Gwin

• 11, 19, 25 Medi a 2, 16 Hydref 2009
• 7 - 9 o'r gloch
• Dysgu Gydol Oes, Stryd y Deon, Bangor
• £95 (dim gostyngiadau)

Yn y darlithoedd Gwerthfawrogi Gwin hyn, byddwn yn trafod amrywiaeth y gwrawnwinen, pwysigrwydd y deunyddiau yn y Byd Newydd i gymharu â'r Hen Fyd a hefyd yn trafod y Gyfraith mewn gwledydd eraill.

Cwrs trwy gyfrwng y Saesneg yn unig

Ysgol Undydd: Gwella eich sgiliau cyflwyno llafar

gyda Marian Bryfdir

• Sadwrn 19.09.09
• 10.00 am - 4.00 pm
• Y Ganolfan Rheolaeth, Prifysgol Bangor, Ffordd y Coleg, Bangor
• £45 (Yn cynnwys lluniaeth ysgafn)

Saesneg fydd iaith y digwyddiad. Fodd bynnag mae modd i chi drafod rhai agweddau o'r ysgol undydd yn y Gymraeg gyda'r Tiwtor.

Nifer cyfyngedig o leoedd sydd ar gael, felly mae archebu lle'n fuan yn hanfodol.

Dosbarth Meistr Dysgu Canu

• Dydd Sadwrn 5ed Medi
• 14.00 - 18.00
• Y Ganolfan Reolaeth, Ffordd y Coleg, Bangor
• £40 (dim gostyniadau)

Dosbarth meistr o arddangos a thrafod dysgu canu. Mae’r tiwtor, Marian Bryfdir, wedi arbenigo mewn hyfforddiant lleisiol i actorion, cantorion ac athrawon canu. Fel cantores a chyfarwyddwraig opera mae ei phrofiad yn eang ac yn amrywiol, o ddechrau ei gyrfa yn Covent Garden i gyfarwyddo opera newydd “Cei Llawn Cyffro” gan y cyfansoddwr Bill Evans yn y Galeri, Caernarfon ym Mehefin 2008. Bydd yn cyflwyno diwrnod o ddysgu dosbarth meistr ar gyfer rhai o wahanol oed a lefelau gallu. Dilynir hyn gan drafodaeth a chyfle i holi cwestiynau am dechnegau lleisiol.

Ysgol Haf Astudiaethau Menywod
GENDER, CYDRADDOLDEB AC AMRYWIAETH

yn y Coleg Addysg a Dysgu Gydol Oes, Prifysgol Bangor

Sadwrn a Sul, 11 a 12 Gorffennaf, 2009
Gwener, Sadwrn a Sul, 25, 26 a 27 Medi 2009
9.30 - 4.30 bob dydd

Mae Gender, Cydraddoldeb ac Amrywiaeth yn fodiwl 30 credyd ar y cwrs MA Astudiaethau Menywod, sydd wedi ei sefydlu ers cryn amser ym Mhrifysgol Bangor. Rydym yn edrych ar bolisi ac ymarfer ym maes cydraddoldeb ac amrywiaeth, yn arbennig mewn perthynas â materion gender. Bydd y modiwl hwn o ddiddordeb arbennig i'r canlynol:

• Rhai sy'n gweithio gyda materion cydraddoldeb ac amrywiaeth yn y sector cyhoeddus, preifat neu'r trydydd sector
• Rhai sydd â diddordeb mewn dod i ddeall yn well faterion yn ymwneud â gender, cydraddoldeb ac amrywiaeth yn eu bywydau eu hunain
• Rhai sydd â diddordeb mewn astudio ymhellach ar lefel ôl-radd

Gellir cymryd y modiwl hwn fel rhan o'r rhaglen MA mewn Astudiaethau Menywod, neu fel modiwl ar ei ben ei hun. Caiff ei gyflwyno gan gyfuniad o staff y brifysgol a darlithwyr gwadd a defnyddir amrywiaeth o ddulliau dysgu cyfranogol, yn cynnwys seminarau, gweithdai a darlithoedd

Codir tâl o £552 am wneud y modiwl

Dyddiad cau ar gyfer ceisiadau - 15 Mehefin 2009

I gael gwybodaeth bellach a ffurflen gais, dychwelwch y bonyn isod at:
Sian Owen, Dysgu Gydol Oes, Prifysgol Bangor, Stryd y Deon, Bangor LL57 1UT.
01248 382475 dgo@bangor.ac.uk

Blas ar Addysg Uwch Canolfan Cywain, Y Bala

Ymunwch â thiwtoriaid o Brifysgol Bangor am gyflwyniad i Addysg Uwch yn y ganolfan newydd ffantastig yma.

• Gwener 12.06.09
• 12.00 - 1.00 pm Ffotograffiaeth Ddigidol Cyflwyniad difyr a hwyliog i ffotograffiaeth ddigidol a phosibiliadau Photoshop.
• 1.30 - 2.30 pm Cyflwyniad i Seicoleg Mae seicoleg yn astudio ymddygiad, meddwl a symbyliad. Dewch i wrando ar yr hyn y mae ymchwil yn ei ddweud a all helpu rhieni, teidiau a neiniau plant o bob oed i ddeall yn well feddyliau, ymddygiad a theimladau eu plant a hwy eu hunain.
• 3.00 - 4.00 pm Cyflwyniad i Gynaladwyedd Mae pobl Cymru'n defnyddio cymaint o adnoddau fel y byddai angen tair planed i'n cynnal pe byddai pawb yn gwneud yr un fath. Ymunwch â Dr Gwenith Hughes am gyflwyniad difyr i'r pwnc pwysig yma.
• Does dim angen i chi archebu eich lle, ond nifer cyfyngedig o leoedd sydd ar gael, felly dewch yn fuan.
• Bydd pawb sy'n cymryd rhan mewn gweithgaredd yn cael tocyn i gael diod am ddim yn y caffi.

Noson Agored

Eisiau trafod wyned i wyneb? Dewch i drafod gyda'n tiwtoriaid dros baned. Nos Iau 14.05.09  3 – 6pm  Stryd y Deon, Bangor LL57 1UT

Wythnos Addysg Oedolion 2009

Bydd miloedd o bobl o bob rhan o Gymru yn ymchwilio amrywiaeth eang o gyfleoedd dysgu mewn digwyddiadau arbennig ym mhob rhan o Gymru yn ystod yr Wythnos Addysg Oedolion (9 – 16 Mai). giliau cyfrifiadurol i ieithoedd, garddio i ysgrifennu creadigol, a dysgu yn y gweithle i lythrennedd ariannol, mae’r amrediad o opsiynau dysgu yn enfawr. Cliciwch yma i welwch y amserlen.

Ysgol Hanner Dydd: Mental Health Awareness

CWRS YN LLAWN

Gwener 17.04.09
10.30 am - 1.30 pm
Dysgu Gydol Oes, Canolfan Archimedes, Parc Tecnoleg, Wrecsam LL13 7YP
(Gyferbyn a phrif fynedfa Ysbyty Maelor)
AM DDIM

Saesneg fydd iaith y digwyddiad.

Nifer cyfyngedig o leoedd sydd ar gael, felly mae archebu lle’n fuan yn hanfodol.

Ysgol Undydd: Improving Your Vocal Presentation Skills

gyda Marian Bryfdir

Sadwrn 14.03.09
10.00 am - 4.00 pm
Y Ganolfan Rheolaeth, Prifysgol Bangor, Ffordd y Coleg, Bangor
£30 (Yn cynnwys lluniaeth ysgafn)

Llawn

Saesneg fydd iaith y digwyddiad.

Nifer cyfyngedig o leoedd sydd ar gael, felly mae archebu lle’n fuan yn hanfodol. Fodd bynnag mae modd i chi drafod rhai agweddau o'r ysgol undydd yn y Gymraeg gyda'r Tiwtor.

Diwrnod Rhyngwladol Merched

Dathlu merched yn dysgu!

Darlithoedd, stondinau, arddangosfa  gelf, darlleniadau gan awduron, nifer o siaradwyr gwadd gan gynnwys actifyddion Mudiad Teithwyr Galway

Dydd Sadwrn 7/03/09, 9.30am - 4.00pm
Fron Heulog, Prifysgol Bangor, Ffordd Ffriddoedd, Bangor
Archebu lle o flaen llaw yn hanfodol
£10 (hyn yn cynnwys cinio a lluniaeth ysgafn)

Cysylltwch â Dysgu Gydol Oes ar 01248 382475

Ysgol Undydd: Philosophy and Contemporary Issues

Sadwrn 17.01.09
10.00 am - 3.00 pm
Dysgu Gydol Oes, Stryd y Deon, Bangor LL57 1UT
£20 (dim gostynuiadau)

Saesneg fydd iaith y digwyddiad.

Cofrestrwch erbyn 9.01.09.

 

Darlith Min Nos Gwerthfawrogi Gwin

Nos Wener 16.01.09
7.00 - 9.00 pm
Dysgu Gydol Oes, Stryd y Deon, Bangor LL57 1UT
£15 (i gynnwys gwin i’w flasu) Dim gostynuiadau.

Saesneg fydd iaith y digwyddiad.

Bydd y noson yn cynnwys sgwrs am awr ynghyd ag awr o flasu dan hyfforddiant. Byddwn yn ymdrin â chynhyrchu gwin, blasu gwin, gwinoedd Ffrainc, Yr Eidal, Sbaen, Portiwgal, Yr Almaen, Dwyrain Ewrop, ynghyd â’r Byd Newydd, siampên a Gwin Cadarn.

Nifer cyfyngedig o leoedd sydd ar gael, felly mae archebu lle’n fuan yn hanfodol.

Cofrestrwch erbyn 9.01.09

Ysgol Undydd Ysgrifennu: In Transit

Gyda Fflur Dafydd, Zoë Skoulding & Liz Ashworth

Sadwrn 17.01.09
10.00 am - 4.00 pm
Dysgu Gydol Oes, Stryd y Deon, Bangor LL57 1UT
Ffi: £20 (dim gosyniadau)

Saesneg fydd iaith y digwyddiad.

Nifer cyfyngedig o leoedd sydd ar gael, felly mae archebu lle’n fuan yn hanfodol.

Cofrestrwch erbyn 9.01.09

Cymraeg i Oedolion: Ysgol Galan

Cwrs adolygu 3 diwrnod i roi cychwyn da i'r flwyddyn.

Bangor ac Yr Wyddgrug: 5-7 Ionawr 2009

I gofrestru ffoniwch 01248 382752

Digwyddiad Agored: Eisiau trafod wyned i wyneb?

Dewch i drafod gyda'n tiwtoriaid dros baned.

Bangor - Noson Agored
7 Ionawr 2009 4-7pm
Dysgu Gydol Oes, Stryd y Deon, Bangor LL57 1UT

Cymraeg i Oedolion: Ysgolion Undydd

Carenarfon: 15 Tachwedd 2008
Yr Wyydrug: 29 Tachwedd 2008

Ffoniwch 01248 382752 am fwy o fanylion.

Cynhadledd Hanes Dyffryn Clwyd

Dydd Sadwrn, 22 Tachwedd 2008 i ddechrau am 9.45 am

Yn yr Ysgol Undydd eleni ceir golwg ar hanes lleol a’r gymuned. Gan ddefnyddio’n rhannol ymchwil a wnaed yn ddiweddar yn Dysgu Gydol Oes ym Mhrifysgol Bangor, byddwn yn trafod y ffordd y mae cymunedau’n datblygu a thyfu a sut y gall haneswyr lleol gynorthwyo i gofnodi’r newidiadau hyn ar gyfer cenedlaethau’r dyfodol. Byddwn hefyd yn cael golwg ar bwysigrwydd enwau lleoedd i gymunedau. 

Mae hwn yn argoeli i fod yn ddiwrnod bywiog a llawn gwybodaeth gyda siaradwyr rhagorol a digon o gyfle i’r gynulleidfa gyfrannu eu sylwadau ar y materion a drafodir.  

Ffi: £25 i gynnwys cinio 2 gwrs.
Dyddiad cau 14.11.09

Get Close to Nature: An Ecology Day School

Sadwrn 18 Hydref 2008
09.45 - 16.00
Dysgu Gydol Oes, Stryd y Deon, Bangor

Cynhelir y digwyddiad yma drwy gyfrwng y Saesneg.

 

 

AM DDIM "Writing Your Family Stories"

yng nghwmni'r awdures Liz Ashworth

dydd Sadwrn 27ain Medi, 10-1 o'r gloch yng Nghanolfan Gymunedol London Road, Caergybi.  Rhaid bwcio eich lle ymlaen llaw drwy gysylltu â 01248 382475 gan fod rhaid cyfyngu'r niferoedd.  Cynhelir y gweithdy drwy gyfrwng y Saesneg.

Revolution! Writing Day School

Cynhelir y digwyddiad yma drwy gyfrwng y Saesneg.

Digwyddiadau Agored: Eisiau trafod wyned i wyneb?

Dewch i drafod gyda'n tiwtoriaid dros baned yn un o'n diwyddiadau ym Mangor neu Wrecsam!

Bangor - Noson Agored
10 Medi 2008 4-7pm
Dysgu Gydol Oes, Stryd y Deon, Bangor LL57 1UT

Wrecsam - Cofrestru
1-12 Medi 2008 11am - 3pm (nid ar y penwythnos)
Llyfrygell, Ffordd Rhosddu, Wrecsam

Ysgrifennu – Dathliad

Nos Fawrth 9 Medi 2008
7.30pm
Oriel ac Amgueddfa Gwynedd, Bangor
Mynediad am ddim – croeso i bawb

Darlleniad gan raddedigion diweddar ac ysgrifennwyr creadigol ôl-raddedig o’r Coleg Addysg a Dysgu Gydol Oes, Prifysgol Bangor.

SIOEAU HAF Y RHAGLEN CELFYDDYD GAIN 2008

Amgueddfa ac Oriel Gwynedd, Bangor
18 - 28 Mehefin 2008
Yn agor : Sadwrn 10.30 - 4.30, Mawrth - Gwener 12.30 - 4.30

Arddangosiad preifat, dydd Gwener, 20 Mehefin, 5 – 8pm

Bydd saith o fyfyrwyr sy’n graddio yn arddangos amrywiaeth o waith o’r radd ran-amser newydd mewn Celfyddyd Gain ym Mhrifysgol Bangor. Mae creadigrwydd unigol cynaliadwy ac ethos hyfforddiant wedi’i arwain gan ymarfer, dros chwe blynedd, yn creu’r rhaglen ddwys yn yr arddangosfa gyntaf hon ar gyfer y BA (Anrh) newydd mewn Celfyddyd Gain.

Edrychwch ar y catalog

Y Drydedd Sioe Diploma Celfyddyd Gain

Canolfan Ucheldre, Caergybi
6 - 13 Mehefin 2008
Arddangosiad preifat, dydd Sadwrn, 7 Mehefin, 5pm

Bydd chwech o fyfyrwyr yn cyflwyno detholiad amrywiol o gyfryngau traddodiadol a newydd yn y drydedd sioe diploma hon. Mae’r myfyrwyr wedi cwblhau pedair blynedd o astudiaeth ran-amser ar raglen dwy a llawn her y radd Celfyddyd Gain. Maent wedi cyflawni carreg filltir bwysig yn eu hymarfer unigol.

Modiwl Ffotograffiaeth “Taith drwy Dirwedd”

Neuadd Hendre, Tal y Bont, 07857 344 276
Dydd Gwener, 13 Mehefin, 6 – 9pm

Mae myfyrwyr o’r modiwl ffotograffiaeth newydd a hynod lwyddiannus hwn yn arddangos eu gwaith am benwythnos yn unig; ewch i’r arddangosfa yma i weld dehongliadau creadigol o’n tirweddau drwy’r lens.

Gwyliau Dysgu 17-23 Mai 2008

17 - 23 Mai 2008

Bydd Dysgu Gydol Oes ym Mhrifysgol Bangor yn cymryd rhan flaenllaw yng Ngwyliau Dysgu Gwynedd, Môn a Chonwy. Yng ogystal a’r gweithgareddau a nodwyd isod, byddwn yn cynnal ein ‘Sialens Addysg Uwch’ ym mhob un o’r lleoliadau, felly galwch heibio ein stondin i gymryd rhan y nein cwis hwyliog lle cewch gyfle i ennill CWRS AM DDIM o’ch dewis!

Cliciwch yma am amserlen!

Ffair Wanwyn yn Stryd y Deon 25.04.08

Os byddwch yng nghyffiniau Stryd y Deon ar ddydd Gwener 25 Ebrill, galwch heibio adeilad Dysgu Gydol Oes lle bydd myfyrwyr gradd celf gain yn cynnal Ffair Wanwyn i godi arian tuag at eu harddangosfa ym mis Mehefin.

Cewch gyfle i brynu tocyn raffl gydag ystod eang o wobrau gan gynnwys cwilt o waith llaw, hamper moethus, basged o siocled masnach deg a bagiau o waith llaw.

Dewch draw i’w cefnogi!

Gwyliau Dysgu 17 - 23 Mai 2008

Bydd Dysgu Gydol Oes ym Mhrifysgol Bangor yn cymryd rhan flaenllaw yng Ngwyliau Dysgu Gwynedd, Môn a Chonwy. Yng ogystal a’r gweithgareddau a nodwyd isod, byddwn yn cynnal ein ‘Sialens Addysg Uwch’ ym mhob un o’r lleoliadau, felly galwch heibio ein stondin i gymryd rhan y nein cwis hwyliog lle cewch gyfle i ennill CWRS AM DDIM o’ch dewis!

Cliciwch yma am amserlen!

Ysgol Undydd Cymraeg i Oedolion

Llangefni: Ysgol Gyfun
Sadwrn 8 Mawrth 10 - 4

Am fwy o fanylion cysyllwtch â 01248 382752

Diwrnod Rhyngwladol Merched

dydd Sadwrn 8fed Mawrth 10am - 4pm
Stryd y Deon, Bangor

Mae’r Dysgu Gydol Oes, Prifysgol Bangor yn galw ar ferched yr ardal i ymuno a nhw ar ddydd Sadwrn 8fed o Fawrth i ddathlu Diwrnod Rhyngwladol Merched.  Bydd cyfraniadau gan Charlotte Williams a fydd yn son am Siwgr a Llech, a Pat Daniel fydd yn son am Ferched Chwyldroadol; cewch chithau hefyd gyfle i adrodd eich hanesion.  Bydd cyfle i chi rwydweithio, cymryd rhan mewn gweithgareddau a phrynu o stondinau amrywiol gan gynnwys stondin lyfrau Palas Print.  Bydd lluniaeth ysgafn ar gael yn ystod y dydd, felly dewch draw i’r Dysgu Gydol Oes, Stryd y Deon, Bangor (gyferbyn a maes parcio Menai) am 10 o’r gloch tan 4.  Nid oes cost ar gyfer y digwyddiad yma ond rhaid bwcio ymlaen llaw drwy ffonio 01248 382475.

• Astudiaethau Israddedig Rhan Amser
• Cymwysterau Ôl-radd Rhan Amser
• Cymraeg i Oedolion
• Dod o hyd i gwrs
• Ffioedd a Chyllid

• Am y Brifysgol
• Newyddion & Digwyddiadau
• BangorTV
• Astudio ym Mangor
• Bywyd Myfyriwr
• Cysylltu â ni

• 
• 
•