UWB Crest

Croeso i Dysgu Gydol Oes ym Mhrifysgol Bangor

Gweithgareddau’r Gorffennol

Picture of a class of pupils in front of the Hysbys - Project

GWLAD – Cael Gwaith, Addysg a Chyngor mewn Ardaloedd Gwledig 2005 – 2007/8  

Logo for the GWLAD project

Enw partneriaeth unigryw sydd wedi ei lleoli yng Ngogledd Cymru yw GWLAD, sy’n edrych ar ffyrdd arloesol o gyflwyno dysgu mewn ardaloedd gwledig.

Mae GWLAD wedi ei hariannu gan gylid EQUAL 2 Cronfa Gymdeithasol Ewrop. Mae’r enw’n cyfeirio wrth gwrs at gefn gwlad ond hefyd yn acronym Saesneg sy’n adlewyrchu prif waith ein project - Getting Work, Learning and Advice mewn ardaloedd gwledig.

Mae’r bartneriaeth yn cynnwys amrywiaeth o sefydliadau o’r sectorau addysgol, gwirfoddol a chymunedol gan gynnwys Dysgu Gydol Oes ym Mhrifysgol Bangor fel partner arweiniol; Medrwn Môn, yr asiantaeth wirfoddol dros Ynys Môn; y Black Environment Network; CAIS – sefydliad ailsefydlu pobl gyda phroblemau’n ymwneud â chyffuriau ac alcohol; Stonewall Cymru; Chwarae Teg, sefydliad hawliau merched, Bwrdd yr Iaith Gymraeg, y Brifysgol Agored; a McAlpine’s, cyflogwr lleol.

Am fwy o wybodaeth, cysylltwch â:

European Social Fund logo

Cyfarwyddwr y Project:  
Dr Brec'hed Piette 01248 382743

Cydlynydd y Project:  
Patricia Reid

Gwefan: www.gwlad.org

Grundtvig II: Dull Rhyng-ddiwylliannol o Hybu Dinasyddiaeth Ddemocrataidd 2006-2007  

Roedd y project hwn yn edrych ar swyddogaeth addysg o ran helpu i ddod dros eithrio cymdeithasol a hyrwyddo’r ddelfryd o ddinasyddiaeth Ewropeaidd gynhwysol.  Mae ei amcanion fel a ganlyn:

  • Cynyddu gwybodaeth o’r gwahanol ddiwylliannau gyda’r nod o hyrwyddo cydfodolaeth ac integreiddio dinasyddion.
  • Darganfod a dadansoddi’r prif anawsterau’n ymwneud â chyfranogiad dinasyddion o wahanol ddiwylliannau ac amgylcheddau amlddiwylliannol.
  • Defnyddio dulliau dysgu sy’n fwy rhyngweithiol a democrataidd yn lle’r rhai traddodiadol.
  • Sefydlu cysylltiadau rhwng sefydliadau addysgol a chymunedau lleol a hyrwyddo gweithgareddau all-gwricwlaidd.

Mae’r project wedi arwain at ddatblygu cwrs wedi’i anelu at godi ymwybyddiaeth a dealltwriaeth o faterion rhyngddiwylliannol.  

Gellwch lwytho i lawr y cwrs ‘Dinasyddiaeth mewn Ewrop Ryngddiwylliannol’ am ddim.  

Cyswllt:  Dr. David Sullivan 01248 388477

Gwefan: www.interculturalcitizenship.org

Grundtvig II – Project Traws-Goginio 2006 - 2008

Amcan y project Traws-Goginio yw ailddarganfod a diogelu traddodiadau ym maes coginio ar draws Ewrop, gan gryfhau'r posibiliadau ar gyfer dysgu a chydweithio ar draws gwahanol genedlaethau a diwylliannau.  Mae yna 4 grŵp yng ngogledd-orllewin Cymru ac mae cynrychiolwyr o bob grŵp wedi cael cyfle i ymweld â phroject mewn gwlad Ewropeaidd arall i rannu gwybodaeth, sgiliau a storïau'n ymwneud â bwyd a bywyd cymunedol.  Mae’r grwpiau wedi cymryd rhan mewn amrywiol weithgareddau lleol ac wedi cyfrannu at Ŵyl Fwyd Conwy yn Hydref 2007

Cyswllt:  Shan Ashton 01248 383224

Gwefan: www.cross-cooking.eu/

Carnegie - Sgiliau ar gyfer Datblygu’r Gymuned Wledig

Roedd yr ymchwil hwn yn sylfaen i ddadansoddi anghenion dysgu o ran sgiliau ar gyfer datblygu’r gymuned wledig, yn datblygu agenda ar gyfer y ddeng mlynedd nesaf yng Nghymru.  Hwn oedd elfen Gymreig project ymchwil gweithredu gwledig yn cynnwys Cymru, Lloegr, yr Alban, gogledd Iwerddon a Gweriniaeth Iwerddon.

Noddwyd yr ymchwil gan y Carnegie Trust UK a phartneriaid Dysgu Gydol Oes Bangor yn yr ymchwil oedd  Fforwm Gwledig Cymru, Cyngor Gweithredu Gwirfoddol Cymru a Datblygu Cymunedol Cymru.

Cynhelir gwaith pellach gyda Carnegie a’r partneriaid yn ystod 2008 i weithredu’r ymchwil.

Am ragor o wybodaeth cysylltwch â’r:

Cydlynydd ymchwil: Shan Ashton 01248383224

Gwefan:

www.cefngwlad.org/documents/carnegie_english.pdf

www.cefngwald.org/documents/carnegie_welsh.pdf

Project HEFCW i Ddatblygu’r Gweithlu 2007 – 2008  

Nod y project hwn yw datblygu dysgu ar lefel uwch yn y gweithlu Cymreig er mwyn hybu gallu Cymru i gystadlu’n economaidd.  Ei fwriad yw ymestyn cyfleoedd i oedolion hŷn yn y gweithlu Cymreig drwy gynnig addysg o safon gradd iddynt gan ddefnyddio dulliau dysgu arloesol a gweithgareddau sy’n cydnabod eu cyraeddiadau addysgol.  Bydd hyn yn galluogi i sefydliadau AU Cymru gydweithio a defnyddio eu gwahanol gryfderau i gynllunio, asesu ac achredu dysgu yn y gweithle.

Cam cyntaf y project (sy’n cael ei wneud gan Dysgu Gydol Oes, Prifysgol Bangor, gyda chefnogaeth partneriaid eraill) yw astudiaeth ddichonoldeb lle ceir project datblygu gwasanaeth wedi'i gysylltu ag achredu rhaglenni hyfforddi o fewn cwmnïau ac asesu canlyniadau dysgu yn y gweithle i unigolion.  Bydd yn cynnwys adolygiad beirniadol o weithgareddau presennol rhwng y sectorau busnes a phrifysgol yng Nghymru i ddatblygu’r gweithlu a gweld i ba raddau y defnyddir AP(E)L (Accreditation of Prior and/or Experiential Learning).   

Cyswllt:  Lowrian Williams 01248 388407

HYSBYS 2004 - 2007

Partneriaeth rhwng Dysgu Gydol Oes Prifysgol, y BBC a Bwrdd yr Iaith Gymraeg oedd yr Hysbys. Teithiodd yr Hysbys hyd a lled gogledd Cymru, yn ymweld â threfi, pentrefi a chymunedau i wneud y cyhoedd yn gyfarwydd â nodau ac amcanion eu prifysgol leol a’r partneriaid eraill a oedd yn rhan o’r fenter.

Roedd cyfrifiaduron a stiwdio ddarlledu ar y bws, fel y gallai’r cyhoedd gymryd rhan mewn sesiynau blasu a chyrsiau byr, pori gwefannau'r partneriaid a chyfrannau at eu gwaith. Roedd Dysgu Gydol Oes yn cynnig cyngor ac arweiniad ar yr amrywiaeth o gyrsiau oedd ar gael ganddynt. Roedd hefyd gyfle i gyfrannu at gynnwys y BBC yn y Gymraeg a’r Saesneg ar amrywiaeth o bynciau; gyda Bwrdd yr Iaith yn bartner, y nod oedd hyrwyddo a hwyluso defnyddio’r iaith Gymraeg.

Hysbys Launched by Meri Huws, March 2005

Cynlluniwyd ac addaswyd gweithgareddau ar gyfer y gwahanol gymunedau gan staff y bws. Yn ogystal ag ymweld â threfi a phentrefi, bu’r Hysbys hefyd yn bresennol ym mhrif ddigwyddiadau’r gogledd, e.e. Eisteddfod Genedlaethol yr Urdd, Sesiwn Fawr Dolgellau a Sioe Môn.

Adults Learners Visit the Hysbys, 2006

Cychwynnodd y bws ar ei thaith ym Mawrth 2005. Roedd gan yr Hysbys ei gwefan ei hun a oedd yn adlewyrchu’r gwaith a gyflawnwyd ac yn cynnwys rhaglen o weithgareddau ac amserlen y bws. Wrth ymweld â’r Hysbys roedd pobl yn gallu dysgu, creu a mwynhau ar yr un pryd!

Straeon yn y Newyddion:

Hysbys yn Dechrau ei Thaith Dysgu (Ebrill 2005)

Dysgwyr yn cael hwyl ar y bws! (Ionawr 2006)

Y Gazebo yn GaLW Heibio yn Wrecsam (Medi 2006)

Taith Addysg Gymunedol ar Hysbys (Medi 2007)

!Dime Tú¡

Dime Tu! Image of textbook to learn spanish through the medium of Welsh

Pan gafodd ein rhaglen o fodiwlau mewn Ieithoedd Modern eu hailgyflwyno o ganlyniad i’r galw gan ddarpar fyfyrwyr, gwelwyd mai Cymraeg oedd iaith gyntaf llawer a ddaeth iddynt. Yna datblygwyd y modiwl arloesol Dewch i Siarad Sbaeneg fel y gellid dysgu Sbaeneg drwy gyfrwng y Gymraeg. Y cam nesaf oedd ystyried testun i gyd-fynd â phob sesiwn a ddysgid ac fe gafodd Dime Tú ei lansio yn Nhachwedd 2005. Oherwydd y galw am gwrs dilynol, ymddangosodd Dime Tú 2 o fewn yr ychydig fisoedd nesaf gyda’r gyfrol hon yn cael ei lansio yn yr Eisteddfod Genedlaethol yn Abertawe.

Lowri Williams fu’n gyfrifol am ddatblygu’r ddau lyfr. Cyllidwyd y projectau gan y Ganolfan Addysg Uwch Cyfrwng Cymraeg a rheolwr y project oedd Delyth Murphy, Uwch Gydlynydd yn Dysgu Gydol Oes. 

Cyswllt: Delyth Murphy 01248 383761

Prynwch lyfrau a CD.

Project Leonardo Gofal Cartref yn Ewrop 2002 - 2005

Roedd y project hwn yn buddsoddi mewn datblygu cwrs hyfforddi ar-lein i’r rhai sy’n gweithio yn y sector gofal cartref mewn pump o wledydd yr UE - Sweden, Hwngari, Yr Eidal, Y Ffindir a Chymru. Roedd fformat y cwrs a ddatblygwyd yn hyblyg, yn caniatáu defnyddio achredu dysgu arbrofol blaenorol, a mynediad i’r cwrs ar unrhyw adeg o’r dydd a’r nos yn rhad ac am ddim.

Gellir dilyn y cwrs fel rhaglen unigol neu gellir ei ddefnyddio i gefnogi gofynion gwybodaeth y Cymhwyster Galwedigaethol Cenedlaethol ar lefel 2 a lefel 3.

Cysylltwch â Brec'hed Piette (b.piette@bangor.ac.uk) i gael gwybodaeth a manylion ar sut i gael at y cwrs.

Partneriaeth Datblygu SEQUAL 2003 - 2006

Ymchwil i gyflogadwyedd,  gwahaniaethu ac eithrio cymdeithasol.

Roedd y project Sequal yn ymchwilio i ymyriadau cymunedol ymarferol i wella dealltwriaeth a delio â materion cymhleth a hanfodol ar gyfer datblygu strategaeth a pholisi. Thema Bangor i’w ymchwilio oedd 'materion trawsbynciol', a oedd yn cynnwys  ynysu daearyddol, iechyd meddwl ac iaith.

Y sefydliad arweiniol: Prifysgol Surrey

Partneriaid:

  • Prifysgol Bangor
  • Prifysgol Bristol
  • Coleg Addysg Uwch Edge Hill
  • Prifysgol Glasgow
  • Prifysgol London Metropolitan
  • Prifysgol Sussex
  • Prifysgol Warwick.

Ariannwyd SEQUAL gan Gronfa Gymdeithasol Ewrop dan  Raglen Menter Gymunedol Equal.

Swyddogion Project (Bangor):

Brec'hed Piette b.piette@bangor.ac.uk

Linda Evans l.evans@bangor.ac.uk

Swyddog Ymchwil (Bangor): Rhian McCarthy

Gwefan: gwefan SEQUAL

Lawr lwythwch daflen SEQUAL.

Dynamo 2004 - 2006

Logo for the Dynamo project

Menter entrepreneuriaeth a ariannwyd ac a gefnogwyd drwy Gymru gan y WDA oedd Dynamo; cefnogir y deunydd gan ACCAC. Ei nod oedd meithrin datblygiad entrepreneuraidd ym mhobl ifanc Cymru.

Cynhaliodd ein tîm hyfforddi ddiwrnodau gweithdai ar gyfer athrawon, mewn lleoliadau ar draws gogledd Cymru, pryd y dosbarthwyd pecynnau adnoddau Dynamo iddynt i’w defnyddio yn eu hysgolion.

Mae rhagor o fanylion i’w cael ar y taflenni amgaeedig a’r wefan.

Adnoddau Dysgu Entrepreneuriaeth Dynamo

Deunyddiau Dysgu Entrepreneuriaeth Dynamo

www.projectdynamo.com