UWB Crest

Croeso i Dysgu Gydol Oes ym Mhrifysgol Bangor

Cymraeg i Oedolion

Slideshow of images for Croeso i Dysgu Gydol Oes ym Mhrifysgol Bangor

Dros y 40 mlynedd diwethaf mae Dysgu Gydol Oes ym Mhrifysgol Bangor wedi datblygu rhaglen strwythuredig ac effeithiol a threfnus i oedolion sy'n dysgu Cymraeg.

Mae degau o filoedd o fyfyrwyr wedi elwa o'r cyfuniad o gyrsiau wedi eu graddio'n ofalus, tiwtoriaid hynod brofiadol ac ymrwymedig a gwasanaethau cefnogi o'r radd flaenaf.

Mae cyrsiau ar gael yn ystod y dydd a gyda’r nos ar draws Gogledd Cymru.

Rydym ni’n cynnig ystod eang o ddosbarthiadau sy’n cynnig llwybr dilyniant eglur i'r dysgwr o un lefel i'r nesa:

  • Cwrs Wlpan (Dechreuwyr - Lefel Mynediad)
  • Cwrs Canol-Wlpan (Dechreuwyr 2il flwyddyn – Lefel Sylfaen)
  • Cwrs Pellach (Lefel Canolradd)
  • Pellach Trwy’r Post (Cwrs Dysgu o Bell – Lefel Canolradd)
  • Uwch  (Lefel Uwch 1)
  • Meistroli (Lefel Uwch 2)
  • Meistroli Trwy’r Post (Cwrs Dysgu o Bell - Lefel Uwch)
  • Cyrsiau i Ddysgwyr Rhugl (Lefel Hyfedredd)

Dan ni’n cynnig cwrs SuperWlpan bum-niwrnod-yr wythnos ym Mangor fydd yn mynd â dechreuwyr pur trwy lefel Mynediad a Sylfaen mewn tri mis (Hydref – Rhagfyr), wedi’i ddilyn gan gwrs Super-Pellach dri-diwrnod-yr wythnos fydd yn mynd â dysgwyr at ddiwedd lefel Canolradd erbyn Mehefin.  

Rydym ni hefyd yn cynnig cyrsiau aml-lefel:

Un cwrs newydd yn ein hystod o gyrsiau yw cwrs peilot Magu Hyder. Mae’r cwrs hwn wedi ei anelu at y rhai hynny sydd wedi cael eu magu yn yr ardal ac/neu wedi astudio Cymraeg yn yr ysgol, sy’n deall Cymraeg llafar yn hawdd, ond nad oes ganddyn nhw’r hyder i siarad yr iaith eu hunain.

Mae cyrsiau’n dechrau tua diwedd Medi, gyda rhai cyrsiau dechreuwyr ychwanegol ym mis Ionawr ac Ebrill.  

Chwiliwch ar ein rhestr cyrsiau i ddod o hyd i'r cwrs agosaf i chi.

Os hoffech chi gyngor neu arweiniad ynghylch y lefel fwyaf priodol i chi, ffoniwch ni ar 01248 382752.

North Wales Welsh for Adults Centre

Mae'r Dysgu Gydol Oes yn cynnig darpariaeth Cymraeg i Oedolion ar ran Canolfan Cymraeg i Oedolion Gogledd Cymru.