Cyfleodd i fyfyrwyr a graddedigion

Mae’r Swyddfa Ymchwil ac Arloesi yn rheoli nifer o gynlluniau sy'n helpu i sicrhau cyllid i ôl-raddedigion a graddedigion i weithio gyda chyflogwyr a sefydliadau. Mae hyn yn cynnwys lleoliadau gwaith wedi eu hariannu ac ymchwil sy’n rhannu gwybodaeth a chyfleoedd datblygu.

Trosglwyddo Gwybodaeth ac Ymchwil Cydweithredol

Partneriaethau Trosglwyddo Gwybodaeth (KTP)

Mae’r cynllun Partneriaethau Trosglwyddo Gwybodaeth yn gynllun cenedlaethol sy’n rhoi cyfle i raddedigion gael profiad gwaith perthnasol wrth weithio ar broject mewn cwmni neu sefydliad. Mae’n bartneriaeth tair ffordd rhwng y myfyriwr graddedig (neu’r cysylltai), y cwmni a’r Brifysgol a gall bara rhwng 10 wythnos a thair blynedd, yn dibynnu ar natur y project.

Mae cysyllteion KTP yn perchnogi eu project a chânt gefnogaeth gan staff profiadol yn y cwmni a'r Brifysgol. Mae rhai o’r heriau nodweddiadol a wynebir gan gysylltai KTP, yn dibynnu ar gymwysterau, yn cynnwys cynllunio a chyflwyno cynnyrch neu brosesau newydd neu welliannau iddynt, aildrefnu cyfleusterau cynhyrchu, cyflwyno systemau ansawdd wedi eu gwella a thechnoleg neu ddatblygu a gweithredu strategaethau marchnata er mwyn cael mynediad i farchnadoedd newydd.

Fel rheol, hysbysebir cyfleodd KTP yn y wasg ac ar we-dudalen swyddi y Brifysgol.

Cyswllt | Gwefan | Lawr lwytho taflen wybodaeth

Ysgoloriaethau Sgiliau’r Economi Gwybodaeth (KESS)

Portffolio o brojectau wedi eu cysylltu â busnesau yn ardal cydgyfeiriant Cymru yw’r Ysgoloriaethau Sgiliau’r Economi Gwybodaeth. Ariannir y cynllun gan Gronfa Gymdeithasol Ewrop. Mae projectau ymchwil PhD tair blynedd a phrojectau ymchwil Meistr blwyddyn ar gael.

Yn ogystal â chynnal ymchwil mewn cydweithrediad â chwmni partner, mae deiliaid KESS hefyd yn cael hyfforddiant ym maes ymchwil, busnes a sgiliau arloesi sy’n arwain at Gymhwyster Ôl-radd mewn Datblygu Sgiliau.

Cyswllt | Gwefan |

Efrydiaethau CASE

Efrydiaeth PhD lawn amser yw ysgoloriaeth CASE. Yn ystod yr efrydiaeth mae’r myfyriwr yn cyfoethogi ei hyfforddiant trwy dreulio cyfnod penodol o amser (rhwng tri mis a deunaw mis o holl hyd y project) gyda sefydliad cydweithredol allanol.

Cyswllt| Gwefan |

Ysgoloriaethau Ymchwil Dathlu Prifysgol Bangor

Cyflwynwyd yr ysgoloriaethau ymchwil a’r bwrsariaethau hyn yn 2009 i ddathlu can mlwyddiant a chwarter Prifysgol Bangor. Mae'r Ysgoloriaethau Ymchwil Dathlu yn ysgoloraiaethau o bwys ar gyfer myfyrwtr sy'n dymuno astudio yn y Brifysgol fywiog hon sydd â phwyslais ar ymchwil. Yn 2011/12, mae gynnym fwy na 18 o Ysgoloriaethau Ymchwil Dathlu ychwanegol i'w dyfarnu. Rydym yn croesawu ceisiadau o ansawdd uchel am yr ysgoloriaethau pwysig hyn.

Mae'e Efrydiaethau yn ariannu 3 blynedd o astudiaeth PhD lawn amser, sy’n cynnwys y ffioedd i gyd am dair blynedd, lwfans byw blynyddol a lwfans ymchwil blynyddol. Mae’r bwrsariaethau yn talu lwfans byw blynyddol.

Cewch ragor o wybodaeth yn:

Cyswllt | Gwefan |

Mynediad i Radd Meistr (ATM)

Mae’r cynllun Mynediad i Radd Meistr yn cynnig rhagor o hyfforddiant ôl-raddedig sydd wedi ei anelu at ôl-raddedigion sy’n byw ac yn gweithio yn yr ardal cydgyfeiriant (Gogledd Cymru a’r Cymoedd). Mae’r cynllun Mynediad i Radd Meistr yn talu am le ar gyrsiau Meistr hyfforddedig sy’n gysylltiedig â sectorau blaenoriaeth Llywodraeth y Cynulliad.

Economi digidol
Economi carbon isel
Iechyd a biowyddoniaeth
Peirianneg a gweithgynhyrchu uwch

Caiff myfyrwyr ATM y cyfle i ddefnyddio’r sgiliau lefel uchel hyn mewn sefyllfa ‘go iawn’ trwy leoliadau gwaith mewn sectorau diwydiant a busnes allweddol.

Cyswllt | Gwefan | Lawr lwytho taflen wybodaeth

Am fwy o wybodaeth am ysgoloriaethau a chyfleoedd ariannol eraill ar gael ar gyfer myfyrwyr ôl-raddedig, ewch i'r tudalennau Cyfleoedd Ôl-radd

Lleoliadau Gwaith Eraill

GO Wales

Mae GO Wales, a reolir gan Wasanaeth Gyrfaoedd a Chyflogadwyedd y Brifysgol, yn cynnig amrywiaeth o wasanaethau i helpu myfyrwyr, graddedigion a busnesau yng Nghymru: lleoliadau gwaith, cyllido hyfforddiant, cronfa ddata ar-lein o swyddi yng Nghymru ac Academi’r Graddedigion.

Cyswllt | Gwefan |