Gwasanaethau Cefnogi Myfyrwyr

Awgrymiadau i chi arbed arian a chadw'n ddiogel

Arbedwch arian!

Peidiwch â gadael eich gwres ymlaen drwy’r dydd pan fydd yna neb gartref - defnyddiwch yr amserydd.
Diffoddwch y goleuadau pan fyddwch allan o’r ystafell a cheisiwch ddefnyddio bylbiau Arbed Ynni.
Caewch y llenni gyda’r nos.
Peidiwch â gadael offer yn y modd gorffwys (standby).
Llenwch eich tegell i’r lefel sy’n ofynnol yn unig.
Defnyddiwch raglen ‘hanner llwyth’ ar eich peiriant golchi pan fo’n briodol (bydd tymheredd 40° fel rheol yn dderbyniol i olchi’r rhan fwyaf o ddillad, ond gwnewch yn siwr eich bod yn darllen a dilyn y labeli gofal, a chadwch eich dillad gwyn ar wahân i’ch dillad lliw bob amser!).
Gwnewch yn siwr eich bod yn anfon eich Tystysgrif Presenoldeb (a gewch gan y Swyddfa Cofnodion Myfyrwyr) i’r Cyngor lleol i brofi eich bod wedi’ch eithrio rhag Treth Cyngor (myfyrwyr llawn-amser yn unig).
Trefnwch gael trwydded deledu – peidiwch â risgio cael dirwy!
Ceisiwch fynd i siopa gyda’ch cydletywyr a phrynwch mewn swmp; gall hyn arbed arian i chi.
Manteisiwch ar ddisgownts i fyfyrwyr yn siopau’r Stryd Fawr – dangoswch eich cerdyn myfyriwr.

Defnyddiwch ffan echdynnu (extractor fan) yn y gegin a’r ystafell ymolchi os darperir un.
Peidiwch â sychu dillad dan do.
Agorwch ffenestri wrth gael cawod.

Glanhewch yr ystafell ymolchi a’r gegin, a hwfro’n rheolaidd.
Holwch pryd y cesglir eich sbwriel a chewch roi’r biniau allan – defnyddiwch y cyfleuster ailgylchu os oes un yn eich ardal.
Mae rhai tai’n canfod bod rota’n ddefnyddiol i sicrhau y gwneir tasgau o amgylch y ty’n deg.

Gwnewch yn siwr fod pob ffenestr a drws (yn cynnwys eich ystafell wely) wedi eu cloi pan fydd yr eiddo’n wag, a chadwch eiddo gwerthfawr allan o’r golwg.
Diffoddwch offer pan fyddwch allan o’r adeilad.
Gwnewch yn siwr bod eich larymau mwg yn gweithio a phrofwch hwy’n rheolaidd drwy wthio’r botwm. Newidiwch y batris yn rheolaidd a pheidiwch byth â thynnu’r batris allan.
Peidiwch â rhoi unrhyw beth metalig (e.e. ffoil, sosbenni, hambyrddau pobi etc) yn y ficrodon.
Peidiwch â choginio bwyd pan fyddwch newydd ddod i mewn o noson allan – gallech chi fod wedi blino ac yn llai ymwybodol o’r hyn a wnewch.
Peidiwch ag ysmygu yn y gwely.
Mae llawer o gytundebau tenantiaeth yn gwahardd tenantiaid rhag defnyddio canhwyllau oherwydd y risg difrifol o dân maent yn eu cyflwyno. Cofiwch y gall defnyddio canhwyllau fod yn beryglus.
Peidiwch byth â defnyddio offer y gwyddoch iddo fod yn beryglus, neu sy’n edrych felly, e.e. gyda gwifrau wedi rhaflo, plygiau wedi eu difrodi neu ffiwsys wedi chwythu. Peidiwch byth â newid ffiws sy’n chwythu bob munud efo ffiws uwch.
Os clywch arogl nwy, ffoniwch National Grid am ddim ar 0800 111 999.
Cadwch flanced dân a diffoddwr tân yn y gegin. Peidiwch byth â thywallt dwr ar dân olew.
Os na ellwch ddiffodd tân yn ddiogel, yna ewch allan o’r adeilad a ffoniwch 999.

Gwnewch gopi wrth gefn o’ch gwaith ar ddisg ychwanegol neu drwy ddefnyddio copïau caled!
Os ydych chi’n cael unrhyw broblemau gyda’ch ty, neu unrhyw fater arall, dewch draw i’r Ganolfan Gwasanaethau Cefnogi Myfyrwyr neu Ganolfan Gynghori Undeb y Myfyrwyr am gyngor a gwybodaeth.