Newyddion yr Ysgol

Mai 2012: Academydd o Fangor i deithio i Wlad Pwyl

Yr wythnos hon, bydd Dr Aled Llion Jones o Ysgol y Gymraeg, yn teithio i brifysgolion yng Ngwlad Pwyl, yn dilyn gwahoddiadau i ddarlithio ar lenyddiaeth ganoloesol Gymraeg. Hefyd, bydd yn cyfrannu at brosiectau sy’n ymwneud â chyfieithu llenyddiaeth gyfoes rhwng y ddwy iaith. Mwy...

Ebrill 2012: Ysgoloriaeth ar gyfer barddoni

Mae uwch-ddarlithydd o Fangor wedi derbyn Ysgoloriaeth i gael cwblhau ei gyfrol gyntaf o farddoniaeth. Mwy...

Ionawr 2012:Awduron Cyfoes yn Ysgol y Gymraeg

Ar ddydd Mercher, Ionawr 25, daeth dau awdur cyfoes - un o Gymru a’r llall o Slofenia - i drafod eu gwaith gyda myfyrwyr Ysgol y Gymraeg. Mwy ...

Gorffennaf 2011: Athro o Ysgol y Gymraeg yn Lansio Dwy Gyfrol yn Eisteddfod Genedlaethol Wrecsam

Am hanner dydd brynhawn Llun, 1 Awst, ar stondin Prifysgol Bangor ar faes Eisteddfod Genedlaethol Wrecsam, bydd yr Athro Gerwyn Wiliams o Ysgol y Gymraeg yn lansio dwy gyfrol newydd sbon.

Rhwng Gwibdaith a Coldplay (Gwasg y Bwthyn) yw’r gyfrol greadigol gyntaf iddo ei chyhoeddi ers Tafarn Tawelwch yn 2003. Mae’n cynnwys deunydd a ysgrifennwyd yn ystod yr wyth mlynedd diwethaf, a’r cyfan yn seiliedig ar ystod o brofiadau a digwyddiadau. Darllen ymlaen...

Mehefin 2011: Cyfleon gwych i fyfyrwyr sydd am wneud gwaith ymchwil

A ydych chwi'n dymuno astudio ar lefel ôl-raddedig? Y mae Ysgol y Gymraeg, Prifysgol Bangor, yn cynnig nifer o ysgoloriaethau hael ar gyfer y rhai sydd am ddod atom i ddechrau astudio ar 1 Hydref 2011. Mwy o wybodaeth...

Mai 2011:Athro Cymraeg yn ymweld ag Ohio i ddathlu pedwar canmlwyddiant cyhoeddi Beibl Saesneg y Brenin Iago

Gwahoddwyd yr Athro Peredur Lynch o Ysgol y Gymraeg i gymryd rhan mewn cyfres bwysig o ddarlithoedd ym Mhrifysgol Daleithiol Ohio er mwyn dathlu pedwar canmlwyddiant cyhoeddi Beibl Saesneg y Brenin Iago ym 1611. Darllen ymlaen...

Ebrill 2011: Llyfr y Flwyddyn 2011

Mae nofelau gan ddau o ddarlithwyr Ysgol y Gymraeg wedi eu cynnwys ar restr hir cystadleuaeth Llyfr y Flwyddyn 2011. Darllen ymlaen...

Mawrth 2011: Dau Nofelydd Blaenllaw yn Ysgol y Gymraeg

Yn ystod mis Mawrth daeth dau o nofelwyr mwyaf blaenllaw Cymru i drafod eu gwaith yn Ysgol y Gymraeg. Darllen mwy ...

Mawrth 2011: Trafod nofelau'r Aifft yn Ysgol y Gymraeg

Gyda’r Aifft a nifer o wledydd Arabaidd eraill yn y newyddion ar y funud, mae’n amserol iawn bod Ysgol y Gymraeg, Prifysgol Bangor yn cynnal darlith sydd yn awgrymu bod llwybr yr Aifft tuag at chwyldro i’w weld yn glir yn nofelau Eifftaidd y degawdau diweddar. Darllen ymlaen ...

Ionawr 2011: Moderniaeth a Lleiafrifoedd

Ar ddydd Iau, Ionawr 20 daeth ysgolheigion o sawl prifysgol ar draws Cymru at ei gilydd i drafod ‘Moderniaeth a lleiafrifoedd' . Darllen ymlaen ...

Ionawr 2011: CD myfyriwr yn ddewis CD Roc a Phop yr wythnos yn The Sunday Times

Mae myfyriwr trydedd flwyddyn ym Mhrifysgol Bangor wedi dechrau’r flwyddyn ar nodyn uchel- gan fod CD newydd ei fand Y Niwl o’r un enw, wedi derbyn y clod o’i ddethol yn CD yr wythnos gan bapur newydd y Sunday Times yn eu hatodiad diwylliant. Darllen ymlaen...

Tachwedd 2010: Llongyfarchiadau i Aelwyd John Morris-Jones!

Yn amlwg ymhlith y 500 o gystadleuwyr a gyrhaeddodd lwyfan mawr Neuadd Pritchard-Jones ddydd Sadwrn yng Ngwyl Cerdd Dant Glannau Menai roedd myfyrwyr Aelwyd John Morris-Jones. Darllen ymlaen ...

Tachwedd 2010: R.S. Thomas – Llawysgrifau Newydd: Ychwanegiad at Gasgliad y Brifysgol

Mae dengmlwyddiant Canolfan Astudiaeth R.S. Thomas ym Mhrifysgol Bangor wedi’i nodi wrth i ddwy eitem o bwys gael eu hychwanegu at y casgliad.

Darllenwch yr erthygl yn llawn...

Tachwedd 2010: Seminarau Ysgrifennu Creadigol Ysgol y Gymraeg

Y Prifardd Dr Tudur Hallam yn trafod ei awdl arobryn ENNILL TIR

Awdl Gadeiriol Eisteddfod Genedlaethol Cymru 2010

Dydd Iau, 4 Tachwedd, am 6.00 o’r gloch, Ystafell Seminar Gymraeg (ger Ysgol y Gymraeg)

CROESO CYNNES I BAWB!

Hydref 2010: Seminar Ysgrifennu Creadigol Ysgol y Gymraeg

Nos Iau, 7 Hydref, am 6.00 o'r gloch yn yr Ystafell Seminar Gymraeg, bydd y Prif Lenor Jerry Hunter yn trafod ei nofel GWENDDYDD, a enillodd iddo Fedal Ryddiaith Eisteddfod Genedlaethol Cymru Blaenau Gwent 2010. Croeso cynnes i bawb.

Medi 2010: Myfyrwyr Bodlon

Am yr ail flwyddyn yn olynol y mae Ysgol y Gymraeg, Prifysgol Bangor, wedi sicrhau canlyniad gwych yn Arolwg Cenedlaethol y Myfyrwyr (http://unistats.direct.gov.uk). Roedd yr holl fyfyrwyr a gymerodd ran yn yr arolwg yn fodlon â safon gyffredinol eu cwrs gradd. Drwy holl wledydd Prydain, Ysgol y Gymraeg Bangor oedd yr unig uned academaidd i sirhau lefel bodlonrwydd o 100% ym maes y Gymraeg ac Astudiaethau Celtaidd.

Yn ôl yr Athro Peredur Lynch, Pennaeth y Gymraeg ym Mangor, "y mae'r canlyniad hwn yn tystio i ymroddiad enfawr y darlithwyr ar ran eu myfyrwyr ym Mangor. Mae gwaith darlithio yn waith amrywiol iawn, ond mae yna un peth yn ddieithriad ar frig rhestr ein blaenoriaethau ni yn Ysgol y Gymraeg - ein myfyrwyr."

Medi 2010: 'Myfyrwraig y Flwyddyn' yn cyrraedd y Brifysgol mewn steil!

Mae myfyrwraig Cymraeg a Ffrangeg ym Mhrifysgol Bangor wedi cyrraedd ei neuadd breswyl mewn steil mewn Fiat Panda newydd sbon - ei gwobr am ennill cystadleuaeth Myfyriwr y Flwyddyn ei sir! Daeth Amy Mason, 18, o Ferthyr Tudful i'r brig yng ngwobrau 'Myfyriwr y Flwyddyn' sy'n cael eu noddi ar y cyd gan Rhondda Cynon Taf a Griffin Mill Garages. Mwy...

Awst 2010:Dyfodol disglair - Teitl cyfieithydd gorau Prydain i fyfyriwr o Gymru

Barnwyd mai myfyriwr o Brifysgol Bangor oedd y cyfieithydd gorau o blith cannoedd o ymgeiswyr sy’n astudio’r pwnc yn academaidd ledled Prydain. Enillodd Dafydd Frayling, a fu’n astudio am y Dystysgrif Ôl-radd mewn Cyfieithu ym Mhrifysgolion Aberystwyth a Bangor, y goron yn erbyn y gystadleuaeth gref. Mwy...

Awst 2010: Jerry Hunter yn ennill Medal Ryddiaith Eisteddfod 2010

Dr Jerry Hunter, darllenydd yn Ysgol y Gymraeg, yw enillydd Medal Ryddiaith Eisteddfod Genedlaethol Blaenau Gwent a Blaenau’r Cymoedd. Dyfarnwyd y Fedal Ryddiaith eleni am gyfrol o ryddiaith greadigol heb fod dros 40,000 o eiriau ar y testun Adfywiad. Y mae’r nofel Gwenddydd yn ymwneud â phrofiadau brawd a chwaer yn ystod yr Ail Ryfel Byd ac yn seiliedig yn rhannol ar y traddodiadau Cymraeg cynharaf sy’n ymwneud â chymeriad Myrddin. Mwy...

Gorffennaf 2010: Enillydd Prif Wobr Myfyriwr Cymraeg Prifysgol Bangor

Lois Prysor Jones o Arenig ger tref Y Bala, yw enillydd Gwobr Cymraeg Dr John Robert Jones ym Mhrifysgol Bangor eleni. Hon yw un o’r prif wobrwyon sy’n cael eu dyfarnu i’r graddedigion orau ar draws pob disgyblaeth yn y Brifysgol bob blwyddyn- a’r Wobr Cymraeg yn cael ei ddyfarnu i’r myfyriwr neu fyfyrwraig orau o Gymru ar draws y Brifysgol. Mwy...

Gorffennaf 2010: Dramodydd yr Urdd yn Holi Dramodydd Iesu!

Newydd ei chyhoeddi mae’r gyfrol ddiweddaraf yn y gyfres Ysgrifau Beirniadol, ac ynddi mae’r ddramodwraig a’r actores Manon Wyn Williams, a enillodd Fedal Ddrama’r Urdd eleni ac sy’n fyfyrwraig ymchwil yn Ysgol y Gymraeg Prifysgol Bangor, yn holi’r dramodydd a’r llenor Aled Jones Williams. Mewn cyfweliad sy’m mynd i’r afael â gwahanol agweddau ar ei waith, mae’n trafod yr hyn a’i gyrrodd i ysgrifennu dramâu mor bryfoclyd a dadleuol â Lysh! ac Iesu. Mwy...

Mehefin 2010: Ymddeoliad Mrs Gwyneth Williams

Llun o Gwyneth Nos Fercher, 9 Mehefin, daeth cyfeillion a chydweithwyr ynghyd i anrhydeddu Mrs Gwyneth Williams, Gweinyddwraig Ysgol y Gymraeg, sydd wedi ymddeol ar ôl gwasanaethu Prifysgol Bangor am ddeugain a saith o flynyddoedd.

Yn ystod y cyfnod hwnnw, bu’n cydweithio gyda chyfres o ddarlithwyr, yn eu plith yr Athrawon Melville Richards, Bedwyr Lewis Jones, Derec Llwyd Morgan, Gwyn Thomas, Gruffydd Aled Williams a Branwen Jarvis. Bu hefyd yn gymorth ac yn gefn i genedlaethau o fyfyrwyr yr adran ar hyd y blynyddoedd.

Cafwyd cyfle yn ystod y noson i’w hanrhegu ac i ddiolch iddi am ei hymroddiad diflino a’i theyrngarwch diamod dros gyfnod o bron hanner canrif. Gyda’i hymddeoliad, daw cyfnod sylweddol yn hanes yr adran i ben.

Dymuna’i holl gyfeillion hir oes a phob hapusrwydd i Gwyneth a’i gŵr, Viv.

Mehefin 2010: Coron a Medal i Fyfyrwyr Cymraeg Bangor – Eto!

Llongyfarchiadau calonnog i Catrin Haf Jones ar ennill Coron Eisteddfod yr Urdd a Manon Wyn Williams ar ennill y Fedal Ddrama! Mwy...

Mai 2010: Dadorchuddio Penddelw o'r Athro Bedwyr Lewis Jones

Darllen ymlaen...

Mai 2010: Nofel gyntaf myfyrwraig a gwobr Llyfr y Flwyddyn

Llongyfarchiadau mawr i Sian Owen, myfyrwraig PhD yn Ysgol y Gymraeg ar gael ei henwebu ar restr hir gwobr Llyfr y Flwyddyn 2010. Darllen ymlaen...

Mai 2010: Darlithydd yn cyhoeddi dwy nofel

Bu mis Mawrth yn fis prysur i Dr Angharad Price sydd yn Uwch-ddarlithydd yn Ysgol y Gymraeg. Ddechrau’r mis cyhoeddwyd ei thrydedd nofel, Caersaint, y bu’n gweithio arni ers bron i bedair blynedd. Darllen ymlaen...

Mai 2010: Y Prif Lenor ar Ymweliad

Fel rhan o gyfres Seminarau Ymchwil Ysgol y Gymraeg daeth yr awdures a’r Prif Lenor Sian Melangell Dafydd i drafod ei gwaith yn Ysgol y Gymraeg. Darllen ymlaen...

Mai 2010: Ysgol y Gymraeg yn cydweithio gyda Thŷ Cyfieithu Cymru

Yn ddiweddar bu Ysgol y Gymraeg cydweithio gyda Thŷ Cyfieithu Cymru a Chyfnewidfa Lên Cymru i drefnu ymweliad gan yr awdures o’r Almaen, Mareike Kruegel. Darllen ymlaen...

Mai 2010: Actorion ac awduron yn ymweld ag Ysgol y Gymraeg

Fel rhan o’r modiwl is-raddedig ‘Y Theatr Gymraeg Fodern’ ar gyfer blynyddoedd 2 a 3 cafwyd cyfres o ymweliadau gan actorion, awduron ac arbenigwyr ar y theatr fodern Gymraeg. Darllen ymlaen...

Ebrill 2010: Llyfr y Flwyddyn 2010 ac Ysgol y Gymraeg

Unwaith eto eleni, bu Ysgol y Gymraeg yn cydweithio gyda'r Academi Gymreig i drefnu Noson Lansio Rhestr Hir Llyfr y Flwyddyn 2010. Ac mewn noson hwyliog a gynhaliwyd yn y Ganolfan Rheolaeth, datgelwyd enwau'r ugain teitl - deg yn y Gymraeg a deg yn y Saesneg - a fydd yn cystadlu am y wobr fawr o £10,000 yn y ddwy iaith.

Dau o fyfyrwyr ymchwil Ysgol y Gymraeg, Manon Wyn Williams a Rhodri Llŷr Evans, a fu'n darllen detholiadau o weithiau'r ddwy restr hir yn ystod y noson.

Am ragor o wybodaeth am y digwyddiad, ewch i wefan BBC Cymru'r Byd:

http://www.bbc.co.uk/cymru/cylchgrawn/llyfrau/straeon/llyfr-2010.shtml

Ebrill 2010: Cartref Newydd i JMJ

Mae myfyrwyr Cymraeg Bangor yn edrych ymlaen at newid byd wrth i’r neuadd cyfrwng Cymraeg - Neuadd John Morris Jones - symud i adeilad newydd ym mis Medi. Mwy o wybodaeth...

Mawrth 2010: Xhosa Praise Poetry*

Darlith Gyhoeddus yn Ysgol y Gymraeg gan Yr Athro Jeff Opland, Ysgol Astudiaethau Dwyreiniol ac Affricanaidd Prifysgol Llundain

Dydd Mercher, 14 Ebrill am 5pm yn Ystafell Ddarlithio 3, Prif Adeilad y Celfyddydau. *Traddodir y ddarlith hon yn Saesneg.

Mawrth 2010: Penodi’r Athro Gerwyn Wiliams yn Aelod o Gyngor Celfyddydau Cymru

Mae’r Gweinidog dros Dreftadaeth, Alun Ffred Jones, wedi penodi’r Athro Gerwyn Wiliams o Ysgol y Gymraeg, Prifysgol Bangor yn aelod newydd o Gyngor Celfyddydau Cymru. Mae’n un o chwe aelod newydd a benodir am gyfnod o dair blynedd a bydd yn cychwyn ar y gwaith ar 1 Ebrill 2010. Mwy o wybodaeth...

Mawrth 2010: Pen-blwydd Hapus i Dri

Mewn cyfarfod arbennig yn Aberystwyth bnawn Sadwrn, 6 Mawrth, lansiwyd cyfrol Dr Eleri Hedd James, Casglu Darnau’r Jig-so: Theori a Beirniadaeth Lenyddol R.M. (Bobi) Jones.

Golygydd Cyffredinol Cyfres y Meddwl a’r Dychymyg Cymreig ar ran Gwasg Prifysgol Cymru yw’r Athro Gerwyn Wiliams o Ysgol y Gymraeg Prifysgol Bangor. Darllen ymlaen....

Tachwedd 2009:Y Gweinidog dros Dreftadaeth yn ymweld ag Ysgol y Gymraeg

Bu un o’i chyn-fyfyrwyr mwyaf amlwg yn ymweld ag Ysgol y Gymraeg yn ddiweddar, sef Alun Ffred Jones, A.C. Arfon a’r Gweinidog dros Dreftadaeth yn Llywodraeth Cynulliad Cymru. Darllen ymlaen...

Tachwedd 2009: Cofio'r Chwalfa Fawr

Ar ddydd Sadwrn 7 Tachwedd bydd Ysgol y Gymraeg, gyda chefnogaeth yr Academi Gymreig, yn cynnal cynhadledd undydd a fydd yn dadansoddi’r ymateb yn llenyddiaeth a diwylliant poblogaidd y 1980au i'r bleidlais 'Na' yn refferendwm 1979 ar ddatganoli. Mwy o wybodaeth a chofrestru....

Medi 2009: O Fangor i Lyfrgell y Gyngres – i astudio’r Gymraeg

Mae Gwilym Morus, myfyriwr PhD yn Ysgol y Gymraeg, wedi ennill un o Ysgoloriaethau Llyfrgell y Gyngres a fydd yn ei alluogi i astudio am gyfnod estynedig yn un o lyfrgelloedd cenedlaethol mwyaf dynamig y byd. Darllen ymlaen...

Gorffennaf 2009:Mam i bedwar o blant yn graddio ar ôl chwe blynedd

Wedi chwe blynedd o waith caled, mae’r wraig fferm Eirian Alwen Jones o Lannefydd yn Ninbych yn dathlu wrth iddi raddio gyda Gradd Dosbarth Cyntaf. Darllen ymlaen...

Gorffennaf 2009: Myfyrwraig yn ‘ysbrydoliaeth i eraill’

Mae myfyrwraig Cymraeg gydag Ysgrifennu Creadigol Prifysgol Bangor wedi graddio eleni gyda phedair gwobr, yn ogystal â gradd dosbarth cyntaf. Darllen ymlaen...

Gorffennaf 2009: Anifeiliaid sy’n Siarad ac Ysgrifau Eraill

Newydd ei chyhoeddi mae’r gyfrol ddiweddaraf o Ysgrifau Beirniadol ac mae’r cynnwys mor amrywiol ag erioed. Darllen ymlaen...

Gorffennaf 2009: Dr Jerry Hunter yn derbyn Cymrodoriaeth Ddysgu

Mewn Seremoni Raddio ar 14 Gorffennaf ym Mhrifysgol Bangor, derbyniodd Dr Jerry Hunter Gymrodoriaeth Ddysgu. Darllen ymlaen...

Mai 2009: Coroni Lleucu

Llongyfarchion calonnog iawn i Lleucu Fflur Hughes ar ennill Coron Eisteddfod Genedlaethol yr Urdd! Darllen ymlaen...

Ebrill 2009: Ysgol y Gymraeg a Rhestr Hir Llyfr y Flwyddyn

Nos Fercher, 22 Ebrill, mewn noson hwyliog a gynhaliwyd yn y Ganolfan Reolaeth, Prifysgol Bangor, lansiwyd Rhestr Hir Llyfr y Flwyddyn 2009.

Cliciwch yma i ddarllen ymlaen a gweld lluniau o'r noson

Mawrth 2009: Ysgoloriaeth Ôl-raddedig Cyfrwng Cymraeg: Drama a Sgriptio

Llwytho mwy o wybodaeth am yr ysgoloriaeth i lawr

Mawrth 2009:‘Fy Antur Fawr yn Harvard!’ gan Rhiannon Heledd Williams

Ar gyfer ei chynllun PhD dan nawdd AHRC, mae Rhiannon Heledd Williams wrthi’n ymchwilio i wasg gyfnodol America dan gyfarwyddyd Dr Jerry Hunter o Ysgol y Gymraeg, Prifysgol Bangor. Fel rhan o’i chynllun, mae hi’n treulio’r semester presennol ym Mhrifysgol Harvard. Dyma hi’n adrodd rhywfaint o’i hanes ei hantur fawr yn Harvard.

Darllen ymlaen...

Mawrth 2009: Tri chynnig i Gymro a Chymraes

yr enillwyr Llongyfarchiadau i ddau o gyn-fyfyrwyr Ysgol y Gymraeg ar ennill Cân i Gymru ar S4C Ddydd Gŵyl Dewi, sef Elfed Morgan Morris a Lowri Watcyn Roberts am y gân 'Gofidiau'.

Graddiodd Elfed mewn Cymraeg a Cherddoriaeth yn 2004 ac mae bellach yn athro yn Ysgol John Bright, Llandudno. Enillodd Lowri radd ac MA mewn Cymraeg ac mae hithau'n dysgu yn Ysgol Brynrefail. Mae'r ddau eisoes wedi ennill cystadleuaeth cyfansoddi carol S4C ddwywaith. Dyma hefyd oedd y trydydd tro i Elfed ganu yn ffeinal Cân i Gymru.

Maent wedi ennill y brif wobr o £10,000, drwy blesio'r panel o arbenigwyr yn y stiwdio ac ennill pleidleisiau’r gwylwyr gartref.

"Mae'n dda gweld dau mor dalentog yn cael y fath lwyddiant wrth gyfansoddi caneuon. Mae'n amlwg fod y gân hon wedi swyno'r beirniaid ar y panel a'r gwylwyr gartref fel ei gilydd", meddai'r Athro Gerwyn Wiliams, Pennaeth Ysgol y Gymraeg.

Bydd Elfed Morgan Morris a ‘Gofidiau’ yn awr yn cynrychioli Cymru yn yr Ŵyl Ban-Geltaidd fydd yn cael ei chynnal yn nhref Donegal, Iwerddon ym mis Ebrill.

“Mi roedden ni’n teimlo fod y caneuon eraill yn y ffeinal i gyd o safon uchel, ac y byddai hi’n gystadleuaeth agos,” meddai Elfed, a ddenodd y gynulleidfa yn y stiwdio i sefyll ar eu traed gyda’i berfformiad o’r gân fuddugol, ‘Gofidiau’.

“Mae Cân i Gymru wedi bod yn rhan fawr o fywydau Lowri a minnau ers tri mis wrth inni baratoi ar gyfer y noson fawr, ac rydym wedi derbyn cefnogaeth wych gan ddisgyblion yr ysgolion lle rydym yn dysgu - Ysgol John Bright, Llandudno, lle dwi’n athro, ac Ysgol Brynrefail yn Llanrug, lle mae Lowri yn gweithio. Rydym hefyd wedi derbyn cefnogaeth wych gan y gynulleidfa heno.”

Anfonwyd mwy o ganeuon nag erioed o’r blaen i’r gystadleuaeth eleni, a theimla Lowri Watcyn Roberts fod yr hwb yma i gyfansoddwyr Cymraeg yn agwedd bwysig ar gystadleuaeth Cân i Gymru. “Mae ennill yn fonws ffantastig, wrth gwrs, ond dwi’n meddwl mai’r hyn sy’n bwysig yw bod y gystadleuaeth hon eleni wedi ysbrydoli cyfansoddwyr i sgwennu 120 o ganeuon Cymraeg newydd,” meddai.

Chwefror 2009: Myfyrwyr MA Llwyddiannus Ysgol y Gymraeg

Llongyfarchiadau i fyfyrwyr MA llwyddiannus Ysgol y Gymraeg y cadarnhawyd eu canlyniadau’n ddiweddar sef Rhodri Llŷr Evans, Menna Machreth Jones, Lleucu Fflur Hughes a Medi Vaughan Wilkinson!

Ar gyfer ei draethawd hir, bu Rhodri Llŷr Evans yn trafod: ‘Ffydd, Eiliadau, Tyrau, Esgyrn ac Ysbrydion: astudiaeth o nofelau Owen Martell a Tristan Hughes’. Y mae bellach yn ymchwilio ar gyfer PhD ar y thema 'Gwrywdod yn y nofel Gymraeg ddiweddar' dan gyfarwyddyd Dr Angharad Price. Daw Rhodri yn wreiddiol o Fethesda ac fe’i haddysgwyd yn Ysgol Dyffryn Ogwen.

Ar gyfer ei thraethawd hir hithau, bu Menna Machreth Jones yn trafod ‘Agweddau ar hunaniaethau Cymreig mewn barddoniaeth ddiweddar o Gymru’. Erbyn hyn mae hi’n ymchwilio ar gyfer doethuriaeth i 'Hunaniaethau Cymraeg a Chymreig yn sgil y refferenda' dan gyfarwyddyd Dr Jason Walford Davies. Daw Menna’n wreiddiol o ardal Caerfyrddin ac fe’i haddysgwyd yn Ysgol Maes yr Yrfa.

Dan gyfarwyddyd Yr Athro Gerwyn Wiliams, enillodd Lleucu Fflur Hughes MA Ysgrifennu Creadigol y cyfansoddodd nofel fer ar ei gyfer a pharatodd Medi Vaughan Wilkinson gasgliad o gerddi rhydd ar gyfer yr un cymhwyster. Un o Eifionydd yw Lleucu ac fe’i haddysgwyd yng Ngholeg Meirion-Dwyfor tra daw Medi o Gaernarfon lle’r aeth i Ysgol Syr Hugh Owen.

Seminarau Ymchwil

Mae Cyfres Seminarau Ysgol y Gymraeg wedi eu cyhoeddi ar gyfer Semester 2. Cliciwch yma i weld y rhestr

Enillwyr Ysgoloriaethau Mynediad 2008

Mewn seremoni a gynhaliwyd yn Neuadd Pritchard Jones yn ddiweddar, derbyniodd y myfyrwyr a ganlyn o Ysgol y Gymraeg Ysgoloriaethau Mynediad Prifysgol Bangor. Mae’r myfyrwyr hyn rhyngddynt wedi ennill gwerth £16000 o ysgoloriaethau. Mwy...

Rhestr Fer

Dewiswyd gwaith creadigol cyn-fyfyrwraig ar gyfer rhestr fer gwyl ffilm flynyddol Ffresh 2009. Graddiodd Helen Davies ym Mehefin 2008 gyda gradd dosbarth cyntaf Cymraeg ac Astudiaethau Theatr a bellach mae'n gweithio fel newyddiadurwraig i gwmni ITV. Dewiswyd ei ffilm ddogfen 'Brad y Ffatri' yng nghategori rhaglen ddogfen. Cynhelir yr wyl ffilm ym mis Chwefror 2009 a hon yw'r wyl ffilm fwyaf i fyfyrwyr yng Nghymru. Darllen y stori lawn...

Tachwedd 2008: Myfyrwyr yn profi Opera

Yn ddiweddar, bu dwy fyfyrwraig o Brifysgol Bangor yn dysgu mwy am ysgrifennu opera.

Ddydd Sul, 9 Tachwedd oedd uchafbwynt Make an Aria, sef prosiect cyffrous gan Theatr Gerdd Cymru i ehangu profiad a chyfleoedd ar gyfer ysgrifennu opera ymhlith cyfansoddwyr ac awduron newydd yng Nghymru. Cliciwch yma i ddarllen ymlaen...

Medi 2008: Cyrsiau Undydd Ysgol y Gymraeg yn denu dros 400 o ddisgyblion

Ar ddechrau’r flwyddyn academaidd newydd, bu aelodau o Ysgol y Gymraeg yn cynnal dau gwrs undydd tra llwyddiannus ar gyfer disgyblion cyrsiau AS ac A2 Cymraeg a’u hathrawon. Darllen ymlaen...

Awst 2008: Ifan Morgan Jones yn Ennill Gwobr Goffa Daniel Owen!

Am y trydydd tro o fewn pedair blynedd, un o fyfyrwyr ôl-radd Ysgol y Gymraeg, Prifysgol Bangor sydd wedi ennill Gwobr Goffa Daniel Owen yn yr Eisteddfod Genedlaethol. Ifan Morgan Jones, Is-Olygydd y cylchgrawn wythnosol Golwg, a enillodd brif wobr yr Eisteddfod am nofel newydd gyda’i nofel gyntaf, Igam Ogam. Darllen ymlaen...

Gorffennaf 2008: Cynhadledd Ryng-ddisgyblaethol Ysgol y Gymraeg

Beth yw natur y berthynas rhwng barddoniaeth Gymraeg a ffurfiau celfyddydol eraill? Dyna’r cwestiwn canolog a fydd yn cael ei holi mewn cynhadledd undydd a drefnir gan Ysgol y Gymraeg, Prifysgol Bangor ddydd Sadwrn, 8 Tachwedd 2008. Darllen ymlaen...

Gorffennaf 2008: Dwy Gynhadledd Undydd ar gyfer myfyrwyr Cymraeg AS/A2: Iaith Gyntaf

Mae Ysgol y Gymraeg, Prifysgol Cymru, yn trefnu dwy gynhadledd undydd ar faes llafur Cymraeg AS/A2: Iaith Gyntaf ganol mis Medi 2008. Cynhelir y gyntaf yng Nghaerfyrddin ddydd Mawrth, 16 Medi 2008, a’r ail ym Mangor ddydd Iau, 18 Medi 2008. Darllen ymlaen...

Gorffennaf 2008: Arddangosfa Syr Ifor Williams

Bydd arddangosfa'n dilyn bywyd a gwaith gŵr o Dregarth a ddaeth yn Athro Cymraeg ym Mhrifysgol Bangor i'w weld yn Narllenfa Shankland, Prif Lyfrgell y Celfyddydau, Prifysgol Bangor tan ddiwedd Awst. Darllen ymlaen...

Gorffennaf 2008: Gwobrau Glyn

Llwyddodd un o raddedigion Ysgol y Gymraeg eleni i ennill cyfanswm o bedair gwobr yn ogystal â gradd Dosbarth Cyntaf! Darllen ymlaen....

Mehefin 2008:Graddedigion ac Enillwyr Gwobrau Haf 2008

Cafwyd ganlyniadau gradd ardderchog gan fyfyrwyr Ysgol y Gymraeg eleni. Cliciwch yma i ddarllen ymlaen...

Mehefin 2008: Plac i Goffáu R.S. Thomas (1913–2000)

Mae plac i goffáu bywyd a gwaith y bardd R.S. Thomas wedi ei osod ger mynedfa Prif Lyfrgell y Celfyddydau ym Mhrifysgol Bangor. Cafodd y plac ei ddadorchuddio mewn seremoni fore Sadwrn 14 Mehefin 2008. Darllen ymlaen...

Mai 2008: Athro Harvard ar ymweliad ag Ysgol y Gymraeg

Bu’r Athro Patrick Ford o Adran Ieithoedd a Llenyddiaethau Celtaidd Prifysgol Harvard ar ymweliad yn ddiweddar ag Ysgol y Gymraeg, Prifysgol Bangor a hynny er mwyn trosglwyddo i ofal y Brifysgol gopi personol o Gwaith Dafydd ap Gwilym. Darllen ymlaen...

Ebrill 2008: Dramodwyr ar Ymweliad ag Ysgol y Gymraeg

Ganol Ebrill, bu’r dramodydd Aled Jones Williams yn cynnal seminar yn Ysgol y Gymraeg, Prifysgol Bangor. Darllenwch ymlaen...

Mawrth 2008: Cofio Philip Jones Griffiths

Mae marwolaeth y ffotonewyddiadurwr o Ruddlan, Philip Jones Griffiths, yn golled i Gymru a’r byd. Darllenwch am ei gysylltiad gyda Fangor...

March 2008: Gwobr i Fyfyrwraig PhD Ysgrifennu Creadigol

Llongyfarchiadau i Sian Owen ar ennill adran cerddi Cymraeg cystadleuaeth farddoniaeth Féile Filíochta 2008.

Ym mis Ebrill bydd yn teithio i Iwerddon i seremoni wobrwyo lle bydd yn darllen ei cherdd fuddugol a chasglu gwobr o €1,000. Bob blwyddyn bydd y Féile Filíochta yn gwobrwyo enillwyr mewn deg iaith, ac eleni daeth dros 4,000 o gynigion i law. Darllen ymlaen...

Chwefror 2008: Cyswllt Bangor a Harvard

Fel rhan o'r berthynas rhwng Ysgol y Gymraeg, Prifysol Bangor ac Adran Astudiaethau Celtaidd Prifysgol Harvard, mae Sam Jones yn treulio'r semester presennol yn astudio ym Mangor. Cliciwch yma i ddarllen ei hanes.

Chwefror 2008: Esgor ar ôl Hir Ddisgwyl – Y Cyfeirlyfr Cymreig Mwyaf Er 1875

Ar ôl bron i ddegawd o waith ymchwil, ysgrifennu a golygu, bydd y gyfrol Gwyddoniadur Cymru yr Academi Gymreig, a’i chymar Saesneg The Welsh Academy Encyclopaedia of Wales, yn dod o’r wasg ar 31 Ionawr. Rhyngddynt, y mae’r cyfrolau uchelgeisiol hyn – a olygwyd gan Menna Baines, John Davies, Nigel Jenkins, ynghyd â’r Athro Peredur Lynch o Ysgol y Gymraeg – yn cynnwys dros 1.6 miliwn o eiriau ac yn ffrwyth partneriaeth academiadd unigryw a grewyd rhwng yr Academi Gymreig, Gwasg Prifysgol Cymru, Y Ganolfan Ymchwil i Lên ac Iaith Saesneg yng Nghymru (Prifysgol Abertawe) ac Ysgol y Gymraeg Prifysgol Bangor. Darllenwch ymlaen...

Ionawr 2008: Myfyrwyr MA

Ar ddechrau 2008, braf yw cael llongyfarch y myfyrwyr a ganlyn a enillodd MA yn Ysgol y Gymraeg, Prifysgol Bangor yn ddiweddar. Darllen ymlaen...

Rhagfyr 2007: Cronfa Baledi, Geiriadur Enwau Lleoedd a Chyfrol Deyrnged i'n Bardd Cenedlaethol

Mae Prifysgol Bangor wedi lansio tair cyfrol yn ddiweddar: mynegai cynhwysfawr i'r holl faledi a gyhoeddwyd, ac sy'n goroesi, o'r ddeunawfed ganrif, Geiriadur Enwau Lleoedd awdurdodol a chynhwysfawr ar gyfer Cymru gyfan a chyfrol deyrnged i Fardd Cenedlaethol Cymru, Yr Athro Gwyn Thomas. Mwy...

Rhagfyr 2007 :Gwahoddiad

Gwahoddiad i gyfarfod lansio cyhoeddiadau diweddaraf Ysgol y Gymraeg. Mwy o fanylion...

Tachwedd 2007: Enillwyr Ysgoloriaethau Mynediad Ysgol y Gymraeg

Mewn cyfarfod diweddar yn Neuadd Powis, rhannwyd gwerth £100,000 o ysgoloriaethau mynediad Prifysgol Bangor i fyfyrwyr yn eu Blwyddyn Gyntaf. Ac roedd myfyrwyr Ysgol y Gymraeg yn amlwg ymhlith y rhai y cyflwynwyd sieciau iddynt. Mwy...

Tachwedd 2007: Ymweliad Fatos Kongoli ag Ysgol y Gymraeg

Nos Fawrth, 30 Hydref 2007 cafwyd darlleniad a thrafodaeth gyda’r nofelydd nodedig o Albania, Fatos Kongoli, noson a drefnwyd ar y cyd gyda Sioned Puw Rowlands o asiantaeth Llenyddiaeth Cymru Dramor a PEN. Yn ystod y noson lawnsiwyd cyfieithiad Saesneg o nofel enwocaf Kongoli, sef I Humburi (‘Y Collwr’ / The Loser), a gwblhawyd gan Robert Elsie a Janice Mathie-Heck ac roeddent hwythau’n bresennol ar y noson i drafod y broses gyfieithu. Mwy...

Hydref 2007: Croeso i Ddosbarth 2007 o Fyfyrwyr Ymchwil!

Croeso i ddosbarth 2007 o fyfyrwyr ôl-radd ac ymchwil yn Ysgol y Gymraeg, Prifysgol Bangor, y criw mwyaf niferus a gafwyd ers rhai blynyddoedd. Mwy...

Hydref 2007: Llongyfarchiadau i Dr Jerry Hunter!

Llongyfarchiadau i Dr Jerry Hunter sydd newydd ei ddyrchafu’n Ddarllenydd a hefyd ar gyhoeddi ei lyfr diweddaraf. Lansiwyd y gyfrol nos Fercher, 10 Hydref, mewn cyfarfod arbennig ym Mhrifysgol Bangor. Mwy...

Hydref 2007: Dr Angharad Price yn trafod Louvain yn Galway

Rhwng 12-13 Hydref 2007, gwahoddwyd Dr Angharad Price i annerch cynhadledd a ddathlai bedwarcanmlwyddiant sefydlu Coleg Sant Antwn yn Louvain (Gwlad Belg heddiw). Mwy...

Hydref 2007: Awdur o Albania yn Ymweld â Bangor

Fel rhan o’i daith drwy Brydain, bydd Fatos Kongoli, un o awduron pwysicaf Albania, yn ymweld ag Ysgol y Gymraeg, Prifysgol Bangor i drafod ei nofel I humburi ('Y Collwr') sydd newydd ei chyfieithu i'r Saesneg gan Robert Elsie a Janice Mathie-Heck. Mwy...

Medi 2007:Dr Jerry Hunter yn cyfweld Philip Jones Griffiths

Bydd cyfle prin i glywed y ffotonewyddiadurwr Philip Jones Griffiths yn trafod ei waith yng nghwmni Dr Jerry Hunter o Ysgol y Gymraeg nos Sadwrn, 29 Medi yng nghanolfan diwydiannau creadigol Galeri yng Nghaernarfon. Mwy...

Medi 2007: Llongyfarchiadau Manon!

Llongyfarchiadau mawr i Manon Wyn Williams ar ennill Ysgoloriaeth Bryn Terfel! Darllen ymlaen...

Medi 2007:Cwrs Undydd Ysgol y Gymraeg yn Torri Record!

Daeth dros 350 o ddisgyblion a myfyrwyr i gwrs undydd a gynhaliwyd gan Ysgol y Gymraeg fis Medi – y nifer fwyaf yn hanes yr ysgol! Darllen ymlaen...

Awst 2007:Ysgol y Gymraeg yn Eisteddfod Genedlaethol Sir y Fflint

Cafodd Ysgol y Gymraeg wythnos lwyddiannus yn Eisteddfod Genedlaethol Sir y Fflint fis Awst. Cliciwch yma i ddarllen ymlaen...

Gorffennaf 2007: Byd y Nofelydd – Cynhadledd Ysgol y Gymraeg a CREAD

Ddydd Sadwrn, 24 Tachwedd, bydd rhai o nofelwyr mwyaf blaenllaw Cymru yn dod ynghyd ym Mhrifysgol Bangor i drafod agweddau ar y nofel Gymraeg gyfoes.