Gwobr aur i Brifysgol Bangor
Mae Prifysgol Bangor wedi ennill Gwobr Aur, y raddfa uchaf posibl, yn y Fframwaith Rhagoriaeth Addysgu cenedlaethol (FfRhA). Prifysgol Bangor yw'r unig brifysgol yng Nghymru i ennill y safon hon.
Cynhaliwyd yr asesiad FfRhA i ystyriaeth Ansawdd Addysgu, Amgylchedd Dysgu a Chanlyniadau Myfyrwyr a Budd Addysgol. Barnodd y Panel TEF bod Prifysgol Bangor yn darparu addysgu, dysgu a chanlyniadau rhagorol yn gyson i’w myfyrwyr. Maent o’r ansawdd orau a geir yn y DU.
Amlygodd yr adolygiad FfRhA bod myfyrwyr o bob cefndir yn cyflawni canlyniadau rhagorol yn gyson. Canfu rhai o'n hardaloedd cryfaf i fod;
- Ennyn diddordeb myfyrwyr
- Arferion addysgu ac asesu
- Cymorth wedi ei bersonoli
- Ein gwaith yn gwella cyflogadwyedd y myfyrwyr
Rhagoriaeth Addysgu ac Ymchwil
Caiff rhagoriaeth addysgu Prifysgol Bangor ei adlewyrchu gan ganlyniadau y Brifysgol yn y Fframwaith Rhagoriaeth Ymchwil 2014, a ganfu fod mwy na thri chwarter o'n hymchwil yn arwain y byd neu'n arwyddocaol yn rhyngwladol.
Bodlonrwydd Myfyrwyr ymysg y gorau yn y DU
Mae llwyddianau eraill y Brifysgol yn cynnwys canlyniadau'r Arolwg Cenedlaethol o Fyfyrwyr 2017. Mae’r canlyniadau yn gosod Bangor ymysg y 10 uchaf o brifysgolion y DU am foddhad myfyrwyr.
Cafodd ein clybiau a chymdeithasau hefyd eu henwi'r gorau ym Mhrydain yng ngwobrau What Uni 2017 ac roedd Bangor yn drydydd yng nghategori Prifysgol y Flwyddyn, yn ogystal â bod yn y trydydd safle am ein 'Cyrsiau a Darlithwyr' ac yng nghategori 'Rhoi Nôl '.