Ffioedd, Cyllid ac Ysgoloriaethau

2018/19 Benthyciad Ôl-radd a Chefnogaeth Ychwanegol (Cymru)

  • Mae benthyciad ôl-radd ar gael i fyfyrwyr sy'n byw yng Nghymru, syn astudio cwrs llawn neu ran amser sy'n arwain at ddyfarnu gradd Meistr.
  • Mae benthyciad hyd at £13,000 ar gael i fyfyrwyr o Gymru lle bynnag y byddant yn dewis astudio yn y DU. Mae hyn yn berthnasol i raddau Meistr sy'n cychwyn rhwng 1 Awst 2018 a 31 Gorffennaf 2019.
  • Hefyd ar gyfer 2018-19, mae Llywodraeth Cymru yn darparu cymorth ychwanegol i ôl-raddedigion sy'n dewis astudio yng Nghymru.
    • Ym Mhrifysgol Bangor, bydd hyn yn golygu gwarant o £1,000 o ostyngiad mewn ffioedd.
    • Gwneir taliad costau cynnal ychwanegol o £5000 ar sail prawf modd i fyfyrwyr sy'n byw yng Nghymru yn unig, ac mae'n rhaid eu bod yn ymgeiswyr cymwys yn dibynnu ar incwm y cartref/amgylchiadau personol.
    • Bydd angen proses asesu ar wahân i'r taliad costau cynnal. Cysylltwch â'r Uned Cymorth Ariannol i ofyn am ffurflen gais.

2018/19 Cwrs Doethurol Ôl-raddedig (Cymru)

Os yr ydych yn dechrau ar gwrs Doethurol ôl-raddedig llawn neu ran amser (fel PhD) o 1 Awst 2018, medrwch geisio am Fenthyciad Doethurol Ôl-raddedig hyd at £25,000. Gall hyn eich helpu gyda ffioedd cwrs a chostau byw tra eich bod yn astudio. Cliciwch yma am fwy o wybodaeth.

2019/20 Benthyciad Ôl-radd a Chefnogaeth Ychwanegol (Cymru)

  • O 1 Awst 2019, gallai myfyrwyr sy'n preswylio fel arfer yng Nghymru (a'r rheini o'r UE sy'n astudio mewn sefydliad yng Nghymru) gael yr hawl i gyfuniad o fenthyciad a grant fel cyfraniad at gostau tra'n astudio cwrs gradd meistr ôl-radd.
  • Cyfanswm y cymorth sydd ar gael i fyfyriwr cymwys yw £17,000. Mae grant o hyd at £6,885 ar gael, yn dibynnu ar incwm yr cartref. Cynigir gweddill y cymorth ar ffurf benthyciad.
  • Cyrsiau rhan-amser - dyrennir y cymorth dros nifer y blynyddoedd y dilynir y cwrs. Caiff lefel y cymorth ei gapio ar gyfer pob blwyddyn academaidd; er enghraifft, £17,000 ar gyfer cwrs blwyddyn, £8,500 y flwyddyn ar gyfer cwrs dwy flynedd, a £4,250 y flwyddyn ar gyfer cwrs pedair blynedd. Mae cyrsiau amser llawn sy'n para blwyddyn a dwy flynedd yn gymwys i gael cymorth. Mae cyrsiau rhanamser sy'n para hyd at bedair blynedd yn gymwys i gael cymorth.
  • Dyma elfennau'r cymorth:
    • Mae grant sylfaenol o £1,000 ar gael i bob myfyriwr cymwys nad yw'n seiliedig ar brawf modd i gyfrannu at eu costau.
    • Mae grant ychwanegol o £5,885 ar gael i fyfyrwyr cymwys o aelwyd sydd ag incwm o hyd at £18,370 y flwyddyn, sy'n seiliedig ar brawf modd, i gyfrannu at eu costau.
    • Mae grant rhannol ar gael i fyfyrwyr sydd ag incwm rhwng £18,371 a £59,199.

Tabl hawl grant a benthyciad cyrsiau ôl-radd 2019/20


Incwm Trethadwy Eich Cartref

Grant

Benthyciad

Cyfanswm

£18,370 neu lai

£6,885

£10,115

£17,000

£20,000

£6,651

£10,349

£17,000

£25,000

£5,930

£11,070

£17,000

£30,000

£5,209

£11,791

£17,000

£40,000

£3,767

£13,233

£17,000

£50,000

£2,326

£14,674

£17,000

£55,000

£1,605

£15,395

£17,000

£59,200 neu fwy

£1,000

£16,000

£17,000

2019/20 Cwrs Doethurol Ôl-raddedig (Cymru)

  • O 1 Awst 2019, gallai myfyrwyr sy'n preswylio fel arfer yng Nghymru, a'r rheini o'r UE sy'n astudio mewn sefydliad yng Nghymru, gael yr hawl i gymorth. Bydd modd i fyfyrwyr cymwys gael benthyg hyd at £25,700, fel cyfraniad at eu costau, dros gyfnod y rhaglen ddoethuriaeth.
  • Gall y cyrsiau fod yn rhai amser llawn neu'n rhanamser, rhwng tair ac wyth blynedd o hyd. Gwneir y taliadau dros nifer blynyddoedd y rhaglen ddoethuriaeth.
  • Ni fydd y rheini sy'n cael cyllid myfyrwyr gan unrhyw un o saith Cyngor Ymchwil y DU (cyllid llawn neu ffioedd yn unig) yn gymwys i gael benthyciad.
  • Ni fydd y rheini sy'n cael ffurfiau uniongyrchol eraill ar gymorth y Llywodraeth tuag at gostau cynhaliaeth a ffioedd, gan gynnwys unrhyw gyfraniadau cyflog neu ffioedd a ddarperir gan y GIG at ddibenion cyrsiau doethuriaeth, a chynllun KESS 2, yn gymwys chwaith.

Ysgoloriaethau a Bwrsariaethau

I gael manylion am yr ysgoloriaethau a’r bwrsariaethau sydd ar gael, ewch i'r dudalen Ysgoloriaethau a Bwrsariaethau.

Ffioedd dysgu a Dulliau Talu

Ariannu eich Astudiaethau

I'ch helpu i nodi ffynonellau cyllid, ewch i'r dudalen 'Cyllid Ôl-raddedig' ar ein gwefan Cyllid Myfyrwyr.