Bryn Eithin

Dyma faes parcio Bryn Eithin, ym Mhentref y Santes Fair. Mae ardal barbeciw a mainc bicnic ar y lawnt.

Dyma’r cyntedd ac mae dau ddrws i fynd i mewn i bob fflat. Mae grisiau sy’n mynd i fyny i’r tri llawr arall, sylwch nad oes lifft i’w gael. Mae yna hysbysfwrdd lle cewch weld gwybodaeth bwysig a manylion am eich mentoriaid neuadd.  Mae wyth ystafell wely ym mhob fflat ynghyd â dwy ystafell ymolchi a chegin.

Dyma’r gegin fwyta; mae yno fwrdd a meinciau i wyth o bobl a dwy soffa. Mae yna ddwy oergell-rewgell, popty a dau hob. Mae yno hefyd ficrodon, tostiwr a thegell. Mae dwy sinc ac mae digon o le storio yng nghypyrddau’r gegin ar gyfer yr wyth preswylydd. Mae sugnwr llwch, bwrdd smwddio, mop a bwced, a brwsh a phadell lwch i chi eu defnyddio. Mae yno hysbysfwrdd lle ceir gwybodaeth bwysig am iechyd a diogelwch. Trwy’r ffenestr fawr cewch olygfa o'r maes parcio, ac o’r lloriau uchaf ceir golygfeydd dros Fangor. 

Yn yr ystafell wely hon mae gwely sengl, cwpwrdd dillad, droriau a desg a chadair gyda silffoedd uwchlaw. Mae yno hefyd fasn ymolchi gyda drych a hysbysfwrdd lle ceir gwybodaeth bwysig a gwybodaeth gyffredinol.

Yn yr ystafell wely hon mae gwely sengl, cwpwrdd dillad, droriau a desg a chadair gyda silffoedd uwchlaw. Ar y ddesg mae lamp desg. Yno hefyd ceir basn ymolchi gyda drych a hysbysfwrdd lle ceir gwybodaeth bwysig a gwybodaeth gyffredinol. Mae dwy ffenest yn ystafell wely hon sy’n rhoi golygfa i ddau gyfeiriad gwahanol ac ychydig mwy o arwynebedd llawr.

Mae dwy ystafell ymolchi ym mhob fflat. Mae ynddyn nhw fasn ymolchi a drych, toiled a chawod. Mae bachau ar y wal i hongian eich tywel ac ati.