Ynglŷn â’r Cwrs Yma
Mae’r cwrs gradd cyffrous hwn yn cael ei gynnal ar y cyd gan Gyfrifiadureg ac Astudiaethau Creadigol a’r Cyfryngau. Mae wedi’i anelu at fyfyrwyr sydd eisiau astudio cyfrifiadureg ond sydd hefyd am archwilio’r technolegau digidol newydd a ddefnyddir gan y diwydiannau creadigol, yn cynnwys: ffônedu a radio, ffilm a fideo, pensaernïaeth, meddalwedd a gemau cyfrifiadurol, dylunio a hysbysebu. Mae technegau cyfrifiadureg wrth wraidd llawer o’r meysydd rhaglenni yn y diwydiannau hyn. Bydd y cwrs hwn yn rhoi sylfaen gadarn i chi mewn sgiliau technegol sy’n ofynnol i’ch gwneud yn weithiwr proffesiynol llwyddiannus o ran cael gwaith yn y maes hwn. Byddwch hefyd yn elwa o ddysgu sy’n gysylltiedig â diddordebau ymchwil y staff academaidd, sydd ag enw da ledled y byd mewn graffeg gyfrifiadurol ac ymchwil delweddu.
Pam Dewis Bangor?
- Mae gan Fangor dechnolegau dangosyddion o’r radd flaenaf, stiwdio deledu aml-gamera, stiwdio radio gyda chyfarpar proffesiynol, ystafelloedd golygu digidol Avid a Matrox, sinema ddigidol ac amgylcheddau rhithwir.
- Caiff y cwrs hwn ei atgyfnerthu gan gysylltiadau agos Bangor â’r diwydiant cyfrifiaduron, yn cynnwys parc busnes Parc Menai, lle mae swyddfeydd llawer o gwmnïau technoleg.
- Mae’r staff yn ymarferwyr yn y maes sy’n gweithio ar brojectau ar y cyd ac yn gweithredu fel ymgynghorwyr i ddiwydiant.
- Mae cyfleoedd i gael nawdd ac ysgoloriaeth ar sail gystadleuol.
- Yn aml, cynhelir projectau blwyddyn olaf mewn cydweithrediad â chwmni a gallant gynnwys gweithio mewn tîm gyda myfyrwyr o gyrsiau y celfyddydau creadigol.
- Yn ddiweddar rydym wedi gosod labordy rhwydweithio mawr. Mae’r cyfleuster hwn wedi’i gynllunio i roi cyfle i fyfyrwyr ddylunio a gweinyddu rhwydweithiau ac i gefnogi cyflwyno modiwlau saernïaeth cyfrifiaduron.
- Dilysir y radd hon gan Gymdeithas Gyfrifiaduron Prydain sef y Sefydliad Siartredig ar gyfer TG.
Cynnwys y Cwrs
Byddwch yn treulio tua 12 awr mewn darlithoedd ac 8 awr mewn labordai bob wythnos. Byddwch hefyd yn cael tiwtorialau mewn rhai modiwlau a bydd yn rhaid i chi weithio ar ddylunio meddalwedd a chwblhau gwahanol aseiniadau datrys problemau. Cewch gyfle i wneud projectau mawr ym mlwyddyn 2 a 3 a fydd yn eich galluogi i ddatblygu eich sgiliau dylunio creadigol a thechnegol yn ogystal â defnyddio’r egwyddorion damcaniaethol rydych wedi’u dysgu. Rydym yn eich annog i ddefnyddio adnoddau dysgu ar y rhyngrwyd ac yn y llyfrgell i ategu eich astudiaethau. Asesir modiwlau trwy arholiadau, asesu parhaus neu gyfuniad o’r ddau. Gall yr asesu parhaus gynnwys ychydig o elfen ymarferol dan oruchwyliaeth neu astudiaeth annibynnol, gydag ysgrifennu adroddiadau i ddilyn. Mae canlyniadau eich modiwl a marciau eich project unigol yn cyfrannu at farc terfynol eich gradd.
Modiwlau ar gyfer y flwyddyn academaidd gyfredol
Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modwilau Technolegau Creadigol .
Mae cynnwys y cwrs wedi'i nodi i’ch arwain yn unig ac fe all newid.
Costau'r Cwrs
Costau Cyffredinol yn y Brifysgol
Myfyrwyr Cartref (DU)
- Cost cwrs israddedig llawn-amser yw £9,000 y flwyddyn (mynediad yn 2021/22 ac yn 2022/23).
- Y ffi ar gyfer yr blwyddyn ar leoliad a blwyddyn profiad rhyngwladol yw £1,350 (2021/22 a 2022/23).
- Mwy o wybodaeth am ffioedd a chyllid i fyfyrwyr Cartref (DU).
Myfyrwyr Rhyngwladol (yn cynnwys yr UE)
Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:
- Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
- Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).
Costau ychwanegol cwrs-benodol
Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:
- Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
- Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
- Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.
Gofynion Mynediad
Ar gyfer mynediad yn 2021:
Mae'r cynigion yn seiliedig ar dariffau, 96 - 120 pwynt tariff o gymwysterau Lefel 3* e.e.:
- Lefel A (gan gynnwys 1 mewn Gwyddoniaeth/Mathemateg/Cyfrifiadureg/TG **, ac eithrio Astudiaethau Cyffredinol)
- Diploma Cenedlaethol/Estynedig BTEC a Diploma Estynedig Technegol Caergrawntmewn pwnc perthnasol (fel uchod): MMM - DDM
- Diploma Technegol/Estynedig Uwch City & Guilds: ystyrir fesul achos
- Derbynnir Diploma Bagloriaeth Ryngwladol
- Mynediad i Addysg Uwch mewn pwnc perthnasol fel y rhestrir uchod**
- Derbynnir Bagloriaeth Cymru
- Ni dderbynnir Sgiliau Allweddol
Ymgeiswyr Rhyngwladol: derbynnir cymwysterau gadael ysgol a diplomâu coleg o wledydd ledled y byd (yn amodol ar ofynion iaith Saesneg penodol). Cewch ragor o wybodaeth yma.
Rydym hefyd yn croesawu ceisiadau gan ymgeiswyr hŷn.
*I weld rhestr lawn o'r cymwysterau Lefel 3 a dderbynnir, ewch i www.ucas.com
**Gall meysydd pwnc gael eu hystyried fesul achos.
Gofynion Cyffredinol y Brifysgol
I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i www.ucas.com.
Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.
Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth.
Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.
Rydym yn ystyried ceisiadau gan fyfyrwyr hŷn sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hŷn. Am fwy o wybodaeth am astudio fel myfyriwr aeddfed, ewch i adran Astudio ym Mangor.
Gyrfaoedd
Bydd y cyfuniad cyffrous o dechnolegau cyfrifiadurol ac arbenigedd yn y cyfryngau yn golygu y bydd graddedigion mewn sefyllfa gref i gael gyrfaoedd yn y Diwydiannau Creadigol.
Mae’r radd hon yn cyfuno gwybodaeth dechnolegol gydag archwilio defnydd ymarferol, gan roi dealltwriaeth gadarn i fyfyrwyr ar gyfer y dyfodol am sut y gellir defnyddio cyfrifiaduron i hyrwyddo potensial y sectorau creadigol. Mae rhai o’n myfyrwyr yn parhau â’u hastudiaethau ar lefel ôl-radd ac yn aml yn aros ymlaen ym Mangor i gwblhau MSc, MRes neu PhD.
Cyfleoedd ym Mangor
Mae Canolfan Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.
Gwobr Cyflogadwyedd Bangor (GCB)
Gyda GCB, byddwch yn ennill cydnabyddiaeth am eich gweithgareddau allgyrsiol (e.e. gwirfoddoli, clybiau a chymdeithasau, gwaith rhan-amser ayyb).
Rhaglen Interniaeth Prifysgol Bangor
Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.
Gwirfoddoli
Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan Undeb y Myfyrwyr.
Gweithio tra'n astudio
Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.
Adroddiad Cyflawniad Addysg Uwch (HEAR)
Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.
