Ynglŷn â’r Cwrs Yma
Bydd y radd hon yn rhoi sylfaen gadarn i chi mewn trin, dadansoddi a chyfleu canfyddiadau gan ddefnyddio technegau delweddu modern.
Mae’r radd hon yn cynnig cymysgedd gyfoes o hanfodion cyfrifiadureg, rhaglennu, rheoli a dadansoddi data, a rhesymu beirniadol. Mae’r rhaglen yn cynhyrchu graddedigion sy’n fedrus wrth ddefnyddio data i feithrin dealltwriaeth ac wrth gyfathrebu’r ddealltwriaeth honno i’w cydweithwyr a’u cwsmeriaid. Mae’r cyfuniad hwn yn angenrheidiol ar gyfer economi ddata’r 21ain ganrif, gan roi graddedigion y cwrs hwn mewn sefyllfa ddelfrydol i ymgymryd â swyddi mewn diwydiant ac yn y byd academaidd.
Mae’r cwrs yn rhoi pwyslais ar ddefnyddio data’n gyfrifol ac mae agweddau moesegol, cyfreithiol a chymdeithasol perthnasol wedi eu hymgorffori yn y cwrs.
Pam Dewis Bangor?
- Rydym yn gymuned fywiog gyda labordai â chyfarpar da, cyfrifiaduron wedi’u rhwydweithio gan ddefnyddio meddalwedd o safon diwydiant a’n llyfrgell ein hunain.
- Mae ein hymchwil a’n hymwneud fel arall â diwydiant yn sicrhau bod ein cyrsiau’n adlewyrchu’r datblygiadau diweddaraf. Mae’r staff yn ymarferwyr proffesiynol sy’n gweithio ar brojectau ar y cyd ac yn gweithredu fel ymgynghorwyr i ddiwydiant.
- Mae cyfleoedd am nawdd ac ysgoloriaethau ar gael.
- Yn aml, cynhelir projectau blwyddyn olaf mewn cydweithrediad â chwmni lleol - gan roi manteision i chi pan fyddwch yn chwilio am waith.
- Dilysir y radd BSc gan Gymdeithas Cyfrifiaduron Prydain sef y Sefydliad Siartredig ym maes technoleg gwybodaeth.
- Yn ddiweddar rydym wedi sefydlu labordy rhwydweithio mawr - a gynlluniwyd i roi’r cyfle i ddylunio a gweinyddu rhwydweithiau a chefnogi’r gwaith o gyflwyno modiwlau pensaernïaeth gyfrifiadurol.
Cynnwys y Cwrs
Byddwch yn treulio tua 12 awr mewn darlithoedd ac 8 awr mewn labordai bob wythnos. Byddwch hefyd yn cael tiwtorialau mewn rhai modiwlau a bydd yn rhaid i chi gwblhau gwahanol aseiniadau datrys problemau. Asesir modiwlau trwy arholiadau, asesu parhaus neu gyfuniad o’r ddau. Gall yr asesu parhaus gynnwys ychydig o elfen ymarferol dan oruchwyliaeth neu astudiaeth annibynnol, gydag ysgrifennu adroddiadau i ddilyn. Mae canlyniadau eich modiwl a marciau eich project unigol yn cyfrannu at farc terfynol eich gradd.
Modiwlau ar gyfer y flwyddyn academaidd gyfredol
Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modwilau Gwyddorau Data a Delweddu .
Mae cynnwys y cwrs wedi'i nodi i’ch arwain yn unig ac fe all newid.
Costau'r Cwrs
Costau Cyffredinol yn y Brifysgol
Myfyrwyr Cartref (DU)
- Cost cwrs israddedig llawn-amser yw £9,000 y flwyddyn (mynediad yn 2021/22).
- Mwy o wybodaeth am ffioedd a chyllid i fyfyrwyr Cartref (DU).
Myfyrwyr Rhyngwladol (yn cynnwys yr UE)
Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:
- Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
- Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).
Costau ychwanegol cwrs-benodol
Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:
- Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
- Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
- Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.
Gofynion Mynediad
TGAU: gradd C/4 mewn Saesneg. Mae cynnig nodweddiadol yn seiliedig ar isafswm o 112 o bwyntiau tariff o gymhwyster Lefel 3* e.e.:
- Lefel A (gan gynnwys 1 mewn Gwyddoniaeth / Mathemateg / Cyfrifiadura / TG, ac eithrio Astudiaethau Cyffredinol)
- Diploma Cenedlaethol / Estynedig BTEC a Diploma Estynedig Technegol Caergrawnt mewn pwnc perthnasol (fel uchod): DMM
- Diploma Technegol / Estynedig Uwch City & Guilds: caiff ei ystyried fesul achos
- Derbynnir Diploma’r Fagloriaeth Ryngwladol
- Mynediad at AU mewn pwnc perthnasol fel y rhestrir uchod**:Llwyddo
- Derbynnir Bagloriaeth Cymru
- Ni dderbynnir Sgiliau Allweddol.
Derbynnir cymwysterau gadael ysgol a diplomâu coleg rhyngwladol, yn amodol ar ofynion iaith Saesneg penodol: www.bangor.ac.uk/intreqs
Rydym hefyd yn croesawu ceisiadau gan ymgeiswyr hŷn.
*I gael manylion llawn ewch i’n gwefan ac i weld rhestr lawn o’r cymwysterau Lefel 3 a dderbynnir, ewch i www.ucas.com
**Gellir ystyried meysydd pwnc eraill fesul achos.
Gofynion Cyffredinol y Brifysgol
I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i www.ucas.com.
Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.
Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth.
Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.
Rydym yn ystyried ceisiadau gan fyfyrwyr hŷn sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hŷn. Am fwy o wybodaeth am astudio fel myfyriwr aeddfed, ewch i adran Astudio ym Mangor.
Gyrfaoedd
Disgwylir y bydd graddedigion y cwrs hwn yn ymuno â diwydiant ym meysydd dadansoddi data, dadansoddi ariannol, cefnogaeth data neu swyddi tebyg. Bydd eu gradd wedi eu harfogi nid yn unig â sgiliau ymarferol, ond hefyd â dealltwriaeth o’r theori sylfaenol. Mae hyn yn caniatáu iddynt ddarparu dadansoddiad cywir a chraff a chyfleu hynny i’w cydweithwyr.
Cyfleoedd ym Mangor
Mae Canolfan Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.
Gwobr Cyflogadwyedd Bangor (GCB)
Gyda GCB, byddwch yn ennill cydnabyddiaeth am eich gweithgareddau allgyrsiol (e.e. gwirfoddoli, clybiau a chymdeithasau, gwaith rhan-amser ayyb).
Rhaglen Interniaeth Prifysgol Bangor
Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.
Gwirfoddoli
Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan Undeb y Myfyrwyr.
Gweithio tra'n astudio
Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.
Adroddiad Cyflawniad Addysg Uwch (HEAR)
Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.
