Cyfrifiadureg gyda Dylunio Gemau Israddedig - Mynediad yn 2021

Mae’r radd hon yn canolbwyntio ar yr agweddau a fydd yn hanfodol wrth ddatblygu gemau ar bob lefel. Bydd y radd hon yn galluogi graddedigion i ymuno â stiwdios presennol, neu fentro ar eu liwt eu hunain fel datblygwr annibynnol. Yn ogystal â dysgu hanfodion cyfrifiadureg a sgiliau rhaglennu uwch, byddwch yn elwa o sgiliau penodol mewn perthynas â dylunio gemau. Mae ein nod yn syml - rydym am eich helpu i ddod yn ddylunydd gemau proffesiynol sydd â’r gallu i ddysgu am y wybodaeth a’r datblygiadau diweddaraf ym maes cyfrifiadureg.

Ar gyfer elfen dylunio gemau’r radd, mae gwaith ymarferol - gydag injan gemau neu ddeunyddiau gemau corfforol - wedi’i gyfuno â chyfleoedd i ymwneud yn feirniadol â damcaniaethau diwylliant, mecaneg, naratifau ac estheteg gemau. Mae’r cyfleoedd hyn yn darparu’r ddealltwriaeth y mae ar fyfyrwyr ei hangen i gynhyrchu gemau y mae modd ymgolli ynddynt ac sy’n ddeniadol. Yn ystod y cwrs, cewch gyfle i greu gemau mewn sawl fformat, gan gynnwys: Gemau llwyfannau 2D, gemau 3D, gêm fwrdd a gemau cardiau i’w casglu. Defnyddir ‘chwarae’ yn rhan o agweddau addysgu a datblygu’r cwrs.

Pam Dewis Bangor?

• Rydym yn gymuned fywiog gyda labordai â chyfarpar da, cyfrifiaduron wedi’u rhwydweithio gan ddefnyddio meddalwedd o safon diwydiant a’n llyfrgell ein hunain.
• Mae ein hymchwil a’n hymwneud fel arall â diwydiant yn sicrhau bod ein cyrsiau’n adlewyrchu’r datblygiadau diweddaraf. Mae’r staff yn ymarferwyr proffesiynol sy’n gweithio ar brojectau ar y cyd ac yn gweithredu fel ymgynghorwyr i ddiwydiant.
• Mae cyfleoedd am nawdd ac ysgoloriaethau ar gael.
• Yn aml, cynhelir projectau blwyddyn olaf mewn cydweithrediad â chwmni lleol - gan roi manteision i chi pan fyddwch yn chwilio am waith.
• Dilysir y radd BSc gan Gymdeithas Cyfrifiaduron Prydain sef y Sefydliad Siartredig ym maes technoleg gwybodaeth.
• Yn ddiweddar rydym wedi sefydlu labordy rhwydweithio mawr - a gynlluniwyd i roi’r cyfle i ddylunio a gweinyddu rhwydweithiau a chefnogi’r gwaith o gyflwyno modiwlau pensaernïaeth gyfrifiadurol.

Byddwch yn treulio tua 12 awr mewn darlithoedd ac 8 awr mewn labordai bob wythnos. Byddwch hefyd yn cael tiwtorialau mewn rhai modiwlau a bydd yn rhaid i chi gwblhau gwahanol aseiniadau datrys problemau. Asesir modiwlau trwy arholiadau, asesu parhaus neu gyfuniad o’r ddau. Gall yr asesu parhaus gynnwys ychydig o elfen ymarferol dan oruchwyliaeth neu astudiaeth annibynnol, gydag ysgrifennu adroddiadau i ddilyn. Mae canlyniadau eich modiwl a marciau eich project unigol yn cyfrannu at farc terfynol eich gradd.

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modwilau Cyfrifiadureg gyda Dylunio Gemau .

Mae cynnwys y cwrs wedi'i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,000 y flwyddyn (mynediad yn 2021/22).
• Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Ar gyfer mynediad yn 2021:

Mae'r cynigion yn seiliedig ar dariffau, 80 - 120 pwynt tariff o gymwysterau Lefel 3* e.e.

• Lefel A (gan gynnwys 1 mewn Gwyddoniaeth/Mathemateg/Cyfrifiadureg/TG **, ac eithrio Astudiaethau Cyffredinol)
• Diploma Cenedlaethol/Estynedig BTEC a Diploma Estynedig Technegol Caergrawnt mewn pwnc perthnasol (fel uchod): MMP - DDM
• Diploma Technegol/Estynedig Uwch City & Guilds: fesul achos
• Derbynnir Diploma Bagloriaeth Ryngwladol
• Mynediad at Addysg Uwch mewn pwnc perthnasol fel y rhestrir uchod**
• Derbynnir Bagloriaeth Cymru.
• Ni dderbynnir Sgiliau Allweddol

** Gellir ystyried meysydd pwnc eraill fesul achos.

Ymgeiswyr Rhyngwladol: derbynnir cymwysterau gadael ysgol a diplomâu coleg o wledydd ledled y byd (yn amodol ar ofynion iaith Saesneg penodol), manylion yma.

Rydym hefyd yn croesawu ceisiadau gan ymgeiswyr hŷn.

* I gael manylion llawn ewch i'n gwefan i gael rhestr lawn o gymwysterau lefel 3 a dderbynnir, ewch i www.ucas.com.
 

Gofynion Cyffredinol y Brifysgol

Yma ym Mangor rydym yn derbyn myfyrwyr â phob math o gymwysterau a chefndiroedd. Rydym yn ystyried pob cais yn unigol a hyd yn oed os nad ydych yn cael canlyniadau sy’n cyfateb i delerau eich cynnig gwreiddiol, gwnawn ein gorau i fod yn hyblyg i’ch cais.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth.Am fanylion pellach

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

I astudio cwrs gradd, diploma a thystysgrif mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i www.ucas.com

Rydym yn ystyried ceisiadau gan fyfyrwyr hŷn sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hŷn.

Mae gofynion mynediad mwy penodol i’w cael ar y tudalennau cwrs unigol.

Am fanylion pellach

E-bostiwch Derbyniadau Cyffredinol: admissions@bangor.ac.uk

Ffôn: 01248 383717 

Mae’r radd hon wedi’i chynllunio i roi cyfle i fyfyrwyr ymuno ag ystod amrywiol o yrfaoedd ym maes technoleg gwybodaeth, ymchwil a datblygu diwydiannol, neu astudiaeth academaidd bellach.

Cyfleoedd ym Mangor

Profiad Gwaith a Gwirfoddoli

Mae Canolfan Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio. Mae’n dod yn gynyddol bwysig yn y farchnad swyddi heddiw i ddatblygu eich sgiliau personol a gwella eich cyflogadwyedd tra byddwch yn y brifysgol.

Ymysg y profiadau a gynigir gan y Ganolfan Gyrfaoedd a Chyflogadwyedd i helpu eich datblygiad personol a’ch gyrfa, mae rhaglenni lleoliadau gwaith, cynlluniau blasu gwaith, swyddi rhan-amser a chynlluniau gwirfoddoli a mentora.

Gwobr Cyflogadwyedd Bangor

Mae Gwobr Cyflogadwyedd Bangor wedi ei gynllunio i wella rhagolygon gwaith ein myfyrwyr. Mae’n cynnig cyfleoedd rhad ac am ddim i ennill y sgiliau a’r profiadau eu hangen ar gyflogwyr, yn seiliedig ar yr ymchwil diweddaraf.Mae graddedigion y Wobr yn cael tystysgrif a thrawsgrifiad o’u gweithgareddau allgyrsiol o Brifysgol Bangor. Mae’r Wobr hefyd yn cynnig cyrsiau hyfforddi am ddim, yn helpu i’ch paratoi ar gyfer cyfweliadau, yn rhoi mynediad at feddalwedd gyrfaoedd ar-lein ac yn helpu i ddatblygu eich portffolio sgiliau o dystiolaeth ar gyfer cyflogwyr.

Rhaglen Interniaeth Prifysgol Bangor

Mae'r Brifysgol yn cynnal cynllun interniaeth sy’n cynnig y cyfle i ennill profiad gwaith â thâl ar lefel raddedig mewn Ysgolion academaidd ac adrannau gwasanaeth y Brifysgol.

Mae’r cynllun yn agored i fyfyrwyr israddedig ac mae’r gwaith interniaeth ac unrhyw hyfforddiant a dderbynnir yn cael ei gofnodi yn awtomatig ar eich cofnod o weithgareddau Gwobr Cyflogadwyedd Bangor.

TARGETconnect - Gweithio tra'n astudio

Mae'r Gwasanaeth Sgiliau a Chyflogadwyedd yn cynnig cefnogaeth i fyfyrwyr sy'n chwilio am waith yn ystod ac yn dilyn eu cyfnod yma.

Mae TARGETconnect yn hysbysebu'r cyfleoedd canlynol:

• Swyddi i Raddedigon – yn lleol, yn genedlaethol a rhyngwladol
• Swyddi llawn-amser, rhan-amser, parhaol a thros dro
• Profiad gwaith ac interniaethau
• Cyfleon Gwirfoddol