Ynglŷn â’r Cwrs Yma
Mi wnaiff y cwrs eich paratoi chi at yrfa broffesiynol mewn dylunio systemau electronig. Byddwn yn rhoi sylfaen drylwyr i chi yn yr holl dechnegau diweddaraf mewn electroneg analog a digidol. Rydym yn adnabyddus am roi pwyslais ar sgiliau ymarferol, a bydd y radd yn rhoi profiad ymarferol helaeth i chi a fydd yn ategu'r wybodaeth ddamcaniaethol sydd ynglŷn â'r pwnc cyffrous hwn.
Ym Mlwyddyn 4 (MEng) bydd gennych chi nifer o opsiynau arbenigol, gan gynnwys astudio systemau cyfathrebu band eang a rheolyddion rhesymeg rhaglenadwy, felly chewch chi ddim eich clymu i ddilyn un llwybr penodol.
Mae wedi'i hachredu gan y Sefydliad Peirianneg a Thechnoleg (IET) ar ran y Cyngor Peirianneg at ddibenion diwallu’n llawn y gofyniad academaidd i gofrestru fel Peiriannydd Siartredig.
Pam dewis Prifysgol Bangor ar gyfer y cwrs?
- Mae galw mawr gan gyflogwyr rhyngwladol am raddedigion y cwrs.
- Mae gennym gyfradd gyflogadwyedd o 95%.
- Mae gennym ymchwil cryf mewn optoelectroneg, cyfathrebu, microelectroneg, bioelectroneg a gwyddor deunyddiau, ac electroneg organig a phlastig.
- Mae Peirianneg Electronig ym Mangor yn y 4ydd safle yn y Deyrnas Unedig am Ymchwil.
- Achredir gan y Sefydliad Peirianneg a Thechnoleg. Cewch eich eithrio o'r arholiadau derbyn a fydd yn eich galluogi i wneud cais am aelodaeth a dod yn Beiriannydd Siartredig.
- Cydnabyddir gan Ffederasiwn Cymdeithasau Peirianneg Cenedlaethol Ewrop.
Opsiynau Cwrs Ychwanegol
Mae'r cwrs hwn ar gael fel opsiwn 'gyda Blwyddyn ar Leoliad' lle byddwch yn astudio am flwyddyn ychwanegol. Mae'r myfyrwyr yn gwneud y Flwyddyn ar Leoliad ar ddiwedd yr ail flwyddyn ac maent i ffwrdd o'r Brifysgol am y flwyddyn academaidd gyfan.
Mae Blwyddyn ar Leoliad yn gyfle gwych i chi ehangu eich gorwelion a datblygu sgiliau a chysylltiadau hynod ddefnyddiol trwy weithio gyda sefydliad sy'n berthnasol i bwnc eich gradd. Y cyfnod lleiaf ar leoliad (mewn un lleoliad neu fwy nag un lleoliad) yw saith mis calendr; fel rheol mae myfyrwyr yn treulio 10-12 mis gyda darparwr lleoliad. Byddwch fel rheol yn dechrau rywbryd yn y cyfnod rhwng mis Mehefin a mis Medi yn eich ail flwyddyn ac yn gorffen rhwng mis Mehefin a mis Medi y flwyddyn ganlynol. Gall y lleoliad fod yn y Deyrnas Unedig neu dramor a byddwch yn gweithio gyda'r staff i gynllunio a chwblhau trefniadau eich lleoliad.
Bydd disgwyl i chi ddod o hyd i leoliad sy'n addas i'ch gradd, a'i drefnu, ac mi gewch chi gefnogaeth lawn gan aelod pwrpasol o staff eich Ysgol academaidd a Gwasanaethau Sgiliau a Chyflogadwyedd y Brifysgol.
Bydd gennych y cyfle i ystyried yr opsiwn hwn yn llawn ar ôl cychwyn eich cwrs ym Mangor a gallwch wneud cais i drosglwyddo i'r opsiwn hwn ar yr adeg priodol. Os oes gennych unrhyw ymholiad yn y cyfamser, mae croeso i chi gysylltu â ni.
Mae'r cwrs hwn ar gael fel opsiwn 'gyda Blwyddyn Profiad Rhyngwladol' lle byddwch yn astudio am flwyddyn yn ychwanegol.
Mae astudio dramor yn gyfle gwych i astudio gydag arbenigwyr, gweld ffordd wahanol o fyw, ehangu eich gorwelion ac, wrth gwrs, gyda phrofiad rhyngwladol o’r fath, rydych yn gwneud byd o les i’ch gyrfa. Os ydych yn bwriadu astudio mewn gwlad lle nad yw’r Saesneg yn cael ei siarad fel iaith frodorol, efallai y bydd cefnogaeth iaith ychwanegol ar gael i chi hefyd.
Mae yna ddewis eang o leoliadau a bydd ‘gyda Phrofiad Rhyngwladol’ yn cael ei ychwanegu at deitl eich gradd.
Cewch fwy o wybodaeth am y rhaglen Blwyddyn Profiad Rhyngwladol yn adran Cyfnewidiadau Myfyrwyr o’r wefan.
Bydd gennych y cyfle i ystyried yr opsiwn hwn yn llawn ar ôl cychwyn eich cwrs ym Mangor a gallwch wneud cais i drosglwyddo i'r opsiwn hwn ar yr adeg priodol. Os oes gennych unrhyw ymholiad yn y cyfamser, mae croeso i chi gysylltu â ni.
Cynnwys y Cwrs
Byddwch yn treulio tua 12 awr mewn darlithoedd ac 8 awr mewn labordai bob wythnos. Byddwch hefyd yn cael tiwtorialau ym mhob modiwl a bydd rhaid i chi ysgrifennu adroddiadau am yr arbrofion, gweithio ar ddylunio meddalwedd a chwblhau ymarferion datrys problemau rhifiadol.
Byddwch yn sefyll arholiad ar bob modiwl ar ddiwedd y semester. Caiff rhai modiwlau eu hasesu trwy waith cwrs hefyd. Mae eich llyfrau gwaith labordy, adroddiadau technegol a'r project unigol hefyd yn cyfrannu at eich marciau.
Mae blwyddyn gyntaf y rhaglen yn gyfle i chi adeiladu sylfaen gadarn o ran dylunio, modelu ac adeiladu cylchedau analog a digidol.
Mae'r ail flwyddyn yn datblygu’r sylfeini ac yn defnyddio'r sgiliau newydd hyn at gysyniadau mwy datblygedig mewn cylchedau electronig, gan gynnwys VLSI a Chylchedau Digidol, Rheoli Projectau Cynaliadwy a Microelectroneg a Nanoffononeg.
Yn ystod trydedd flwyddyn y cwrs mae’n bosib dewis rhai elfennau er mwyn arbenigo, a thrwy hyn ynghyd â'r project unigol bydd gennych brofiad unigryw a phersonol.
Ar y cwrs gradd MEng hwn (4edd flwyddyn) rydym yn cynnig ystod o opsiynau arbenigol yn y bedwaredd flwyddyn, nid ydych chi byth wedi’ch clymu i un llwybr penodol, gydag opsiynau'n amrywio o Systemau Cyfathrebu Band Eang, i Reolwyr Rhesymeg Rhaglenadwy. Dewch y Peiriannydd Systemau Cyfrifiadurol rydych chi eisiau bod!
Modiwlau ar gyfer y flwyddyn academaidd gyfredol
Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modwilau Peirianneg Electronig .
Mae cynnwys y cwrs wedi'i nodi i’ch arwain yn unig ac fe all newid.
Cyfleusterau
Cyfleusterau Cyffredinol y Brifysgol
Gwasanaeth Llyfrgell ac Archifau
Mae ein pedair llyfrgell yn cynnig amrywiaeth o amgylcheddau astudio braf gan gynnwys mannau gweithio cydweithredol, ystafelloedd cyfarfod a mannau tawel i astudio.
Mae yma gasgliad mawr o lyfrau a chylchgronau, ac mae llawer o'r cylchgronau ar gael ar gyfrifiadur mewn fformat testun llawn.
Mae gennym hefyd un o’r archifau prifysgol mwyaf nid yn unig yng Nghymru ond hefyd drwy holl wledydd Prydain. Yn gysylltiedig â'r archifau mae casgliadau arbennig o lyfrau printiedig prin.
Adnoddau Dysgu
Mae yma ddewis eang o adnoddau dysgu, sy’n cael eu cefnogi gan staff profiadol, i’ch helpu i astudio.
Mae gwasanaethau TG y Brifysgol yn darparu cyfleusterau a gwasanaethau cyfrifiaduro, cyfryngau a reprograffeg sy’n cynnwys:
- Dros 1,150 o gyfrifiaduron i fyfyrwyr, gyda rhai ystafelloedd cyfrifiaduron ar agor 24 awr bob dydd
- Blackboard, rhith-amgylchedd dysgu masnachol, sy’n galluogi i ddeunydd dysgu fod ar gael ar-lein.
Costau'r Cwrs
Costau Cyffredinol yn y Brifysgol
Myfyrwyr Cartref (DU)
- Cost cwrs israddedig llawn-amser yw £9,000 y flwyddyn (mynediad yn 2021/22 ac yn 2022/23).
- Y ffi ar gyfer yr blwyddyn ar leoliad a blwyddyn profiad rhyngwladol yw £1,350 (2021/22 a 2022/23).
- Mwy o wybodaeth am ffioedd a chyllid i fyfyrwyr Cartref (DU).
Myfyrwyr Rhyngwladol (yn cynnwys yr UE)
Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:
- Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
- Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).
Costau ychwanegol cwrs-benodol
Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:
- Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
- Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
- Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.
Gofynion Mynediad
Mae'r cynigion yn seiliedig ar dariffau, 128 - 136 pwynt tariff o gymwysterau Lefel 3* e.e.:
- Lefel A (gan gynnwys o leiaf gradd C mewn Mathemateg ac o leiaf gradd C mewn Ffiseg neu Electroneg)**
- Diploma Bagloriaeth Ryngwladol (gan gynnwys H5 mewn Mathemateg a Ffiseg)
- Diploma Cenedlaethol / Estynedig BTEC mewn Peirianneg Drydanol/ Electronig**: DDM - DDD
- Diploma Estynedig Technegol Caergrawnt mewn Peirianneg**: DDM - DDD
- Diploma Technegol/Estynedig Uwch City & Guilds mewn Peirianneg**: DDM - DDD
- Mynediad (ystyrir fesul achos)
- Derbynnir Bagloriaeth Cymru.
-
Ymgeiswyr rhyngwladol: derbynnir cymwysterau gadael ysgol a diplomâu coleg o wledydd ledled y byd (yn amodol ar ofynion iaith Saesneg penodol). Cewch ragor o wybodaeth yma.
Rydym hefyd yn croesawu ceisiadau gan ymgeiswyr hŷn.
*I weld rhestr lawn o'r cymwysterau Lefel 3 a dderbynnir, ewch i www.ucas.com
Gofynion Cyffredinol y Brifysgol
I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i www.ucas.com.
Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.
Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth.
Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.
Rydym yn ystyried ceisiadau gan fyfyrwyr hŷn sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hŷn. Am fwy o wybodaeth am astudio fel myfyriwr aeddfed, ewch i adran Astudio ym Mangor.
Gyrfaoedd
Mae gan raddedigion mewn Peirianneg Electronig ragolygon gyrfa rhagorol. Fel y byddai rhywun yn ei ddisgwyl, mae llawer yn cael swyddi peirianneg electronig mewn busnesau bach neu fawr, neu gyfleusterau ymchwil a datblygu'r llywodraeth neu breifat. Fodd bynnag, mae natur datrys problemau a thrin rhifau ein cyrsiau gradd peirianneg yn golygu bod graddedigion yn cael eu gwerthfawrogi'n fawr mewn llawer o broffesiynau eraill, yn amrywio o swyddi rheoli cyffredinol i weithio fel dadansoddwyr rhifiadol. Mae astudiaeth ôl-radd yn opsiwn cyffrous arall i rai.
Cyfleoedd ym Mangor
Mae Canolfan Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.
Gwobr Cyflogadwyedd Bangor (GCB)
Mae Gwobr Cyflogadwyedd Bangor yn gwrs ar-lein cynhwysfawr y gallwch ei wneud yn ôl eich cyflymder eich hun, gan fynd â chi trwy'r holl gamau y mae'n rhaid i chi eu cymryd i archwilio, paratoi a gwneud cais am eich gyrfa ddelfrydol.
Rhaglen Interniaeth Prifysgol Bangor
Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.
Gwirfoddoli
Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan Undeb y Myfyrwyr.
Gweithio tra'n astudio
Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.
Adroddiad Cyflawniad Addysg Uwch (HEAR)
Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.
Blwyddyn Sylfaen
Mae opsiwn 'gyda Blwyddyn Sylfaen' ar gael ar gyfer y cwrs hwn. Gwnewch gais am Peirianneg Electronig (gyda Blwyddyn Sylfaen).