Ffrangeg Israddedig - 2021 Entry

Bydd gradd BA (Anrh) yn rhoi sgiliau uwch i chi yn yr iaith Ffrangeg, a byddwch yn datblygu dealltwriaeth arbenigol a manwl o ddiwylliant, cymdeithas a hanes y Ffrainc fodern. Mae iaith yn ganolog i’r radd hon, gyda modiwlau craidd yn datblygu’r sgiliau llafar, clywedol ac ysgrifenedig allweddol bob blwyddyn. Mae’r modiwlau hyn hefyd yn meithrin ymwybyddiaeth ddiwylliannol, y bydd ei hangen arnoch ar gyfer eich blwyddyn dramor, ac ar gyfer byd gwaith yn nes ymlaen. Mae gradd anrhydedd sengl yn eich galluogi i ddilyn ystod lawn o opsiynau, a fydd yn eich arfogi â gwybodaeth helaeth am dreftadaeth a bywyd y Ffrainc fodern, ac ymwybyddiaeth o’r byd Ffrangeg yn ehangach, ar lefel a fydd yn caniatáu ichi ystyried dilyn astudiaethau ôl-radd.

Pam dewis Prifysgol Bangor ar gyfer y cwrs?

• Mae Ieithoedd a Diwylliannau Modern ym Mangor yn gyson ymhlith yr ysgolion â’r sgôr uchaf yn y maes pwnc hwn yn yr Arolwg Cenedlaethol Myfyrwyr.
• Mae ein maint yn golygu ein bod yn cynnig addysg bersonol, mewn dosbarthiadau bychain, lle cewch ddod i adnabod y staff a’ch cydfyfyrwyr.
• Ar yr un pryd, mae ein hystod fawr ac amrywiol o fodiwlau yn eich galluogi i deilwra eich gradd i’ch anghenion personol.
• Caiff rhai opsiynau eu haddysgu drwy gyfrwng y Ffrangeg, ac eraill drwy gyfrwng y Gymraeg neu’r Saesneg.
• Mae gan raddedigion Ieithoedd a Diwylliannau Modern Bangor hanes da iawn o gael gwaith cyflogedig.
• Mae strwythurau’r cyrsiau gradd yn hyblyg, sy’n eich galluogi i newid eich gradd ar ddiwedd blwyddyn 1 os dymunwch (yn amodol ar fodloni unrhyw ofynion mynediad).

Bydd gennych 3-4 awr o ddosbarthiadau iaith bob wythnos ynghyd â dosbarthiadau yn y modiwlau eraill y byddwch wedi eu dewis. Mae’r hyfforddiant gan fwyaf mewn grwpiau bychain, ac nid oes llawer o ddarlithoedd ffurfiol.

Mae’r asesu’n cynnwys gwaith cwrs ac arholiadau ysgrifenedig a llafar. Byddwch hefyd yn cwblhau traethawd hir fel rhan o’ch gradd.

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modwilau Ffrangeg .

Mae cynnwys y cwrs wedi'i nodi i’ch arwain yn unig ac fe all newid.

Costau Gorfodol:

Modiwlau iaith - Ffrangeg

• Gwerslyfr blwyddyn gyntaf En Bonne Forme (gorfodol): £37.99
• Geiriadur dwyieithog mawr (gorfodol i bob myfyriwr): £26
• Cyfeirlyfr gramadeg Ffrangeg (ddim yn orfodol): £20
• Tablau berfau (ddim yn orfodol): £8.95
• Gwerslyfr i ddechreuwyr, The French Experience 1 (ddim yn orfodol): £10.99

Deunydd darllen ar gyfer modiwlau dewisol (pob iaith): bydd llyfryn yn cael ei ddarparu yn rhad ac am ddim ar gyfer rhan fwyaf o’r modiwlau. Pan nad yw hynny yn bosib, mae copïau o’r llyfrau yn y llyfrgell neu bydd dolen ar-lein ar gael (e.e. i adnodd ar-lein rhad ac am ddim Project Gutenberg). Os yn prynu llyfrau, dylai llyfrau unigol gostio dim mwy na £10 (£40 ar gyfartaledd os prynir pob llyf ar gyfer modiwl).

Costau Angenrheidiol: 

Blwyddyn Dramor:

Bydd angen i fyfyrwyr dalu am deithio i/o leoliadau blwyddyn dramor (fydd y gost yn amrywio yn ôl y lleoliad) ond bydd grant Erasmus+ ar gael fydd yn gyfraniad sylweddol tuag at gostau teithio a byw yn ystod y flwyddyn dramor.

Costau Dewisol:

Mae’r digwyddiad ar ôl y Seremoni Raddio yn am ddim i fyfyrwyr a dau westai. Bydd angen talu tua £10 am docyn i bob gwestai ychwanegol. 

Costau Cyffredinol yn y Brifysgol

Ffioedd Dysgu Myfyrwyr Cartref/UE (gan ddechrau yn 2019–20 a 2020–21)

• Llawn-amser: £9,000 y flwyddyn
• Rhan-amser: £750 am bob 10 credyd

Ffioedd Dysgu Myfyrwyr Rhyngwladol 

Wrth ddod i'r Brifysgol, bydd gennych ddwy brif gost, Ffioedd Dysgu a Chostau Byw.

Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau gwestai (£12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Mynediad yn 2021:

Mae cynnig nodweddiadol yn seiliedig ar isafswm o 96 o bwyntiau tariff o gymhwyster Lefel 3* e.e.:

• Lefel A (yn cynnwys gradd C mewn Ffrangeg)
• Diploma’r Fagloriaeth Ryngwladol (gan gynnwys H5 mewn Ffrangeg)
• Nid oes gofynion iaith ar gyfer y llwybr i ddechreuwyr)
• BTEC Cenedlaethol/Diploma Estynedig a Diploma Technegol Estynedig Caergrawnt: MMM**
• Diploma Technegol/Estynedig Uwch City & Guilds: ystyrir fesul achos**
• Mynediad: Llwyddo**
• Derbynnir Bagloriaeth Cymru.

Derbynnir cymwysterau gadael ysgol a diplomâu coleg rhyngwladol, yn amodol ar ofynion iaith Saesneg penodol. Ceir y manylion yma.

Rydym hefyd yn croesawu ceisiadau gan ymgeiswyr hŷn.

*I weld rhestr lawn o’r cymwysterau lefel 3 a dderbynnir, ewch i www.ucas.com 

**Gellir ei ystyried ar y cyd â gradd C mewn lefel A neu Fagloriaeth Ryngwladol Uwch mewn Almaeneg.

Gofynion Cyffredinol y Brifysgol

Yma ym Mangor rydym yn derbyn myfyrwyr â phob math o gymwysterau a chefndiroedd. Rydym yn ystyried pob cais yn unigol a hyd yn oed os nad ydych yn cael canlyniadau sy’n cyfateb i delerau eich cynnig gwreiddiol, gwnawn ein gorau i fod yn hyblyg i’ch cais.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth.Am fanylion pellach

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

I astudio cwrs gradd, diploma a thystysgrif mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i www.ucas.com

Rydym yn ystyried ceisiadau gan fyfyrwyr hŷn sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hŷn.

Mae gofynion mynediad mwy penodol i’w cael ar y tudalennau cwrs unigol.

Am fanylion pellach

E-bostiwch Derbyniadau Cyffredinol: admissions@bangor.ac.uk

Ffôn: 01248 383717 

Mae astudio Ieithoedd a Diwylliannau Modern yn agor y drws i amrywiaeth eang o yrfaoedd. Mae llawer o raddedigion Ieithoedd a Diwylliannau Modern ym Mangor, wrth gwrs, wedi mynd ymlaen i fod yn athrawon a chyfieithwyr, ond mae’r un nifer wedi cychwyn ar yrfaoedd llwyddiannus yn y gwasanaeth sifil, mewn busnes a masnach, mewn diwydiant ac yn y cyfryngau. Mae cyflogwyr o bob sector o’r economi yn rhoi gwerth uchel ar y sgiliau a ddysgwch wrth astudio ieithoedd - ymwybyddiaeth ddiwylliannol, cyfathrebu, cywirdeb, cynllunio a dadansoddi rhesymegol.

Cyfleoedd ym Mangor

Profiad Gwaith a Gwirfoddoli

Mae Canolfan Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio. Mae’n dod yn gynyddol bwysig yn y farchnad swyddi heddiw i ddatblygu eich sgiliau personol a gwella eich cyflogadwyedd tra byddwch yn y brifysgol.

Ymysg y profiadau a gynigir gan y Ganolfan Gyrfaoedd a Chyflogadwyedd i helpu eich datblygiad personol a’ch gyrfa, mae rhaglenni lleoliadau gwaith, cynlluniau blasu gwaith, swyddi rhan-amser a chynlluniau gwirfoddoli a mentora.

Gwobr Cyflogadwyedd Bangor

Mae Gwobr Cyflogadwyedd Bangor wedi ei gynllunio i wella rhagolygon gwaith ein myfyrwyr. Mae’n cynnig cyfleoedd rhad ac am ddim i ennill y sgiliau a’r profiadau eu hangen ar gyflogwyr, yn seiliedig ar yr ymchwil diweddaraf.Mae graddedigion y Wobr yn cael tystysgrif a thrawsgrifiad o’u gweithgareddau allgyrsiol o Brifysgol Bangor. Mae’r Wobr hefyd yn cynnig cyrsiau hyfforddi am ddim, yn helpu i’ch paratoi ar gyfer cyfweliadau, yn rhoi mynediad at feddalwedd gyrfaoedd ar-lein ac yn helpu i ddatblygu eich portffolio sgiliau o dystiolaeth ar gyfer cyflogwyr.

Rhaglen Interniaeth Prifysgol Bangor

Mae'r Brifysgol yn cynnal cynllun interniaeth sy’n cynnig y cyfle i ennill profiad gwaith â thâl ar lefel raddedig mewn Ysgolion academaidd ac adrannau gwasanaeth y Brifysgol.

Mae’r cynllun yn agored i fyfyrwyr israddedig ac mae’r gwaith interniaeth ac unrhyw hyfforddiant a dderbynnir yn cael ei gofnodi yn awtomatig ar eich cofnod o weithgareddau Gwobr Cyflogadwyedd Bangor.

TARGETconnect - Gweithio tra'n astudio

Mae'r Gwasanaeth Sgiliau a Chyflogadwyedd yn cynnig cefnogaeth i fyfyrwyr sy'n chwilio am waith yn ystod ac yn dilyn eu cyfnod yma.

Mae TARGETconnect yn hysbysebu'r cyfleoedd canlynol:

• Swyddi i Raddedigon – yn lleol, yn genedlaethol a rhyngwladol
• Swyddi llawn-amser, rhan-amser, parhaol a thros dro
• Profiad gwaith ac interniaethau
• Cyfleon Gwirfoddol

Cais Prifysgol Cyffredinol

UCAS yw’r Gwasanaeth Derbyniadau i Brifysgolion a Cholegau. Mae pob cais i’r brifysgol yn cael ei brosesu drwy UCAS ac yna’n cael ei drosglwyddo i’r prifysgolion a restrwyd.

Gall myfyrwyr wneud cais am hyd at bum cwrs. Ar gyfer Meddygaeth, Deintyddiaeth a chyrsiau Milfeddygol dim ond pedwar cwrs caiff myfyrwyr restru.

Mae’r ffurflen gais i’w chael ar wefan UCAS, o dan ‘Apply’.

Pryd i wneud cais?

Rydym yn eich cynghori i wneud cais cyn gynted ag y gellwch gan y byddwn yn dechrau ystyried ceisiadau a gwneud cynigion yn syth. Dyddiad cau cychwynnol UCAS yw 15 Ionawr, ond rydym yn croesawu ceisiadau ar ôl y dyddiad hwn. Bydd ceisiadau a dderbynnir rhwng 15 Ionawr a 30 Mehefin yn parhau i gael eu hanfon at brifysgolion gan UCAS i gael eu hystyried lle bod lleoedd dal ar gael.

Datganiad Personol

Y Datganiad Personol yw’r rhan o’r ffurflen gais sy’n gofyn am fwyaf o waith.

Cewch ddefnyddio dim ond 47 o linellau neu 500–550 o eiriau i egluro pam yr ydych am astudio’r cwrs, a’r sgiliau sydd gennych sy’n hanfodol ar gyfer astudio yn y brifysgol.

I ysgrifennu datganiad personol llwyddiannus mae’n rhaid i chi fod â dealltwriaeth dda am y cwrs a’i gynnwys. Cofiwch mai dim ond un datganiad personol rydych yn ei hysgrifennu ar gyfer eich pum dewis.

Gwnewch yn siwr bod y cyrsiau yn debyg, os nad yw yr un fath, a gwnewch yn siŵr nad ydych yn sôn am gwrs neu brifysgol penodol.

Darllenwch ein cyngor ar ysgrifennu datganiad personol llwyddianus neu gwyliwch ein fideos.

Ar ôl gwneud cais

Gallwch gadw llygaid ar eich cais drwy system UCAS ‘Track’. Bydd cynigion gan brifysgolion yn ymddangos ar Track a gallwch dderbyn neu wrthod cynnig.

Rhaid i chi fod wedi derbyn atebion gan bob prifysgol cyn y gallwch ymateb. Mae dau fath o ymateb – derbyn pendant (firm acceptance) a derbyn wrth gefn (insurance acceptance). Fel arfer mae myfyrwyr yn ymateb ar ddechrau mis Mai.

Ansicr am eich camau nesaf?

Ewch i'n gwefan Paratoi ar gyfer y Brifysgol am wybodaeth pellach ynglŷn a sut i wneud cais.