Rhaglen Arweinyddiaeth Ymchwil

Beth yw pwrpas y rhaglen?

Mae creu amgylchedd lle gall ymchwil ardderchog ffynnu yn un o brif amcanion Cynllun Strategol y brifysgol. Nod y rhaglen hon yw cefnogi ymchwil ym Mangor trwy wella medrau arweinwyr ymchwil a sicrhau eu bod yn meddu ar y sgiliau, y galluoedd a’r hyder i arwain a rheoli ymchwilwyr yn effeithiol.

Ar gyfer pwy mae’r rhaglen?

Mae’r rhaglen hon yn addas i reolwyr ymchwil a phrif ymchwilwyr sydd eisoes â chyfrifoldebau arwain yn ogystal ag ymchwilwyr sy’n dymuno symud ymlaen i swyddogaethau arwain yn y brifysgol.

Beth fydd yn y rhaglen?

Mae’r rhaglen yn cynnig amrywiaeth o weithdai, trafodaethau grŵp a hyfforddiant i alluogi cyfranogwyr i adfyfyrio ar eu dull eu hunain o arwain a nodi sut i wella eu sgiliau ymhellach fel arweinwyr ymchwil yn y brifysgol.

Mae elfennau allweddol y rhaglen yn cynnwys chwe gweithdy hanner diwrnod, pedwar grŵp trafod a hyfforddiant un i un. Caiff y grwpiau trafod a’r hyfforddiant un i un eu trefnu ar ôl y gweithdai.

Amlinelliad o’r Rhaglen

Arwain ymchwil ym Mhrifysgol Bangor

  • Cyfarfod rhagarweiniol yw hwn i sicrhau bod y cyfranogwyr yn deall pwrpas a chyd-destun cyffredinol y rhaglen.

Mae’r pynciau ym mhob gweithdy yn cynnwys:

Deall eich hun a phobl eraill

  • Archwilio gwahanol swyddogaethau a chyfrifoldebau arweinydd ymchwil.
  • Cydnabod pwysigrwydd gwerthoedd mewn arweinydd effeithiol.
  • Nodi cryfderau a heriau unigol.

Cyfathrebu effeithiol: yr allwedd i lwyddiant

  • Trafod sut i reoli a gwella cyfathrebu â staff a myfyrwyr.
  • Deall sut i reoli cyfathrebu pan fydd yn mynd o’i le.

Arwain timau ymchwil rhagorol

  • Nodi nodweddion arweinwyr a thimau ymchwil effeithiol.
  • Deall cymhelliant ac arddulliau gweithio.
  • Rheoli a gwella perfformiad unigolion a thimau.

Sut i ennill y grant

  • Deall yr amgylchedd ymchwil.
  • Archwilio strategaethau i ddenu sylw a chyllid at eich projectau yn awr ac yn y dyfodol.

Rheoli’r project

  • Dechrau ar eich project.
  • Datblygu a chwblhau eich project yn effeithiol.

Rheoli ac adeiladu gyrfa

  • Trafod strategaethau at ddatblygiad gyrfa hir-dymor
  • Cydnabod sut i ddatblygu gwytnwch er mwyn rheoli blaenoriaethau sy’n gwrthdaro.

Beth yw dyddiadau, amseroedd a lleoliadau’r gweithdai?

Arwain ymchwil ym Mhrifysgol Bangor Hydref 23, 12–1.30pm Cledwyn 3
Deall eich hun a phobl eraill Tachwedd 23, 1–5pm Cledwyn 3
Cyfathrebu effeithiol: yr allwedd i lwyddiant Tachwedd 28, 1–5pm Ystafell 230 Brigantia
Arwain timau ymchwil rhagorol Ionawr 14, 1–5pm Cledwyn 3
Sut i gael y grant Chwefror 5, 1–5pm Cledwyn 3
Rheoli’r project Chwefror 18, 1–5pm Cledwyn 3
Rheoli ac adeiladu gyrfa Mawrth 5, 12–3pm Cledwyn 3

Pwy fydd yn cyflwyno’r rhaglen??

Cyflwynir y rhaglen gan gyfuniad o hwyluswyr ac ymchwilwyr llwyddiannus sy’n cynnwys y canlynol:

  • Yr Athro Jo Rycroft-Malone, Dirprwy Is-ganghellor Ymchwil a Menter
  • Yr Athro Carol Tully, Dirprwy Is-ganghellor (Myfyrwyr)
  • Yr Athro David Thomas, Athro a Phennaeth Ysgol Gwyddorau’r Eigion
  • Yr Athro Stuart Jenkins, Athro Bioleg Môr
  • Yr Athro Julia Jones, Athro Gwyddor Cadwraeth
  • Yr Athro Raluca Radulescu, Athro Llenyddiaeth Ganoloesol
  • Yr Athro Kay Short, Athro Seicoleg
  • Yr Athro Guillaume Thierry, Athro Niwrowyddoniaeth Wybyddol
  • Dr Thora Tenbrink, Darllenydd mewn Ieithyddiaeth Wybyddol
  • Yr Athro Vian Bakir, Athro Newyddiaduraeth
  • Dr Garry Reid, Pennaeth y Swyddfa Ymchwil, Arloesi ac Effaith

Sut allwch wneud cais i gymryd rhan?

Os hoffech sicrhau lle ar y rhaglen plis ebostiwch hyfforddi@bangor.ac.uk

Sylwer y byddwn yn cynnal rhaglen arall yn ystod y flwyddyn academaidd 18/19, felly os nad oes lle i bawb sydd eisiau cymryd rhan yn y rhaglen hon, fe’ch rhoddir ar y rhestr aros ar gyfer y rhaglen nesaf.

Cynnwys ac amcanion y rhaglen

Arwain ymchwil ym Mhrifysgol Bangor

Caiff y rhaglen ei lansio gyda chyfarfod 90 munud gan yr Athro Jo Rycroft i alluogi cyfranogwyr i gwrdd â’i gilydd a sicrhau bod y cyfranogwyr yn ymwybodol o bwrpas a chynnwys cyffredinol y rhaglen.

Cynhelir y cyfarfod ddydd Mawrth, 23 Hydref, 12–1.30pm in Cledwyn 3.

Deall eich hun a phobl eraill

Nod y gweithdy hwn yw rhoi cyfle i arweinwyr ymchwil ystyried swyddogaeth a disgwyliadau’r arweinydd ymchwil a sut mae personoliaeth ac arddull arwain unigol yn effeithio ar eraill.
Amcanion
  • Deall gwahanol swyddogaethau a chyfrifoldebau arweinydd ymchwil.
  • Cysylltu swyddogaeth arweinydd â’i hagwedd at eu hunain fel ymchwilwyr.
  • Adnabod eu gwerthoedd fel arweinwyr ymchwil a’i effaith ar eu harddull arwain.
  • Nodi eu cryfderau a’u cyfyngiadau unigol trwy holiaduron hunanasesu ac adborth.
  • Adnabod effaith bosib ymddygiad ar eraill a sut mae hyn yn effeithio ar ein dylanwad ar bobl eraill.
  • Nodi ac adeiladu ar gryfderau unigol ac ystyried sut i fynd i’r afael â’r meysydd sydd angen eu datblygu.
Hyd y gweithdy Dydd Gwener, 23 Tachwedd, 1–5pm, Cledwyn 3
Bydd hyn yn cynnwys dwy awr i gwblhau’r holiadur MBTI a’r adborth un i un.

Cyfathrebu effeithiol: yr allwedd i lwyddiant

Mae cyfathrebu rhagorol yn allweddol i arweinyddiaeth effeithiol a bydd y gweithdy hwn yn edrych ar y sgiliau cyfathrebu effeithiol hynny a esgeulusir yn aml.
Amcanion
  • Archwilio ymyriadau a modelau i ddylanwadu ar eraill mewn modd mwy effeithiol
  • Datblygu eich hyder wrth ymdrin â sefyllfaoedd cyfathrebu anodd
  • Adfyfyrio ar eich gwerthoedd fel cyfathrebwr.
Cynnwys
  • Cynyddu eich ymwybyddiaeth o’ch sgiliau cyfathrebu eich hun
  • Trafod sut i reoli a gwella cyfathrebu â staff a myfyrwyr.
  • Deall sut i reoli cyfathrebu pan fydd yn mynd o’i le.
  • Rheoli perthynas grym anghyfartal yn effeithiol.
  • Deall grym adborth cadarnhaol.
Hyd y gweithdy Dydd Mercher, 28 Tachwedd, 1–5pm, Ystafell 230 Brigantia

Arwain timau ymchwil rhagorol

Nod y gweithdy hwn yw darparu amrywiaeth o ddulliau a sgiliau i ymchwilwyr i reoli a chymell eu timau ymchwil.
Amcanion
  • Dysgu sut i reoli amrywiol anghenion gwahanol aelodau’r tîm yng nghyd-destun gwahanol swyddogaethau fel rheolwr a mentor.
  • Trafod sut i gynyddu gallu a chapasiti tîm ymchwil.
  • Nodi sut i reoli perfformiad yn effeithiol.
  • Nodi’r sgiliau angenrheidiol i roi adborth effeithiol.
  • Deall sut i ddelio â sefyllfaoedd anodd trwy gyfathrebu ac adborth effeithiol.
Cynnwys
  • Prif nodweddion arweinwyr a thimau ymchwil effeithiol.
  • Arweinyddiaeth sy’n canolbwyntio ar weithredoedd – tasg, tîm, unigolion.
  • Cymhelliant ac arddulliau gweithio.
  • Rheoli a gwella perfformiad unigolion a thimau.
    • Rheoli perfformiad yn effeithiol ym Mangor.
    • Rhoi adborth effeithiol.
    • Rheoli gwrthdaro mewn timau.
Hyd y gweithdy Dydd Llun, Ionawr 14 1–5pm, Cledwyn 3

Sut i gael y grant

Bydd y gweithdy hwn yn anffurfiol ac yn caniatáu trafodaeth a rhannu arfer gorau yn y prif agweddau ar ennill grantiau.
Amcanion
  • Trafod yr amgylchedd ymchwil ym Mangor a’r DU ar hyn o bryd a’r agenda effaith i seilio eich strategaeth ennill grantiau arno
  • Adfyfyrio ar eich dull presennol o wneud cais am grantiau ac ystyried gwelliannau i’r dull hwnnw.
Cynnwys

Y cyd-destun ymchwil

  • Deall yr amgylchedd ymchwil.
  • Cyllid grant a chyllid ymchwil a chymorth yn y brifysgol.

Ennill y grant

  • Meddwl yn strategol am ennill grantiau.
  • Trafod strategaethau i ddenu sylw a chyllid at eich projectau yn awr ac yn y dyfodol.
  • Deall sut mae noddwyr yn asesu ceisiadau.
  • Ennill profiad o adolygu ceisiadau am gyllid.
Hyd y gweithdy Dydd Mawrth, Chwefror 5, 1–5pm, Cledwyn 3

Rheoli’r project

Bydd y gweithdy hwn yn ymdrin ag agweddau allweddol ar reoli projectau ymchwil a bydd yn cynnwys gwaith grŵp i drafod arwain projectau ymchwil mewn gwahanol feysydd pwnc.
Amcanion Nodi’r elfennau allweddol sy’n rhaid i chi fynd i’r afael â hwy ym mhob agwedd ar eich project ymchwil. Bydd hyn yn anffurfiol a chaiff y grŵp ei rannu yn ôl clystyrau pwnc priodol, e.e. gwyddoniaeth, celfyddydau a dyniaethau a gofal iechyd.
Cynnwys

Dechrau arni

  • Cael trefn – cefnogaeth a chynllunio cyn dyfarnu.
  • Cynllunio cyhoeddiadau

Datblygu’r project Bydd y pynciau’n cynnwys:

  • Cynllunio ac adrodd
  • Rheoli disgwyliadau’r budd-ddeiliaid
  • Cadw llygad ar ddatblygiad ac amcan y project
  • Beth all fynd o’i le a beth allwch ei wneud am hynny

Cwblhau’r project Bydd y pynciau’n cynnwys:

  • Gwneud y mwyaf posib o gyhoeddiadau
  • Delio â heriau i awduraeth
  • Cael yr effaith mwyaf posib
  • Masnacheiddio
  • Gwersi a ddysgwyd
Hyd y gweithdy

Dydd Llun, Chwefror 18, 1–5pm, Cledwyn 3

Rheoli ac adeiladu gyrfa

Pwyslais y gweithdy hwn yw trafod datblygiad hirdymor gyrfaoedd ymchwil unigol a gyrfaoedd ymchwil timau a thrafod sut i sicrhau llwyddiant gyrfaol unigol.
Amcanion
  • Ystyried sut i ddatblygu strategaethau ymchwil hirdymor unigol a chydbwyso amcanion unigol er mwyn cefnogi datblygiad gyrfa’r tîm ymchwil.
  • Nodi sut i ddatblygu gwytnwch er mwyn rheoli blaenoriaethau sy’n gwrthdaro a llwyth gwaith trwm.
Cynnwys
  • Rheoli gyrfa a datblygiad – beth fydd eich llwybr?
    • Datblygu cynllun gweithredu i ddatblygu gyrfa.
    • Datblygu eich proffil.
    • Rhwydweithio a chydweithredu.
  • Cefnogi llwybrau gyrfaol pobl eraill.
  • Rheoli llwyth gwaith a delio â gofynion ymchwil, dysgu a gweinyddu sy’n gwrthdaro
Hyd y gweithdy Dydd Mawrth, Mawrth 5, 12–3pm, Cledwyn 3

Grwpiau trafod a hyfforddiant

Ar ôl cwblhau’r gweithdai, caiff y cyfranogwyr eu rhannu yn grwpiau llai i gymryd rhan mewn tri grŵp trafod i rannu a thrafod problemau ymarferol yng ngoleuni’r hyn a ddysgwyd ar y rhaglen. Ar ôl cwblhau’r rhaglen, caiff y cyfranogwyr hefyd gyfle i gael hyfforddiant un i un i gefnogi eu datblygiad parhaus.