Cymerwch Ran

Cymdeithas LHDT+ Undod Bangor

Mae gan y brifysgol gymdeithas LHDT+ weithgar sy'n cynnal gweithgareddau megis 'Salad Ffrwythau' noson glwb boblogaidd a LHDTe, ein prynhawniau te a choffi. Mae croeso i bawb ymuno, ni waeth beth yw eich cyfeiriadedd rhywiol na sut rydych yn mynegi eich rhywedd a'u nod yw darparu amgylchedd diogel a chroesawgar i aelodau'r gymuned LHDT+. Mae'r gymdeithas hefyd yn cynnal ymgyrchoedd ac yn cydweithio â chymdeithasau eraill ac adrannau'r brifysgol i ddarparu a datblygu gwasanaethau. Cadwch lygad allan am ddigwyddiadau a'r ymgyrchoedd a dysgu mwy ar wefan Undeb Bangor.

Gwylio Stori Rebecca, ffilm fer am ei phrofiad yn dod allan i'w ffrindiau a’i theulu ac yna'n dod i Brifysgol Bangor ac yn ymuno â'r gymdeithas LHDTC+.

Cyngor Undeb Bangor - Cynghorwr Myfyrwyr LHDT+ a Chynghorwr Myfyrwyr Trawsryweddol

Cyngor Undeb Bangor yw'r corff o fewn Undeb y Myfyrwyr sy'n bodoli i drafod syniadau'n ymwneud â'i bolisïau, ymgyrchoedd a gweithgaredd gwleidyddol, syniadau'n ymwneud â'i gyfleoedd neu i ddatblygu profiad myfyrwyr ym Mangor.  Mae'n fforwm hefyd lle gall myfyrwyr Bangor ddal eu swyddogion undeb etholedig a'u cynghorwyr i gyfrif. 

Mae'r Cyngor yn cynnwys aelodau o blith y myfyrwyr sy'n cyflawni nifer o swyddogaethau arbenigol, yn cynnwys Cynghorwr Myfyrwyr LHDT+ a Chynghorwr Myfyrwyr Trawsryweddol.  Os oes gennych ddiddordeb dod yn Gynghorwr yn Undeb Bangor, yna mae rhagor o wybodaeth yn Llawlyfr CUB hwn.