Mynediad at eich gyriannau M: a U:

Mynd i mewn i’r Gyriant M ar gyfrifiadur Windows

  • De-gliciwch eicon Windows ar eich Bar Tasgau (yn y gwaelod ar y chwith), cliciwch ar File Explorer - dylech allu gweld dolen i M:
  • Bydd y cyswllt â’r pennawd ‘enw defnyddiwr ar weinydd (M)’
  • Gellwch weld eich gyriant M trwy glicio ddwywaith ar yr eicon hwn.

Mynd i mewn i’r Gyriant U ar gyfrifiadur Windows

  • Cliciwch ar File Explorer - dylech allu gweld dolen i U:
  • Bydd y cyswllt â’r pennawd 'This PC > University Drive (U:)'
  • Gellwch weld eich gyriant U trwy glicio ddwywaith ar yr eicon hwn.

Mynd i mewn i’r Gyriant M ar gyfrifiadur Mac

Bydd rhaid i chi gysylltu trwy rwydwaith samba, gan ddefnyddio Finder i gysylltu â’ch gyriant M ar gyfrifiadur Mac.  I gael gwybod pa lwybr i gysylltu ag ef, anfonwch neges at y ddesg gymorth TG – helpdesk@bangor.ac.uk.  Ar ôl i chi gael enw'r llwybr:

  • Cliciwch ar Go -> Connect to Server
  • Teipiwch enw’r llwybr a roddodd y ddesg gymorth i chi fel cyfeiriad y gweinydd gydag smb:// o’i flaen
  • Cliciwch ar ‘+’ i’w ychwanegu fel hoff weinydd.
  • Cliciwch Connect
  • Bydd bocs deialog newydd yn agor a bydd rhaid i chi deipio eich cyfrinair.  Ar ôl i chi deipio eich cyfrinair bydd eich gyriant M yn ymddangos fel eicon ar eich bwrdd gwaith.
  • Cliciwch ddwywaith i agor eich gyriant M.

Er hwylustod, gallwch greu llwybr brys at eich gyriant M er mwyn iddo ymddangos ar eich bwrdd gwaith bob tro y byddwch yn mewngofnodi. 

  • Amlygwch yr eicon
  • Dewiswch ‘make Alias’ o’r ddewislen ‘File’
  • Bob tro y byddwch yn clicio ar yr eicon, gofynnir i chi am eich cyfrinair, 
    ni chewch eich cynghori i storio eich cyfrinair.

Mynediad at eich Gyriant U ar gyfrifiadur Mac

Dilynwch y cyfarwyddiadau ar gyfer mynediad at eich Gyriant M: ond ychwanegwch y llwybr isod ar gyfer yr ail bwynt:

smb://ad/university