Cysylltu â'ch ffeiliau a’ch meddalwedd gan ddefnyddio DesktopAnywhere
Beth sydd ei angen arnaf i allu defnyddio DesktopAnywhere?
Bydd DesktopAnywhere yn gweithio ar y rhan fwyaf o ddyfeisiau sy'n defnyddio fersiynau cyfredol o Windows(7, 8, 8.1, 10), Linux, Mac OSX, Android ac iOS.
- Bydd angen gosod Java ar gyfrifiaduron sy'n rhedeg Windows
Cliciwch yma i lawrlwytho Java - Bydd angen ffurfweddu Java ac X11 ar gyfrifiaduron OSX. Neu'r fersiwn HTML5 o'r gwasanaeth hwn (fel y caiff ei ddefnyddio ar dabledi).
- Mae'r gwasanaeth DesktopAnywhere bellach yn gweithio'n ddidrafferth ar declynnau iPad Apple a thabledi Android
- Os ydych yn defnyddio Chrome / Edge bydd yn rhaid i chi lawrlwytho a rhedeg y ffeil jnlp pan ofynnir i chi.
- I gael manylion llawn am gleientiaid a gefnogir gweler y dogfennau Oracle.
Yn dibynnu ar eich statws (staff/ myfyrwyr) yn y brifysgol a'ch adran bydd yr union restr o feddalwedd sydd ar gael yn wahanol. Ond bydd gan bawb fynediad at Fwrdd Gwaith Rheoledig Staff neu Fyfyrwyr a fydd yn eich galluogi i fynd at yr holl feddalwedd safonol a osodwyd ar gyfrifiaduron rheoledig ar y campws yn ogystal â'r gyriannau M ac U. Mae hyn yn osgoi’r broblem o gael fersiynau gwahanol o ddogfennau adref ac yn y gwaith, a hefyd y perygl o gadw dogfennau gwaith sensitif ar eich cyfrifiadur adref.
Cysylltu â DesktopAnywhere gan ddefnyddio HTML5 - mae sesiynau'n ymddangos o fewn ffenestr y porwr - ar gyfer Firefox, Chrome, IE a Safari.