Ein Casgliadau

Rydym yn darparu mynediad hawdd i gasgliad helaeth o lyfrau, cylchgronau a chronfeydd data ar-lein, gan gynnwys ein casgliadau treftadol unigryw. Mae gan y Llyfrgell gasgliad mawr o e-adnoddau er mwyn sicrhau bod gennych fynediad at yr adnoddau ar y campws ac oddi arno.

Chwiliad Llyfrgell yw'r offeryn sydd ei angen arnoch i chwilio drwy'r adnoddau a'r casgliadau.  Gallwch chwilio am y canlynol:

• Llyfrau ac e-lyfrau
• Cyfnodolion ac e-gyfnodolion
• Cronfeydd data
• Deunyddiau clyweledol
• Sgoriau cerddorol
• Papurau arholiad
• Traethodau ac e-draethodau
• Papurau newydd
• Casgliadau Arbennig

I chwilio am lawysgrifau Archifol, defnyddiwch gatalog ar-lein yr Archifau.

Gyda Chwiliad y Llyfrgell mae modd:

• Gweld a yw eitemau'r casgliad ar gael a ble maen nhw
• Cael mynediad at e-adnoddau
• Adalw eitemau sydd eisoes ar fenthyg
• Cael mynediad at eich Rhestrau Darllen ar lein

Mi allwch chi fewngofnodi i'ch Cyfrif Llyfrgell o Chwiliad y Llyfrgell a:

• Gweld yr eitemau rydych chi wedi'u benthyca a'r dyddiadau dychwelyd
• Adnewyddu'r eitemau sydd ar fenthyciad
• Cadw golwg ar y deunyddiau rydych chi wedi eu hadalw

Angen help? 

Gweler y Cwestiynau Cyffredin ar y dudalen we am ragor o fanylion ynglŷn â sut mae chwilio ein casgliadau

Methu dod o hyd i'r adnodd sydd ei angen arnoch chi?  

Gall y Tîm Cefnogaeth Academaidd eich helpu chi gael mynediad at yr adnoddau sydd eu hangen arnoch, hyd yn oed os nad ydynt yn ein casgliadau.  Os hoffech gael rhagor o wybodaeth am unrhyw un o'r adnoddau sydd gennym, neu sut i chwilio ein casgliadau, cysylltwch â Tîm Cefnogaeth Academaidd.

Cliciwch yma am wybodaeth.

Mae'r Rhestrau Darllen yn rhoi mynediad i chi at yr holl ddeunyddiau y bydd angen i chi eu hastudio.  Mae'r rhestrau'n offer defnyddiol sy'n cynnwys manylion eich holl destunau craidd, y deunyddiau darllen a argymhellir a chysylltiadau ag e-lyfrau, erthyglau o gylchgronau a phenodau o lyfrau.  Cewch fynediad at eich rhestr ddarllen trwy Blackboard neu drwy Chwiliad y Llyfrgell.  

Gall staff Prifysgol Bangor ddarganfod sut i greu rhestr ddarllen drwy dudalennau Cymorth Rhestrau Darllen. 

Gellir gwneud cais am eitemau nad ydynt gan y llyfrgell gan ddefnyddio'r Gwasanaeth Benthyciadau rhwng Llyfrgelloedd. Cliciwch yma am wybodaeth.

Er mwyn ymdopi â'r galw trwm am lyfrau neilltuol boblogaidd, mae Casgliad Benthyciadau Byr ar gael yn holl ganghennau llyfrgell y Brifysgol.   

Mae’r casgliad benthyciad byr yn cynnwys llyfrau a chylchgronau sydd wedi eu gosod fel deunydd darllen hanfodol gan staff ar gyfer eu modiwlau.  Gan fod galw mawr am yr eitemau hyn mae'r cyfnod y gellir eu benthyg yn fyrrach na chydag eitemau cyffredin.   

Rhestrir yr holl eitemau benthyciad byr ar gatalog y llyfrgell fel rhai sydd â “Benthyciad Byr 1 Diwrnod neu 3 Diwrnod” a gellir dod o hyd iddynt ar y silffoedd llyfrgell arferol ym mhob cangen o'r llyfrgell heblaw Deiniol, lle cânt eu cadw yn yr ystafell Benthyciadau Byr . Gofynnwch am gymorth os na ellwch ddod o hyd i'r rhain.  

Sylwch: Nid yw eitemau Benthyciadau Byr yn cael eu hadnewyddu'n awtomatig a chodir dirwyon trwm am eu dychwelyd yn hwyr.

Rhoi Llyfr yn y Casgliad Benthyciadau Byr

Canllawiau i Staff Academaidd

Gall staff dysgu drosglwyddo i'r casgliad Benthyciad Byr unrhyw deitlau ar restrau darllen sy'n ddeunydd darllen hanfodol ar gyfer traethodau ac aseiniadau a rhai sy'n destunau craidd modiwl.   Gellir gwneud ceisiadau trwy lenwi'r ffurflen Cais am Fenthyciad Byr ar-lein

Mae'r llyfrgell hefyd yn cynnig gwasanaeth digideiddio a fydd yn digideiddio penodau o lyfrau ac erthyglau cyfnodolion ar gais aelodau staff academaidd.   Byddwn yn cysylltu â'r CLA (Copyright Licensing Agency) am ganiatâd, ac yna digideiddio'r penodau/erthyglau priodol a'u darparu i fyfyrwyr drwy Gatalog y Llyfrgell.   I gael rhagor o wybodaeth, ewch i'r tudalennau cymorth Rhestr Ddarllen.

Gweler y wybodaeth isod ynglŷn â benthyca gan lyfrgelloedd eraill:

LINC y Gogledd – Cyhoeddus, Colegau Addysg Bellach a Llyfrgelloedd y Brifysgol mewn partneriaeth ar draws Gogledd Cymru.

Cynllun Mynediad SCONUL - Menter gydweithredol rhwng llyfrgelloedd addysg uwch ar draws y DU

Prifysgol Aberystwyth - Cynllun benthyca ar gyfer staff a myfyrwyr.

Llyfrgelloedd Cenedlaethol - Sut i gofrestru  

Methu cael hyd i’r adnodd sydd rydych ei angen?

Gall y Tîm Cefnogaeth Academaidd eich helpu i gael mynediad at yr adnoddau rydych eu hangen, hyd yn oed os nad ydynt ar gael yn ein casgliadau.  Os hoffech ragor o wybodaeth am unrhyw un o'r adnoddau sydd gennym, neu ar sut i chwilio'r casgliadau, cysylltwch â'r Tîm Cefnogaeth Academaidd.  

Benthyciadau rhwng Llyfrgelloedd

Cliciwch yma an wybodaeth.

Cliciwch yma am wybodaeth.

Cysylltwch â Llyfrgellydd Cefnogaeth Academaidd eich Ysgol gydag unrhyw ymholiadau ynglŷn ag archebu adnoddau newydd i'w hychwanegu i stoc y Llyfrgell:

Cliciwch yma am Cysylltiadau Allweddol.

Gofynnir i staff academaidd beidio â phrynu deunydd yn uniongyrchol.  Mae’r Llyfrgell fel rheol yn cael gostyngiadau gan gyflenwyr rheolaidd, felly dim ond mewn amgylchiadau eithriadol y gellir ystyried rhoi ad-daliadau.

Cliciwch yma am wybodaeth.

Cliciwch yma am wybodaeth.