Cynaliadwyedd

Cefnogi mentrau sy'n cael eu harwain gan y brifysgol

Mae’r llyfrgell yn cefnogi agenda cynaliadwyedd y brifysgol a'i pholisïau amgylcheddol.
Dyma rai o’r ffyrdd yr ydym yn gwneud hynny:

  • Ailgylchu: Mae cyfleusterau ailgylchu ar gael ymhob un o'n llyfrgelloedd ac rydym wedi cael gwared ar finiau sbwriel yn swyddfeydd y staff i'w hannog i ailgylchu
  • Ym mhob llyfrgell mae synwyryddion symudiad ar gyfer y goleuadau a chaiff clystyrau cyfrifiaduron eu diffodd yn awtomatig
  • Darperir peiriannau dŵr ond mae disgwyl i'n defnyddwyr ddod â chwpan neu botel gyda nhw
  • Argraffu mewn du a gwyn ar ddwy ochr y papur yw'r gosodiad diofyn
  • Rydym yn argraffu cyn lleied â phosibl o gopïau papur o ganllawiau'r llyfrgell a phan fo'n bosibl caiff deunydd ysgrifenedig ei ysgrifennu mewn modd sy'n addas i'w ddefnyddio ymhell i'r dyfodol
  • Caiff papur sgrap wedi ei ailgylchu ei adael wrth ymyl pob argraffydd SHARP
  • Pryd bynnag y bydd yn bosibl caiff dodrefn eu hailddefnyddio a rhoddir ystyriaeth i ddodrefn modiwlaidd wrth brynu dodrefn newydd er mwyn creu opsiynau cyflunio gwahanol

  • SensusAccess - Dyma ddull hunan-wasanaeth a fydd yn galluogi myfyrwyr a staff Prifysgol Bangor i drosi dogfennau'n awtomatig i fformat arall, gan gynnwys trosi deunyddiau yn lyfrau-llafar (MP3 a DAISY), e-lyfrau (EPUB, EPUB3 a Mobi) a Braille digidol. Gellir defnyddio'r gwasanaeth hefyd i drosi dogfennau anhygyrch megis ffeiliau PDF delwedd yn unig, lluniau PJG a chyflwyniadau PowerPoint Microsoft i ffurfiau mwy hygyrch a llai trafferthus.

Gall defnyddwyr y llyfrgell leihau eu heffaith ar yr amgylchedd drwy wneud y canlynol:

  • Defnyddio'r biniau ailgylchu a lleihau nifer yr eitemau sy'n cael eu rhoi yn y biniau tirlenwi
  • Dewis y grisiau yn hytrach na'r lifft i arbed ynni
  • Defnyddio potel ddŵr y gellir ei defnyddio drosodd a throsodd wrth gael dŵr o'r peiriant
  • Meddwl cyn argraffu! Argraffu ar ddwy ochr y papur
  • Gadewch bapurau ag un ochr wag nag oes arnoch eu hangen mwyach i bobl eraill eu defnyddio fel papur sgrap
  • Dewch â'ch stampiau aton ni er mwyn i ni gael eu rhoi at elusen
  • Darllenwch ein polisi am Gyfraniadau ac Rhoddion.

Darpariaethau llyfrgell ychwanegol

  • Os oes gennych Gynllun Cefnogi Dysgu Personol bydd gennych fynediad i'r ystafelloedd technoleg gynorthwyol
  • Mae'r llyfrgell yn darparu ystafelloedd lle gallwch gwrdd yn breifat â mentoriaid
  • Os oes gennych Gynllun Cefnogi Dysgu Personol rydym yn darparu gwasanaeth casglu llyfrau
  • Cynhelir sesiynau rheolaidd wedi ei ddarparu gan Undeb y Myfyrwyr, Go Wales a'r Uned Gyrfaoedd
  • Rydym yn darparu gwybodaeth ynglŷn â lles ac ymwybyddiaeth ofalgar
chat loading...