Myfyrwyr newydd sy'n bwriadu cychwyn yn 2017/18

Costau Ffioedd Dysgu

Mi fydd ffioedd dysgu 2017/18 ym Mhrifysgol Bangor hyd at £9,000  i fyfyrwyr israddedig llawn amser o’r Deyrnas Unedig a’r Undeb Ewropeaidd.

Os ydych yn byw yng Nghymru cyn cychwyn ei cwrs neu o'r UE  gan gynnwys Gweriniaeth Iwerddon gallech fod yn gymwys ar gyfer:

• benthyciad ffioedd dysgu nad yw’n amodol i brawf modd - hyd at £3,900.   Bydd y myfyriwr yn ad-dalu’r benthyciadau hyn unwaith y bydd wedi gadael prifysgol ac yn ennill dros £21,000 y flwyddyn.

• grant ffioedd dysgu nad yw’n amodol ar brawf modd i dalu’r gwahaniaeth rhwng uchafswm  benthyciad ffioedd dysgu a‘r ffioedd dysgu godir gan y Brifysgol - hyd at £5,100.

Nid yw'r Benthyicad Myfyriwr ar gyfer Ffioedd yn ddibynnol ar icwm y teulu.  Fodd bynnag, dylai myfyrwyr sydd wedi astudio ar lefel Addysg Uwch yn y gorfennol gysylltu â Cyllid Myfyrwyr Cymru i wirio eu hawl.

Am ragor o wybodaeth am sut y gallwch dalu eich ffioedd dysgu, os byddwch yn dewis gwneud hynny, a ffioedd eraill y brifysgol fel ffioedd llety ewch i dudalennau'r Swyddfa Gyllid.

 

Cyrsiau HND

Mi fydd ffioedd dysgu cyrsiau HND y Brifysgol (cynhelir yng Ngholeg Menai) yn £7,300 y flwyddyn.  Bydd myfyrwyr o Gymru a'r UE sy'n dewis astudio eu cwrs cyntaf llawn amser HND yn gymwys ar gyfer:

• benthyciad ffioedd dysgu nad yw’n amodol i brawf modd - hyd at £3,900.  Bydd y myfyriwr yn ad-dalu’r benthyciadau hyn unwaith y bydd wedi gadael prifysgol ac yn ennill dros £21,000 y flwyddyn.

• grant ffioedd dysgu gan Lywodraeth Cymru i dalu’r gwahaniaeth rhwng uchafswm y benthyciad ffioedd dysgu ar ffioedd dysgu godir gan y Brifysgol- hyd at £3,400.

Cyllido eich Costau Byw

Grant Dysgu Llywodraeth Cymru

Gall myfyrwyr sy'n byw yng Nghymru cyn cychwyn ei cwrs wneud cais am Grant Dysgu Llywodraeth Cymru bob blwyddyn academaidd.   Mi fydd faint fyddwch chi'n ei gael yn dibynnu ar incwm trethadwy eich cartref.  Nid oes rhaid talu y grant yma yn nol.

I fod yn gymwys am yr uchafswm o £5,161 mae’n rhaid i incwm trethadwy eich cartref fod yn is nag £18,370 y flwyddyn.  Bydd fyfyrwyr gydag incwm trethadwy  teulu rhwng £18,371 a £50,020 yn derbyn grant rhannol. Ni fydd unrhyw fyfyrwyr gydag incwm trethadwy teulu sy’n uwch na £50,021 yn cael grant.

Grant Cymorth Arbennig

Mae Grant Cymorth Arbennig wedi ei gyflwyno ar gyfer myfyrwyr a all fod yn gymwys i dderbyn budd-daliadau phrawf modd megis Cymhorthdal Incwm a Budd-dal Tai. Yn fras, bydd hyn yn cynnwys rhieni sengl, cyplau gyda phlant ble mae’r ddau yn fyfyrwyr llawn amser a rhai myfyrwyr anabl. Mae uchafswm y cymorth yr un faint â’r Grant Dysgu Llywodraeth Cymru. Mae’r grant yma yn cael ei dalu yn lle Grant Dysgu Llywodraeth Cymru nid yn ychwanegol iddo.  Ni fydd swm y Grant Cymorth Arbennig a gewch chi yn effeithio ar gyfanswm y Benthyciad Cynhaliaeth y gallech ei gael.

Os ydych yn rhiant sengl, yn gwpl gyda phlant dibynnol neu os oes gennych anableddau gwnewch yn siwr eich bod yn gwneud cais am y Grant Cymorth Arbennig ac nid Grant Dysgu Llywodraeth Cymru. Cysylltwch â’r Cynghorwr Myfyrwyr ar 01248 38 3637 i gael mwy o wybodaeth am bwy sy’n gymwys am y Grant Cymorth Arbennig.

Benthyciad Cynhaliaeth

Mae Benthyciad Cynhaliaeth ar gael bob blwyddyn academaidd i fyfyrwyr sydd dan 60 oed ar ddechrau eu cwrs ac yn astudio ei gwrs israddedig cyntaf.

Dyma uchafswn Benthyciad Cynnal i fyfyrwyr newydd sy'n dechrau blwyddyn academaidd yn 2017/18:

Eich trefniadau byw yn ystod amser y tymor                                                                 Uwchafswn y Benthyciad

                                                                                                                                                         Cynnal ar gael

Byw yn y cartref rhieniol                                                                                                               £4786

Byw oddi cartref ac yn astudio mewn prifsygol neu goleg tu allan i Lundain              £6,183

Ad dalu'r Benthyciadau

Bydd myfyriwr yn ad-dalu’r benthyciadau Cynhaliaeth a neu Ffioedd Dysgu unwaith y byddant wedi gadael y brifysgol ac yn ennill dros £21,000 y flwyddyn.

Am fwy o wybodaeth ewch i'r safle we yma:

www.cyllidmyfyrwyrcymru.co.uk

 

Pryd a Sut i wneud Cais

Mae bosib gwneud cais am Fenthyciad Ffioedd Dysgu, Cynhaliaeth a’r  Grant Dysgu Llywodraeth Cymru trwy gwblhau un ffurflen cais - PN1.  Mae’r ffurflenni yma ar gael i lawr lwytho oddi ar wefan Cyllid Myfyrwyr Cymru.  Neu gallwch wneud cais ar y we eto gan ddefnyddio gwefan Cyllid Myfyrwyr Cymru.

  • Myfyrwyr Cymru:  www.cyllidmyfyrwyrcymru.co.uk

Gwnewch gais cyn gynted ag y bod modd a pheidiwch â disgwyl tan fyddwch wedi cael cadarnhad o le pendant mewn Prifysgol.

Dyddiad Cau 13 Fai 2017

Sut y byddwch yn derbyn eich cyllid Myfyrywr?

Mae'r grantiau a benthyciad cynhaliaeth yn cael eu talu i mewn i'ch cyfrif banc mewn tri rhandaliad.  Y taliad cyntaf ar ôl cofrestru yn y Brifysgol, yr ail ran daliad ddechrau mis Ionawr ar ran daliad olaf ar ôl Pasg.

Astudiaethau Addysgu Uwch blaenorol

Ceisiwch gyngor cyn gynted ag y bob modd os ydych wedi astudio cwrs addysg uwch o’r blaen, yn enwedig os oes gennych eisoes radd anrhydedd. Mae’n bosib nad fyddwch yn gymwys am grantiau a benthyciadau.

Cysylltwch â Cyllid Myfyrwyr Cymru neu Gynghorwr Myfyrwyr yma ym Mangor  01248 383637 am fwy o wybodaeth.

Myfyrwyr gyda phlant neu oedolion dibynnol

Grant Gofal Plant

Gall myfyrwyr llawn amser sydd â phlant dibynnol mewn gofal plant cofrestredig a chymeradwy wneud cais am Grant Gofal Plant. Chewch chi ddim mo’r grant hwn os ydych chi neu eich priod neu bartner yn derbyn elfen gofal plant y Credyd Treth Gwaith oddi wrth Gyllid a Thollau EM. Os ydych yn gymwys am y ddau, yna fe allwch ddewis pa un i gymryd. Gallwch wneud cais am y cymorth hwn cyn neu yn ystod eich cwrs. Fe allwch chi dderbyn Grant Gofal Plant yn ystod y tymor ac yn ystod y gwyliau. Ni fydd y Ganolfan Byd Gwaith nac adrannau Budd-dal Tai yn cyfrif y Grant Gofal Plant wrth gyfrifo eich hawl i gael budd-daliadau.

Mae faint o gymorth cewch chi yn dibynnu ar eich amgylchiadau. Mae'n bosibl derbyn 85% o'r gwir gostau hyd at uchafswm o:

  • Ar gyfer un plentyn - Hyd at £161.50 yr wythnos

  • Ar gyfer dau neu fwy o blant - Hyd at £274.55 yr wythnos

Lle nad yw darparwr gofal plant wedi cael ei nodi, bydd y Grant Gofal Plant yn gostwng i uchafswm grant o £115 yr wythnos, nes i Gyllid Myfyrwyr Cymru dderbyn manylion y gofalwr plant.

Bydd y Cwmni Benthyciad Myfyrwyr fel arfer yn ei dalu mewn tri rhandaliad, un ar ddechrau pob tymor, gyda’ch benthyciad a grantiau eraill. Bydd Cyllid Myfyrwyr Cymru yn yn gofyn am gadarnhad o’ch costau gofal plant unwaith bob tymor.  Os na fyddant yn cael y cadarnhad yma gennych, ni fyddwch yn cael eich rhandaliad nesaf.

 

Lwfans Dysgu i Rieni

Mae’r Lwfans Rhieni sy'n Dysgu (PLA) yn gymorth ychwanegol sy'n bwriadu talu rhai o'r costau ychwanegol a achosir gan fyfyrwyr sydd â phlant. Ni fydd y Ganolfan Byd Gwaith nac adrannau Budd-dal Tai yn cyfrif y grant hwn wrth gyfrifo eich hawl i gael budd-daliadau.

Mae swm y PLA sydd ar gael i chi yn dibynnu ar eich incwm, incwm eich partner, plant ac unrhyw ddibynyddion eraill.  Mae'r lwfans yma fel arfer yn cael ei dalu mewn tri rhandaliad.

 

Grant Oedolion Dibynnol

Gallwch ond wneud cais am y grant yma ar gyfer un dibynnydd oedolyn. Os oes gennych mwy nag un oedolyn sy'n ddibynnol arnoch gallwch ond dderbyn Grant Oedolyn Dibynnol arnoch unwaith.

Mae swm y Grant Oedolyn Dibynnol arnoch yn dibynnu ar eich incwm, incwm eich partner neu unrhyw ddibynyddion eraill.  Ni all incwm yr oedolyn sy'n ddibynnol arnoch fod fwy na £3,923.  Mae'r lwfans yma fel arfer yn ei dalu mewn tri rhandaliad.