Cyllid Myfyrwyr

Cyngor ariannol i fyfyrwyr israddedig

Tra byddwch yn y brifysgol fe fydd gennych ddwy brif gost:

• Eich ffioedd dysgu
• Eich costau byw

Mae cymorth ar gael at y ddwy gost. Mae gweinyddiaeth Cymorth Myfyrwyr wedi ei datganoli yn y DU, felly mae’r cymorth sydd ar gael yn amrywio yn ôl yr ardal yn y DU rydych yn byw ynddi a pryd ddechreuodd eich cwrs.

Am ragor o wybodaeth ynglyn ar gyllid sydd ar gael i myyfrwyr, ewch i’r dudalen am Myfyrwyr newydd sy’n bwriadu cychwyn yn 2020/21

Budd-daliadau Lles

Os ydych yn hawlio budd-daliadau cyn cychwyn yn y Brifysgol, gallai’r ffaith eich bod yn fyfyriwr effeithio arnynt. Mae’n hynod bwysig felly eich bod yn gofyn am gyngor cyn cychwyn yn y Brifysgol.

Am gyngor cysylltwch â’r swyddfa sy’n talu eich budd-daliadau, neu â’r Uned Cymorth Ariannol (yng Ngwasanaethau Myfyrwyr).

Myfyrwyr Rhan-amser 

Efallai y bydd gennych hawl i gael cymorth ariannol os ydych yn dilyn cwrs sy’n para am o leiaf un flwyddyn academaidd ac sy’n cyfateb i 50% neu fwy o gwrs llawn-amser.

Bydd eich hawl yn dibynnu ar eich cartref trethadwy. Bydd faint y byddwch yn ei gael yn dibynnu ar eich incwm.

Am rhagor o wybodaeth am gyllid ewch i’r dudalen we yma.

Uned Cymorth Ariannol 

Dylai eich amser yn y Brifysgol fod yn bleserus ac yn werth chweil, ac mae Prifysgol Bangor yn anelu i roi ichi wybodaeth a chefnogaeth a fydd yn eich galluogi i fanteisio i'r eithaf ar eich profiad yn y Brifysgol. Mae’n arbennig o bwysig nad yw pryderon ariannol diangen yn amharu ar eich amser yma.

Mae'r Uned Cymorth Ariannol yn rhan o dîm Cefnogi Myfyrwyr a gall ein saff profiadol ddarparu cyngor, gwybodaeth ac arweiniad ar bob agwedd o gyllid myfyrwyr gan gynnwys:

• Cyllid israddedig ar gyfer cyrsiau llawn amser a rhan amser
• Cyllid ôl-raddedig
• Bwrsariaethau ac Ysgoloriaethau Prifysgol
• Cronfa Caledi a Grantiau Argyfwng
• Cyllidebu

Ffôn: 01248 383566/383637 
E-bost neu, cliciwch yma i ymweld â gwefan yr Uned Cymorth Ariannol.