English
Archwiliwch Eich Opsiynau
Mae archwilio’ch opsiynau’n cynnwys:
- Hunanasesiad – eich deall chi’ch hun, eich diddordebau a’ch cymhellion
- Ymchwil gyrfa – deall beth allwch chi ei wneud gyda’ch gradd a’r hyn sydd ar gael allan yn y byd
- Cynllunio gyrfa – mae ffocws a strategaeth yn ysgogiad, ac yn eich galluogi i fod yn effeithlon ac yn effeithiol
Mae ein gweithdy cynllunio gyrfa ar-lein yn eich tywys trwy’r tri maes, gan roi awgrymiadau ymarferol i chi i’ch helpu chi ar eich ffordd.
Taflen Cynllunio Gyrfa: Dyma arweiniad i gynllunio gyrfa, gan ymdrin â hunan-asesu, cynhyrchu syniadau gyrfa, adnoddau gwybodaeth, gwneud penderfyniadau a chynllunio gweithredu.
Ffordd wych o ddarganfod gwahanol lwybrau gyrfa a’r hyn a allai fod yn addas i chi yw defnyddio Archwiliwr Gyrfa LinkedIn. Mae LinkedIn yn darganfod llwybrau gyrfa nad ydych chi efallai erioed wedi meddwl neu glywed amdanyn nhw trwy ddefnyddio’r data sydd ganddo i baru eich sgiliau â miloedd o swyddi.
Rydym yn cynnal gweminarau rheolaidd am y pwnc yma – cliciwch ar Digwyddiadau i ddarganfod mwy ac archebu lle.
Career Mag
Edrychwch ar adran ‘Darganfod’ TARGETconnect i weld erthyglau defnyddiol ac awgrymiadau da, a NextStepSupport
Asesiadau a Phrofion Ar-lein
Ffordd wych o archwilio ac asesu eich sgiliau proffesiynol yw rhoi cynnig ar brofion ar-lein, holiaduron, asesiadau a gemau a ddefnyddir gan gyflogwyr graddedigion wrth recriwtio.
Fel myfyriwr graddedig ym Mhrifysgol Bangor gallwch fewngofnodi i gyfrif Graduates First unigryw, lle mae gennych fynediad llawn at ystod eang o’r offer hyn, i’ch helpu i archwilio ac asesu:
- sut mae’ch personoliaeth yn gweddu ag ‘arddull gwaith’
- faint o risgiau ydych chi’n fodlon eu cymryd
- pa mor dda ydych chi am wneud penderfyniadau
- eich gallu a’ch dull o ddatrys problemau
- pa fath o reolwr y gallech chi fod
- pa mor dda ydych chi am drin rhifau
- pa mor resymegol ydych chi
Mae’r adnoddau hyn nid yn unig yn helpu gyda’ch ymchwil a’ch cynllunio gyrfa, ond byddwch hefyd yn ymgyfarwyddo ag arferion recriwtio graddedigion ac yn gwella’ch perfformiad ar yr un pryd!
Gwyliwch y fideo un munud:
E-bostiwch gyrfaoedd@bangor.ac.uk i ofyn am fewngofnodi.
Adnabod eich sgiliau
Mae meddwl am y sgiliau a’r rhinweddau personol sydd gennych a sut mae’r rhain yn berthnasol i wahanol swyddi yn ffordd wych arall o archwilio pa yrfaoedd ac amgylcheddau gwaith y gallwch chi eu mwynhau a rhagori ynddynt.
Offeryn proffilio personoliaeth am ddim yw 16 Personalities a fydd yn taflu goleuni ar y math o bersonoliaeth sydd gennych chi ac ar sut mae hyn effeithio ar eich gwaith a’ch bywyd personol.
Ewch i’n heitem Sgiliau Graddegigion yn y ddewislen i ddarganfod mwy, neu lawrlwythwch ein taflen ‘Adnabod Sgiliau’ i gael trosolwg a rhai awgrymiadau da.
Cliciwch ar y ddelwedd isod i lawrlwytho taflenni My Plus (yn Saesneg):
Symud ymlaen gyda’ch cynllun gyrfa
Offer yw hwn i gynorthwyo rhai sydd wedi mynd yn sownd wrth gynllunio eu gyrfa. Gall hynny ddigwydd am nifer o resymau ac mae Career Unlocker yn eich helpu i adnabod y rhesymau amlwg a sylfaenol pam eich bod yn y sefyllfa hon ac yn eich cynghori ynglŷn â sut i wneud cynnydd pellach.
Offer chwilio am swyddi ar-lein yw’r Prospects Career Planner ac mae’n eich helpu chi weld pa swyddi sy’n addas i chi, yn ôl eich sgiliau, eich diddordebau a’ch cymhelliant.
- Cymerwch y prawf byr hwn gan Bright Network am eich arddull gwaith a’ch dewisiadau gyrfaol er mwyn cael cyngor wedi ei bersonoli am y camau nesaf a argymhellir i chi.
‘Career Path Test’
Wedi’i ddiweddaru Awst 2023