UWB Crest

Cyrsiau

Croeso i ddarpar-fyfyrwyr

Delwedd yn dangos myfyrwyr mewn darlith

Mae Prifysgol Bangor yn cynnig rhagoriaeth academaidd yn un o'r lleoliadau astudio harddaf ym Mhrydain. Mae ein haddysg a'n hymchwil ymysg yr orau yn y byd, ac mae hyn ynghyd a'n lleoliad rhwng mynyddoedd Eryri a'r afon Fenai yn gwneud Bangor yn le perffaith i astudio. Dewch i weld beth sydd gan Fangor i'w gynnig, drwy ddewis un o'r opsiynau isod;

Dewiswch gwrs

Sut beth ydi astudio ym Mangor?

Os ydych chi'n chwilio am brifysgol sy'n cynnig safon uchel o addysgu yn ogystal â bywyd cymdeithasol byrlymus ac amrywiol, dowch i Fangor. Mae llawer o Gymry yn dewis astudio ym Mangor oherwydd yr awyrgylch cyfeillgar, naturiol Gymreig. Mae canran o'r 8,000 o fyfyrwyr sydd yma yn dod o wledydd tramor ac felly mae cyfle i chi wneud ffrindiau â phobl o bob ban y byd. Mae mwy o fyfyrwyr yn astudio drwy gyfrwng y Gymraeg ym Mangor nac yn unrhyw un o'r prifysgolion eraill yng Nghymru. Mae digwyddiadau ac adloniant Cymreig yn cael eu trefnu hefyd gan UMCB - Undeb Myfyrwyr Cymraeg Bangor.

Pe baech chi'n penderfynu mai Bangor ydy'r brifysgol i chi - mi fyddwch chi'n byw mewn lleoliad gwych lle mae popeth yn agos a chyfleus. Gan fod y brifysgol wedi ei lleoli rhwng mynyddoedd Eryri a'r môr, mae digon i'w weld a digon o weithgareddau awyr agored i'w cael yma.

Dysgu o Bell

Er mwyn dod o hyd i gwrs dysgu o bell, dewiswch un o'r Ysgolion isod:-

Sut i fynd ati i wneud cais

Mae'n rhaid i bob darpar fyfyriwr fynd drwy UCAS (Universities and Colleges Admissions Service) i wneud cais. Cliciwch ar yr isod am fwy o wybodaeth.

Am gymorth, codwch y ffôn neu e-bostiwch ni

Os ydych chi eisiau trafod unrhyw beth neu angen mwy o wybodaeth, codwch y ffôn neu e-bostiwch yr Adran Recriwtio Myfyrwyr. Mi fedran nhw yrru prosbectws atoch, trefnu ymweliad neu drefnu lle i chi ar ein Diwrnodau Agored.