Bydd y wefan groeso hon yn eich helpu ar eich ffordd i gychwyn eich taith yn fyfyriwr ym Mangor. Bydd yn eich cyfeirio at yr holl wybodaeth hanfodol y bydd ei hangen arnoch wrth i chi ymgartrefu yn eich bywyd fel myfyriwr.
Ein Hwythnos Groeso yw'r cyflwyniad delfrydol i fywyd prifysgol. Mae'n rhoi cyfle i chi wneud ffrindiau newydd a chwrdd â staff academaidd yn ogystal â dewis eich modiwlau yn derfynol, a chanfod eich ffordd o gwmpas cyn i chi ddechrau eich astudiaethau.
Mae ein Harweinwyr Cyfoed yn fyfyrwyr ail a thrydedd flwyddyn sydd wedi’u hyfforddi’n arbennig ac sydd wrth law i’ch helpu i ymgartrefu. Cadwch lygad amdanynt yn eu crysau lliwgar - bydd llawer iawn ohonynt i’w gweld yn cyfarch newydd-ddyfodiaid ac yn annog pawb i ymuno yn yr holl weithgareddau.
Cyrraedd wedi'r Wythnos Groeso?
Os ydych yn fyfyriwr newydd sy’n cyrraedd Bangor ar ôl 27 Ionawr, dyma restr wirio fer o'r hyn y dylech fod yn ei wneud nesaf i wneud yn siŵr eich bod yn Barod am Fangor!
Bydd ein map campws rhyngweithiol yn dangos i chi sut i fynd o Academi i Ganolfan Brailsford, o Brif Adeilad y Brifysgol i Pontio, ac i bobman arall hefyd o ran hynny.