Proffil Cyn-fyfyriwr

Pippa Joyner

Ffrangeg, 1996

“Ar ôl pori drwy bob prosbectws ar y silff yn ystafell gyffredin chweched dosbarth yr ysgol, roedd fy nwylo bob amser yn cyrraedd yn ôl i’r prosbectws ar gyfer Prifysgol Bangor, ac nid y cwrs gyda chymysgedd o ddrama Ffrengig, theatr, busnes a chelf yn unig a'm tynnodd i mewn i fod eisiau gwneud cais - y lle oedd bwysicaf. Roedd Bangor yn ymddangos yn brydferth ac yn eithaf hudolus cyn i mi hyd yn oed archebu tocyn trên ar gyfer mynd am gyfweliad. Ychydig a wyddwn y byddai fy nghyfweliad, a minnau'n 17 oed, yn Ffrangeg, ac nid yn unig hynny, ond cyfweliad yn Ffrangeg gyda darlithydd a oedd â'r acen Gymreig gryfaf a glywais erioed. Rwy'n hoff o siarad - felly nid oedd yn broblem ateb - ond gadewch i ni obeithio fy mod mewn gwirionedd yn ateb y cwestiynau a ofynnwyd!

Agorodd Bangor gymaint o gyfleoedd i mi nid yn unig i gwrdd â phobl o'r un anian, ond i ymuno â chlybiau a chymdeithasau na fyddwn fel arfer wedi ymuno â hwy yn Swydd Hertford. Ymunais â'r clybiau parasiwtio, cerdded y mynyddoedd, y badminton a'r canu - aeth pob un ohonynt â mi o gwmpas y golygfeydd mwyaf rhyfeddol.

Yn ystod fy nghyfnod ym Mangor, roeddwn i'n byw ym Mryn Eithin, ar Ffordd y Coleg, ac ar hyd Stryd Regent, ond ble bynnag roeddech chi'n byw ym Mangor, ni chafwyd unrhyw broblemau cwrdd â ffrindiau a mynd o gwmpas gan fod y ddinas yn lle bach, wedi'i feithrin yn dda, ac roedd darlithoedd a thafarndai a'r brifysgol bob amser o fewn pellter cerdded.

Ers graddio o Fangor yn 1996, ar ôl cael cyfnod dramor yn Le Puy-en-Velay Ffrainc, rwyf wedi gweithio fel Cymhorthydd Personol Cyllid Dwyieithog, mwyafrif y gwaith yn HarbourVest Partners lle rwyf wedi gweithio i'r Prif Swyddog Gweithredol ers bron i 20 mlynedd. Cyn fy rôl CP gyntaf, roedd yn rhaid i mi gael byscio a theithio allan o'm system, felly teithiais Ffrainc, Seland Newydd, Awstralia, Ynysoedd Cook a Hawaii gydag amryw o ffrindiau hyfryd o Fangor ac o'r ysgol - rhai yr wyf yn dal i fod mewn cysylltiad â hwy hyd heddiw. Lle fel yna yw Bangor, chi'n gweld, yn eich dysgu i gadw ffrindiau go iawn am oes.

Mae bod yn Gymhorthydd Personol, ac wedi cael darlithwyr rhagorol ym Mangor, wedi rhoi hwb i'm dychymyg a hefyd fy sgiliau llenyddol i'm galluogi i fod wedi dod yn awdur cyhoeddedig mewn realaeth hudol plant (tebyg i Harry Potter neu Narnia) a ffuglen Oedolion (ychydig yn debyg i Bill Bryson os caf?!) - pob un wedi'u hysbrydoli gan y syniadau a'r golygfeydd mympwyol a hudolus yn y mynyddoedd ac wrth y pier ym Mangor hudolus!

Gweler fy ngwefan isod sy'n amgáu fy nheitlau, sydd wedi cael eu cynnwys yn Waterstones, Amazon Worldwide a Barnes a Noble yn UDA.

Roedd yr amser a dreuliais ym Mangor yn amhrisiadwy i greu cyfeillgarwch ac atgofion gydol oes.