Cydraddoldeb, Amrywiaeth a Chynhwysiant yn CELT
Rydym yn cefnogi staff addysgu i ddatblygu cwricwlwm cynhwysol a pherthnasol ar draws ysgolion academaidd Prifysgol Bangor, ac mae ein gwaith yn cwmpasu llawer o'r fframweithiau cydraddoldeb, amrywiaeth a chynhwysiant presennol o fewn y sefydliad. Mae defnyddio deunyddiau cwrs y gall myfyrwyr weld eu hunain yn cael eu hadlewyrchu ynddynt, gan ddarparu cefnogaeth ar gyfer anghenion amrywiol myfyrwyr a chynnig cyfleoedd cynhwysol i bawb, yn helpu i feithrin ymdeimlad o berthyn, yn denu ystod eang o fyfyrwyr i'r brifysgol ac yn cynnal ymgysylltiad myfyrwyr.
Mae academyddion yn gweld bod gwneud modiwlau’n fwy cynhwysol yn gallu gwella eu hymarfer addysgu. I ddysgu mwy, dewch i un o'n gweithdai datblygiad proffesiynol parhaus lle caiff hyfforddiant cydraddoldeb sylw rheolaidd.
Mae ein gwaith ar gydraddoldeb, amrywiaeth a chynhwysiant yn cyfrannu at chwe ffrwd waith:
- Cofnodi a Rhannu Gweithgarwch Cyfredol
- Cofnodi data a gweithgarwch cyfredol sy'n ymwneud ag addysgu a dysgu ar draws y sefydliad
- Adnabod a rhannu ymarfer gorau a meysydd i'w gwella
- Cyfrannu camau gweithredu sy’n ymwneud ag addysgu a dysgu tuag at y Cynllun Cydraddoldeb Strategol
- Cyfrannu at gais Prifysgol Bangor am wobr arian Athena SWAN trwy rannu camau gweithredu a chynlluniau addysgu a dysgu sy’n ymwneud â Chydraddoldeb, Amrywiaeth a Chynhwysiant ar draws y sefydliad, megis yr adroddiad canlyniadau gradd
- Datblygu cwricwlwm gwrth-hiliol ar draws Prifysgol Bangor
- Hyrwyddo trafodaeth a gweithredu ynghylch dad-drefedigaethu'r cwricwlwm
- Sicrhau bod y cwricwlwm yn cynnwys set amrywiol o addysgeg a chynnwys, a’u bod yn gynhwysol i bob myfyriwr
- Gwella profiad myfyrwyr fel bod myfyrwyr yn profi ymdeimlad o berthyn a chynrychiolaeth o fewn Prifysgol Bangor
- Cymryd rhan mewn cyfathrebu trawsddiwylliannol, gan rannu safbwyntiau a phrofiadau i wella gwrth-hiliaeth a chynwysoldeb ar draws y brifysgol
- Ehangu’r cwricwlwm addysgu i werthuso’n feirniadol y sylfaen dystiolaeth a’r syniadaeth
- Gwneud staff a myfyrwyr yn ymwybodol o’r prosesau ar gyfer adrodd am wahaniaethu, a'r gefnogaeth sydd ar gael iddynt
- Sicrhau bod cyfleoedd hyfforddi a datblygu staff yn ymgorffori arferion cynhwysol ym mhob agwedd ar eu gwaith, addysgu neu ymchwil
