Microgymhwyster: Arweinyddiaeth Gynaliadwy mewn Addysg 1: Gwneud y Newid - Mynediad yn

Mae'r cwrs microgymhwyster hwn yn addas ar gyfer addysgwyr mewn swyddi arweinyddiaeth Ysgol, yn ogystal ag unigolion sy’n arwain ar faterion eco yn eu hysgolion.

Pryd byddaf yn cychwyn?

Byddwn yn cynnig dau ddyddiad cychwyn gwahanol ar gyfer y cwrs microgymhwyster hwn. Bydd y cyntaf yn dechrau ar y 25ain o Fedi 2023 a'r ail yn Ionawr 2024.

Beth yw hyd y cwrs?

50 awr (7.5 awr o ddysgu; 42.5 o astudiaeth annibynnol dan arweiniad).

Pam astudio'r cwrs yma?

Bydd y cwrs hwn yn rhoi cyfle i fyfyrwyr ddylanwadu ar eu cyd-aelodau o staff yn ogystal ag addysgu'r genhedlaeth nesaf o bobl ifanc i fyw mewn ffordd cynaliadwy. Gofynnir i fyfyrwyr gyflwyno asesiad y gellir hefyd ei ddefnyddio fel rhan o'ch taith newid.

Tiwtor

Jeremy Griffths

Mae gan Jeremy 38 mlynedd o brofiad yn gweithio mewn ysgolion uwchradd, cynradd ac arbennig. Mae wedi bod yn brifathro mewn tair ysgol oedran cynradd ac ar hyn o bryd mae’n uwch ddarlithydd ym Mhrifysgol Bangor.

Beth fyddwch chi’n ei astudio ar y cwrs yma?

 Mae’r syniad o arweinyddiaeth gynaliadwy mewn addysg wedi cael ei drafod ers sawl degawd (Hargreaves & Fink, 2005). Fodd bynnag, ni fu erioed cymaint o frys i sicrhau newid amgylcheddol er lles a goroesiad cenedlaethau’r dyfodol o ddynoliaeth. Mae hyn yn cynnwys arweinwyr ar bob lefel ac o bob agwedd o fywyd. 

Gellir dadlau y bydd ysgolion a'u myfyrwyr yn chwarae rhan hanfodol wrth ddod o hyd i atebion i drychineb amgylcheddol byd-eang posibl. Felly, rhaid i arweinwyr… 

• gael eu galluogi i ddatblygu arfer gorau a modelu cynaladwyedd i'w myfyrwyr a'u rhanddeiliaid
• ddatblygu addysgu a dysgu ar gyfer cynaladwyedd fel rhan o bob agwedd o'r cwricwlwm ac nid fel atodiad yn unig; a
• gwrando ar lais pobl ifanc a chymunedau lleol sydd â’r awydd a'r gallu i ddiogelu'r dyfodol.

Yn y modiwl hwn, cewch gyfle i ddysgu am arweinyddiaeth gynaliadwy a’i phwysigrwydd, yn ogystal â sut i ddylanwadu eraill i fabwysiadu arferion cynaliadwy. Byddwch yn ystyried effaith penderfyniadau arweinyddiaeth ar yr amgylchedd, y gymdeithas, a chanlyniadau dymunol y sefydliad. Byddwch yn dysgu sut i reoli newid yn effeithiol, ac yn defnyddio'r sgiliau hyn i ddylanwadu eich cydweithwyr i fabwysiadu arferion cynaliadwy yn y gweithle.

Deilliannau dysgu

•  Asesu ac archwilio arferion arweinyddiaeth gynaliadwy sy'n gyfiawn ac yn foesegol yn economaidd, yn gymdeithasol ac yn amgylcheddol.

•  Gwerthuso damcaniaethau rheoli newid yn feirniadol i ganfod y ffordd orau o roi arferion cynaliadwyedd ar waith.

Sut bydd y cwrs yn cael ei gyflwyno?

• Bydd y cwrs microgymhwyster hwn yn cael ei gyflwyno trwy gyfuniad o ddeunyddiau a recordiadau ar-lein, a gynhelir ar Blackboard, sef amgylchedd dysgu rhithwir Prifysgol Bangor.
• Caiff myfyrwyr gyfleoedd i gydweithio â'i gilydd trwy fforymau ar-lein Blackboard a grwpiau trafod.
• Bob wythnos bydd deunydd newydd ar gael i fyfyrwyr ar ffurf fideos, deunydd darllen, tasgau hunan-astudio a gweithgareddau ymarferol.
• Rhoddir arweiniad i gefnogi myfyrwyr i gwblhau eu hasesiad yn llwyddiannus tuag at ddiwedd y cwrs.

• £230.00 (yn cynnwys TAW).
• Mae ysgoloriaeth llawn ar gael i dalu ffioedd dysgu’r cwrs i bob unigolyn sy'n derbyn lle ar y cwrs. Ewch i'r dudalen Gwneud Cais er mwyn derbyn cyfarwyddiadau pellach. 

Dylai’r darpar ymgeiswyr feddu ar radd israddedig mewn pwnc perthnasol (2(ii) neu uwch).

Os nad ydych yn cyflawni'r gofynion academaidd uchod ond bod gennych o leiaf 3 blynedd o brofiad gwaith perthnasol a thystiolaeth o astudio diweddar neu ddatblygiad proffesiynol (i ddangos gallu i astudio ar lefel 7) efallai yr ystyriwn eich cais.

Sut i wneud cais

Gwnewch yn siŵr eich bod yn darllen ac yn dilyn y cyfarwyddiadau isod cyn gwneud cais. Mae’r cyfarwyddiadau’n nodi pa adrannau o'r ffurflen gais sy'n orfodol ar gyfer y math o gwrs rydych am wneud cais amdano, a bydd dilyn y cyfarwyddiadau’n arbed amser i chi.
 

Paratowch y wybodaeth ganlynol (mewn dogfen Word):

• Manylion cyflogaeth bresennol;
• Blynyddoedd o brofiad a hanes cyflogaeth (fel sy'n berthnasol)

Bydd hyn yn cyflymu'r broses o gwblhau'r ffurflen gais.