UWB Crest

Ysgol y Gymraeg

Fframwaith y Cwrs

Image of students at seminar

Mathau a hyd y cyrsiau

Graddau trwy ddysgu

Fel arfer wrth ddilyn Diplomâu Ôl-raddedig a Graddau Meistr, ceir 12 mis o astudiaeth lawn-amser. Mae’r elfen gwaith cwrs yn cymryd 8 mis ac ar ôl hynny, gellir dyfarnu Diploma Ôl-raddedig Prifysgol Cymru. Os cyrhaeddwch safon uchel yn asesiad y Diploma, cewch gyfle i wneud project ymchwil a chyflwyno traethawd hir (dros gyfnod o 4 – 7 mis fel arfer) tuag at radd Meistr (MA, MSc, Mth, MMus). Mae’n bosib dewis lefel Diploma Ôl-raddedig ar y rhan fwyaf o gyrsiau Meistr.

Mae’r cyrsiau Meistr yn debyg i gyrsiau Israddedig gan eu bod nhw’n cynnwys darlithoedd, projectau ac aseiniadau. Gall y cyrsiau fod yn ddwys iawn gyda darlithoedd yn parhau trwy’r dydd, a’r galw am nifer o draethodau drwy’r cwrs ynghyd â’r project ymchwil terfynol.

Graddau ymchwil

Graddau ymchwil yw MPhil a PhD. Mae’r rhain yn cael eu dyfarnu yn dilyn astudiaeth thesis a gyflwynir wedi cyfnod o waith ymchwil.

Mae MPhil yn dangos bod gennych y sgiliau angenrheidiol i gynnal ymchwil dan oruchwyliaeth drwy ddadansoddiad systematig o ddata sydd eisoes yn bod

Mae PhD yn dangos bod gennych y gallu a’r sgiliau ymchwil methodoleg i gynnal ymchwil wreiddiol. Bydd yn astudiaeth annibynnol, sy’n defnyddio data newydd, i ddatblygu ein dealltwriaeth ac yn ehangu ffiniau’r pwnc.

Tra bo’r rhan fwyaf o ymgeiswyr yn dilyn graddau ymchwil yn llawn-amser, mewn rhai amgylchiadau mae’n bosib eu cynnig yn rhan-amser. Gellwch gofrestru ar y graddau yma ar gychwyn unrhyw fis. Y cyfnod arferol ar gyfer graddau ymchwil yw:

Llawn-amser: MPhil 2 flynedd / PhD 3 blynedd

Rhan-amser: MPhil 3 blynedd / PhD 5 mlynedd

Mae’n bosib i chi gwblhau MPhil ar ôl astudio am un flwyddyn yn llawn-amser neu am ddwy flynedd yn rhan-amser. Os ydych chi’n ymgeisydd PhD gyda gradd berthnasol neu o leiaf dwy flynedd o brofiad perthnasol, mae’n bosib y bydd eich cyfnod astudio yn ddwy flynedd yn llawn-amser yn unig neu’n dair blynedd yn rhan-amser. Bydd rhaid cytuno ar y trefniant yma gyda Phennaeth yr Ysgol a’ch goruchwyliwr cyn cychwyn ar eich gwaith ymchwil. Disgwylir i fyfyrwyr PhD gynhyrchu a chyflwyno thesis ar gyfer asesiad o fewn pedair blynedd o gychwyn rhaglen tair blynedd.

DClinPsy

Mae’r rhaglen yma, sy’n dair blynedd yn llawn-amser, yn arwain at y radd Doethur mewn Seicoleg Glinigol (Doctor in Clinical Psychology). Mae’r radd yn cynnwys cyrsiau trwy ddysgu, lleoliadau clinigol a chynnal projectau ymchwil. Y 'Clearing House for Postgraduate Courses in Clinical Psychology' sy'n gyfrifol am geisiadau DClinPsy, ac nid y Brifysgol. Cysylltwch drwy

Ffonio 0113 343 2737

Ffacsio 0113 243 0908

E-bostio chpccp@leeds.ac.uk

Anfon llythyr i’r

Clearing House for Postgraduate Courses in Clinical Psychology
15 Hyde Terrace
Leeds
LS2 9LT

Ewch i’r wefan am fanylion a dyddiadau cau: http://www.leeds.ac.uk/chpccp

Rhaglen Graddedigion

Rydym yn cynnig cyfres o gyrsiau i ddatblygu eich sgiliau ac ehangu’ch portffolio ar y Rhaglen Graddedigion. Os ydych chi’n cofrestru ar radd uwch drwy ymchwil yn llawn-amser a heb dderbyn unrhyw hyfforddiant mewn methodoleg ymchwil na dilyn cwrs Meistr o’r blaen a oedd yn cynnwys elfennau methodoleg yna, bydd disgwyl i chi ddilyn y cyrsiau yma yn ystod eich dwy flynedd gyntaf i gyflawni isafswm o 30 credyd. Os casglwch chi 60 credyd, dyfarnir Tystysgrif Cyrhaeddiad Ôl-raddedigion i chi.

Rydych yn cofrestru ar gyrsiau sgiliau ar gychwyn eich rhaglen radd ar ôl trafod gyda’ch goruchwyliwr. Mae’r dewis o gyrsiau yn dibynnu ar natur eich rhaglen ymchwil a pha bynciau wnaethoch chi yn eich gradd gyntaf ac ar ôl hynny.

Dyma restr o’r holl gyrsiau sgiliau sydd ar gael i fyfyrwyr ymchwil ym mhob ysgol:

  • Sgiliau Rheoli: Iechyd a Diogelwch yn y Labordy
  • Cymraeg sgyrsiol i Ddechreuwyr
  • Sgiliau Cyflwyno
  • TG Rhagarweiniol a’r defnydd o Brosesydd Geiriau
  • Defnyddio TG i drin data
  • Sgiliau Cyfathrebu TG
  • Sgiliau Chwilio am Wybodaeth
  • Cyflwyniad i Gronfeydd data gydag ORACLE a SQL
  • Ystadegau Cymhwysol
  • Cynllunio Arbrofol
  • Ystadegau Uwch
  • Materion mewn Cynllunio a Dadansoddi Ymchwil
  • Ysgrifennu er mwyn Cyfathrebu
  • Cyflwyniad i raddedigion i Wyddorau Biolegol
  • Modelu Newidiol Cudd
  • Ieithoedd i an-arbenigwyr: Ffrangeg, Almaeneg, Sbaeneg, Eidaleg
  • Cwblhau a Chyhoeddi Papurau Academaidd
  • Dysgu mewn Addysg Uwch
  • Cychwyn projectau ymchwil Ôl-raddedig
  • Datblygu Projectau Ymchwil Ôl-raddedig mewn Iechyd
  • Sgiliau Rheoli Gyrfa
  • Sgiliau ar gyfer cyflogadwyedd
  • Entrepreneuriaeth
  • Paratoi ar gyfer gyrfa mewn Ymchwil

Cynhelir ysgol haf fer hefyd, Cydnabod Potensial Academaidd: cyflwyno a chyhoeddi papurau academaidd a gwyddonol. Rydym yn argymell yn gryf eich bod yn dilyn y cwrs yma ar ddiwedd eich blwyddyn olaf ond un.

Fforwm Tiwtoriaid ac Ôl-raddedigion

Bydd pob myfyriwr yn derbyn cefnogaeth academaidd, cyngor a chyfarwyddyd yn ystod eu cwrs Ôl-raddedig. Mae pob ysgol wedi penodi aelod o staff academaidd fel uwch-diwtor personol.

Mae’r Fforwm i Ôl-raddedigion yn gyfle i chi drafod eich barn. Cymdeithas o Ôl-raddedigion ydyw a gafodd ei sefydlu gyda chefnogaeth y Brifysgol i ddarparu llais i nodi anghenion arbennig myfyrwyr ymchwil.Mae pob ysgol wedi’i chynrychioli ar y fforwm, sy’n golygu eu bod nhw’n cael eu cynrychioli ar y Pwyllgor Ôl-raddedig sy’n gyfrifol am ddatblygu rhaglenni ymchwil.