Ein Project Amdanom ni
Bydd Môr Ni Gwynedd yn cefnogi pysgodfeydd, acwafeithrin, a'r sector bwyd môr yng Ngwynedd, gyda'r nod o wella bywoliaethau a swyddi trwy gynnydd glas cynaliadwy.
Partneriaid y project
Cefndir y project
Mae pysgodfeydd pysgod cregyn, acwafeithrin, a'r diwydiant bwyd môr ehangach yn bwysig i economi Gwynedd ac i gynaladwyedd cymunedau arfordirol.
Bydd Môr Ni yn cefnogi busnesau bach a chanolig eu maint yn y sector pysgod cregyn, acwafeithrin a bwyd môr yng Ngwynedd i ddod i ddeall yn well yr heriau sy'n eu hwynebu mewn perthynas â chynnydd glas cynaliadwy. Trwy ddod â'r gymuned ynghyd, byddem yn canfod datrysiadau posib.
Mae'r project yn rhan o strategaeth hirdymor i wella a chefnogi pysgodfeydd a gweithgaredd acwafeithrin yng Ngogledd Cymru, ac i hyrwyddo cynnydd glas a gwella'r economi las trwy gynaladwyedd.
Project 15 mis yw hwn, sy'n cael ei ariannu gan Lywodraeth y DU trwy Gronfa Ffyniant Gyffredin y DU a Chyngor Gwynedd.
Bydd cysylltu yn uniongyrchol â physgodfeydd yng Ngwynedd, cynhyrchwyr acwafeithrin, y sector bwyd môr ehangach a'r gymuned leol yn rhan allweddol o'r project i glywed eu barn a dod i wybod am eu dyheadau am ddyfodol cynaliadwy.
Bydd y project yn creu cynllun dichonolrwydd, fydd wedi ei greu trwy gysylltu â rhanddeiliaid a chymunedau. Bydd y cynllun yn amlinellu gofynion y sector a'r gymuned i ddarparu cyfleoedd ac i ymateb i'r heriau presennol sy'n wynebu cynnydd a chynaladwyedd glas.
Cyfarfod y tîm
Daw'r project hwn ag arbenigwyr ynghyd o Ysgol Gwyddorau Eigion Prifysgol Bangor, Ymgynghoriaeth Lafan, a'r Ganolfan Technoleg Bwyd.
Digwyddiadau
Cysylltu â ni
Os ydych yn meddwl gall y project hwn fod o fudd i'ch busnes neu eich cymuned, byddem wrth ein bodd clywed gennych.
Digwyddiadau diweddar
