Casglu Gwastraff Ty

Gyda mewnlifiad sylweddol o fyfyrwyr y brifysgol i dai preifat yn ardaloedd ym Mangor, yn cynnwys; Bangor Uchaf, Hirael, Ffordd Caernarfon a Caellepa, mae Cyngor Gwynedd yn awyddus iddynt fod yn ymwybodol o’r trefniadau rheolaidd sydd yn berthnasol ar gyfer ailgylchu a chasglu gwastraff tŷ.

Rhowch eich gwastraff tŷ ac ailgylchu allan i'w gasglu ar yr adeg gywir ar y diwrnod cywir.
Mae’r dudalen nesaf yn dangos y diwrnod casglu ar gyfer eich stryd chi.
Gallwch wynebu dirwy am roddi eich gwastraff allan ar adeg anghywir!
I holi ynglŷn â’ch diwrnod casglu, gofyn am bin newydd neu focs ailgylchu, neu i ofyn am gasglu gwastraff swmpus a llawer mwy, ffoniwch Gyngor Gwynedd ar 01766 771000.

I gloi, gofynnir i fyfyrwyr ymarfer agwedd synhwyrol a chyfrifol wrth gael gwared o wastraff ty a chadw mewn cof fod eu gweithredoedd yn creu ardrawiad ar amgylchedd eu hardal ac effaith ar y trigolion lleol.

Am fwy o wybodaeth

Am fanylion ynglŷn a gwastraff ac ailgylchu yng Ngwynedd, ewch at wefan Cyngor Gwynedd (Mae Cyngor Gwynedd wrthi'n diweddaru'r wybodaeth hon)

http://www.undeb.bangor.ac.uk/green/Canllaw%20Goroesi%20Gwastraff.pdf