Overview

Mae ymchwil yn fedr academaidd sylfaenol, ac felly hefyd y gallu i ysgrifennu'n effeithiol ar ganlyniad yr ymchwil hwnnw. Yn ystod y modiwl hwn, bydd y myfyriwr yn ymchwilio i bwnc o'i ddewis/dewis ei hun, ac yn ysgrifennu traethawd (oddeutu 4,500 o eiriau) fydd yn nodi ei ganfyddiadau. Ar yr un pryd, bydd y modiwl yn gyflwyniad i rai o gonfensiynau a dulliau ymchwil a chyflwyno cerddoregol, a hynny drwy astudiaeth o wahanol enghreifftiau o ysgrifennu academaidd. Ar ben hyn, bydd y myfyriwr yn parhau i ddatblygu'r medrau astudio a ddysgwyd yn Astudio Cerddoriaeth (yn y flwyddyn gyntaf), gan gynnwys medrau llyfryddiaethol, medrau meddwl yn annibynnol, a medrau cyflwyno ar lafar.

Bydd y modiwl yn gyfrwng i baratoi'r unigolyn ar gyfer ysgrifennu Traethawd Hir ym Mlwyddyn 3, a gall hefyd fod yn fuddiol i fyfyrwyr sy'n ystyried Project Golygu ym Mlwyddyn 3.

Bydd y modiwl yn paratoi myfyrwyr ar gyfer ysgrifennu Traethawd Hir ym Mlwyddyn 3, a gall hefyd fod yn fuddiol i fyfyrwyr sy’n ystyried Project Golygu ym Mlwyddyn 3.

Assessment Strategy

Trydydd dosbarth: D- i D+ (40%-49%) Y cyflawniad hollbwysig yw arddangos gafael sylfaenol ar hanfod y pwnc, a'r math o ddeunydd dan sylw. Fodd bynnag, bydd y marc yn cael ei gyfyngu i'r lefel hon gan bethau fel: ailadrodd gwybodaeth heb ddangos dealltwriaeth go iawn; dryswch dadl sy'n dangos methiant i ddeall y deunydd yn iawn; methu gwahaniaethu'r perthnasol oddi wrth yr amherthnasol; methu gafael mewn syniadau; cynnwys gwallau ffeithiol; sgiliau llyfryddiaethol neu droednodi difrifol ddiffygiol; mynegiant gwael; tawedogrwydd llafar; cyflwyniad bratiog.

Ail Ddosbarth Is: C- i C+ (50%-59%) Y briodwedd sy'n cyfiawnhau marciau yn y categori hwn yw’r gallu i gywain corff cymedrol o ddeunydd perthnasol a gasglwyd o ystod tra eang o destunau neu ffynonellau gwybodaeth eraill, wedi'i ddidoli mewn trefn resymegol a'i fynegi'n ddeallus. Elfennau sy'n cyfyngu'r marc i'r lefel hon yw: dadleuon afresymegol, neu ddadl sy'n ddiffygiol mewn rhyw ffordd; llyfryddiaeth neu droednodiadau cyfyngedig neu ddiffygiol; dealltwriaeth gyfyngedig o syniadau neu ddadlau; tystiolaeth gyfyngedig o wybodaeth a dealltwriaeth eang o'r pwnc; ymwneud cyfyngedig â thrafod ac ail-negodi syniadau ar lafar; tystiolaeth gyfyngedig o feddwl o ddifrif, yn hytrach na dyfalbarhad syml.

Ail Ddosbarth Uwch: B- i B+ (60%-69%) Y briodwedd nodedig yw'r gallu i lunio dadl â ffocws sydd â thystiolaeth briodol. Mae'n debyg y bydd y gwaith felly'n dangos y gallu i ddeall trafod gwaith celf ac i gymhwyso'r wybodaeth honno i wahanol weithiau; cyfleu gwybodaeth a dealltwriaeth gyffredinol o'r pwnc yn ei gyfanrwydd, ac o wybodaeth a dealltwriaeth fanylach o feysydd penodol; sgiliau llyfryddiaethol a throednodi cymwys; cyfathrebu effeithiol o syniadau a dadlau; cyfraniad meddylgar at drafodaeth lafar; y gallu i weld problemau a gwrthddywediadau wrth ddarllen ffynhonnell; sgiliau wrth arsylwi a dadansoddi. Gall gwaith Ail Ddosbarth Uwch gynnwys llawer o'r un rhinweddau a’r rhai mewn gwaith Dosbarth Cyntaf, ond byddant yn cael eu dangos ar lefel llai annibynnol, neu gall y gwaith fod yn rhagorol mewn un nodwedd Dosbarth Cyntaf ond yn sylweddol ddiffygiol mewn un arall.

Dosbarth Cyntaf: A- ac A (70%-83%) Y briodwedd wahaniaethol yw’r gallu i arddangos tystiolaeth o feddwl deallusol ac annibynnol go iawn mewn trafodaeth barhaus. Mae'n debyg y bydd gwaith ar y lefel hon yn dangos menter wrth ymchwilio y tu hwnt i'r ffynonellau amlwg; y gallu i werthuso ffynonellau’n feirniadol; trafodaeth barhaus a rhesymegol; mynegiant rhugl wrth siarad ac ysgrifennu; y gallu i ddod â deunydd o ffynonellau anghydweddol at ei gilydd; sgiliau o radd uchel wrth arsylwi a dadansoddi; y gallu i ddefnyddio gwybodaeth i oleuo testunau cerddorol; arwyddion o wybodaeth eang y tu hwnt i gyfyngiadau cul y pwnc dan sylw; y gallu i arwain trafodaeth lafar; y gallu i adnabod ac wynebu problemau yn y pwnc, gwrthddywediadau mewn testunau, neu lacunae yn y dystiolaeth sydd ar gael.

Dosbarth Cyntaf: A+ i A** (84%-100%) Mae'r gwaith ar y lefel hon yn hynod wreiddiol ac o safon sy'n cyrraedd neu'n agosáu at safonau proffesiynol. Bydd y gwaith yn arddangos holl nodweddion categori A-/A (70%-83%) mewn modd cyson, a bydd o'r fath ansawdd fel ei fod yn fwy neu lai’n barod i’w gyhoeddi neu’i ddarlledu fel ag y mae, neu fel ei fod â'r potensial i'w gyhoeddi neu ei ddarlledu gyda diwygiadau yn y cyflwyniad.

Learning Outcomes

• Cyfathrebu gwybodaeth a dehongliadau newydd sy'n deillio o ymchwil ar bwnc cerddolegol o'i ddewis.

• Cymhwyso sgiliau llyfryddiaethol wrth chwilio am wybodaeth a ffynonellau academaidd.

• Defnyddio arferion ysgrifennu academaidd ym maes cerddoriaeth.

• Dyfeisio a chynllunio prosiect ymchwil.

• Ymchwilio cerddoriaeth a hanes cerddoriaeth mewn dull strwythuredig, gwybodus, a gydag ymwybyddiaeth o fethodolegau penodol.