Overview

Adeilada’r modiwl hwn ar astudiaethau Cyfansoddi Blwyddyn 1, ynghyd â chyflwyno syniadau a thechnegau newydd ar yr un pryd. Bydd pwyslais cyson ar arbrofi mentrus a newydd-deb creadigol, gan weithio gydag arddulliau anghyweiraidd (cyn-donyddol, ôl-donyddol ac anhonyddol), ynghyd ac ymdriniaethau newydd o ffurf. Ceir gwaith damcaniaethol (gwrando, dadansoddi a thrafod pynciau) ynghyd a gwaith ymarferol (gweithio drwy dechnegau, cyflwyno enghreifftiau, datrys problemau), gan ganolbwyntio ar dechnegau ac elfennau penodol - rhai yn newydd, a rhai yn gyfarwydd ers modiwl Cyfansoddi Lefel 1. Nid yw’r modiwl hwn yn addas ar gyfer myfyrwyr sy’n dymuno cyfansoddi mewn arddulliau hanesyddol neu pastiche. Yn ogystal, bydd y modiwl hwn yn gosod y seiliau ar gyfer ymgymeryd a Phrosiect Cyfansoddi yn ystod y 3ydd flwyddyn.

Assessment Strategy

-threshold -(D) Cyfansoddiad sy’n arddangos rhywfaint o ddefnydd o dechnegau sylfaenol yr 20fed ganrif, o ran harmoni, rhythm, ac adeiledd, ynghyd â dealltwriaeth o offerynnau a lleisiau a’u cyd-destun. -good -(B) Cyfansoddiad sy’n arddangos dealltwriaeth glir o dechnegau’r 20fed ganrif, o ran harmoni, rhythm, ac adeiledd, ynghyd â chrebwyll glir o offerynnau a lleisiau a’u cyd-destun, ynghyd â’r gallu i osod sgorau I safon lled-broffesiynol. -excellent -(A) Cyfansoddiiad sy’n arddangos defnydd dychmygus a soffistigedig o ystod eang o dechnegau’r 20fed ganrif, o ran harmoni, rhythm, ac adeiledd, ynghyd â dealltwriaeth aeddfed a blaengar o offerynnau a lleisiau, a’r gallu i ysgrifennu’n ymarferol ac yn idiomatig I safon uchel, gan osod sgorau yn ôl egwyddorion safon cyhoeddi proffesiynol.

Learning Outcomes

• Erbyn cwblhau y modiwl dylai'r myfyrwyr fod yn hyderus yn gweithio gyda dulliau a deunydd cyfansoddi;

• Erbyn cwblhau y modiwl dylai'r myfyrwyr fod yn medru arddangos peth gwreiddioldeb gan ddechrau symud tuag at annibyniaeth creadigol;

• Erbyn cwblhau y modiwl dylai'r myfyrwyr fod yn medru defnyddio amryw o dechnegau cyfansoddi perthnasol;

• Erbyn cwblhau y modiwl dylai'r myfyrwyr fod yn medru gwerthuso rhagoriaethau cyfansoddiadau penodol a gyfansoddwyd mewn arddull gyfoes, gan gymhwyso y rhain o fewn ei gwaith eu hunain;

• Erbyn cwblhau y modiwl dylai'r myfyrwyr fod yn medru ysgrifennu cerddoriaeth sy’n: a) llwyddo i greu cydbwysedd o ran undod ac amrywiaeth; b) arddangos cynildeb; c) gwneud defnydd o dechnegau a astudiwyd ar y cwrs;