Overview

Mae’r modiwl hwn yn cynnig y cyfle i fyfyrwyr i gael rhywfaint o wybodaeth weithredol - yn theoretig ac yn ymarferol - ym maes gweinyddiaeth y celfyddydau. Yn ystod y flwyddyn, bydd myfyrwyr yn cynllunio ac yn ymgymryd â lleoliad annibynnol estynedig o o leiaf 40 awr yn y gymuned, gan anelu at gyflawni gôl benodol. Gall hwn fod yn ardal Bangor neu leoliad arall: mae lleoliadau posibl yn cynnwys canolfannau celf neu leoliadau eraill (e.e. Gwyliau, canolfannau cerdd, cerddorfa). Bydd briff penodol i’r prosiect, gyda tharged(au) clir a chyraeddadwy: gallai olygu gwneud ymchwil o’r farchnad ar ran canolfan gelfyddydol, gyda’r bwriad o greu cyfres o argymhellion ar bolisi, neu gallai olygu trefnu cyfres o weithdai addysgiadol ar thema benodol ar gyfer ysgol neu ysgolion lleol. Gall myfyrwyr rannu'r un lleoliad (e.e. Gwyl Gerdd Bangor) os ydy eu cyfrifoldebau penodol wedi eu nodi yn amlwg yn eu briff personol hwy.

Assessment Strategy

-threshold -Trothwy (D– i D+): Gwaith sy'n dangos gwybodaeth gyfyngedig o'r pwnc, gyda gallu syml i feddwl yn gysyniadol, ychydig dystiolaeth o ymdriniaeth ddeallusol wirioneddol, ond a fynegir yn ddealladwy serch hynny.

-good -Da (C– i B+): Gwaith sy'n dangos gafael gadarn ar y pwnc, meddwl cysyniadol da, tystiolaeth o graffter deallusol, ac wedi ei fynegi'n glir a diddorol.

-excellent -Ardderchog (A– i A*): Gwaith sy'n dangos gafael drwyadl ar y pwnc, gyda thystiolaeth o astudio pellach a meddwl cysyniadol dyfnach, gyda pheth gwreiddioldeb mewn dull ymdrin, ac wedi ei fynegi'n drefnus ac argyhoeddiadol.

Learning Outcomes

• Ar ôl cwblhau’r modiwl, bydd myfyrwyr yn gallu arddangos eu gallu i ymgymryd yn aeddfed ag ymchwil annibynnol sylweddol.

• Ar ôl cwblhau’r modiwl, bydd myfyrwyr yn gallu arddangos sgiliau gweinyddol, personol a chymdeithasol estynedig drwy fod yn gyfrifol am brosiect penodol yn y gymuned, sy’n cynnwys cyflawni gwaith annibynnol sylweddol.

• Ar ôl cwblhau’r modiwl, bydd myfyrwyr yn gallu defnyddio ystod o fedrau cyfathrebu, fel sy’n briodol i’r lefel hon o astudio.

• Ar ôl cwblhau’r modiwl, bydd myfyrwyr yn gallu gwneud dadansoddiad beirniadol o’r gwahanol ffactorau sy’n rhan o reoli’r celfyddydau

• Ar ôl cwblhau’r modiwl, bydd myfyrwyr yn gallu gwneud dadansoddiad beirniadol o’r sylfaen ddamcaniaethol sy’n sail i hyrwyddo’r celfyddydau yn y gymuned yn effeithiol.