Mae nifer a bleidleisiodd mawr yn Serendipedd 2016

Ar 21 a 22 Medi 2016, roedd Sefydliad Confucius yn bresennol yn Ffair Clybiau a Chymdeithasau flynyddol Undeb y Myfyrwyr o Prifysgol Bangor yn Neuadd Prichard-Jones, Prifysgol Bangor.

Daeth miloedd o fyfyrwyr i'r ffair, sydd â'r nod o gyflwyno myfyrwyr newydd i'r brifysgol, a chafodd stondin Sefydliad Confucius, oedd wedi ei haddurno'n gelfydd, lawer iawn o sylw - yn enwedig y melysion Tseiniaidd a'r bisgedi ffawd! Roedd athrawon Sefydliad Confucius wedi eu gwisgo mewn dillad traddodiadol Tseiniaidd ac roeddent yn cynnig arddangosiadau caligraffeg tra'n siarad â myfyrwyr am waith y sefydliad a'r digwyddiadau sydd ar y gweill megis y Penwythnos Ffilm Tsieineaidd. 

Mae Serendipedd yn gyfle gwych i'r sefydliad hyrwyddo iaith a diwylliant Tsieina, ac mae hefyd yn lle da i gwrdd â phobl wyneb-yn-wyneb a chael cefnogaeth gan fyfyrwyr o Tsieina a thramor sydd eisiau bod yn wirfoddolwyr yn y sefydliad. Casglwyd manylion cyswllt dros 150 o fyfyrwyr; ychwanegiad sylweddol at restr bostio'r sefydliad a llawer iawn o ffrindiau newydd i'w gwahodd i'r Clwb Myfyrwyr Tseiniaidd newydd, a fydd yn dechrau ddiwedd mis Hydref.

Dyddiad cyhoeddi: 23 Medi 2016