Overview

Mae Lleoliad Ymarfer Gwaith Cymdeithasol 1 yn 100 diwrnod ac yn rhoi cyfle i fyfyrwyr gael profiad o ymarfer gwaith cymdeithasol uniongyrchol, ac i ystyried a dadansoddi'r profiad hwn yn feirniadol. Mae hefyd yn cynnig cyfleoedd i gynyddu gwybodaeth am ddeddfwriaeth, polisïau, gweithdrefnau ac ymchwil sy’n hysbysu ymarfer

Mae'r lleoliad yn cynnwys:

• Rhaglen sefydlu yn yr asiantaeth lleoliad.
• Sesiynau goruchwylio cyson i gefnogi a datblygu dysgu'r myfyriwr.
• Cyfleoedd dysgu i ddatblygu sgiliau ymarfer gwaith cymdeithasol trwy weithio / cydweithio sy'n briodol i lefel datblygiad y myfyriwr.
• Cyfle i gymryd rhan mewn gwaith uniongyrchol a fydd yn galluogi'r myfyriwr i ddangos tystiolaeth o’r Safonau Galwedigaethol Cenedlaethol ar gyfer Gwaith Cymdeithasol (SW) a’r Cód Ymarfer Proffesiynol (CoPP)
• Cyfleoedd ar gyfer gwaith rhyng-broffesiynol.
• Integreiddio dulliau gwaith cymdeithasol, modelau a damcaniaethau i ymarfer a ddefnyddir yn ystod y lleoliad.
• Cyfleoedd i fyfyrio a dadansoddi’n feirniadol yn llafar ac yn ysgrifenedig mewn ymarfer.

Bydd o leiaf bump arsylwad uniongyrchol o ymarfer myfyriwr gydag unigolion yn ystod y lleoliad hwn. Mae’n rhaid i o leiaf bedwar o'r arsylwadau gael eu cwblhau gan yr addysgwr ymarfer enwebedig, tra gall y llall gael ei wneud gan weithiwr cymdeithasol arall sydd yn gofrestredig ers o leiaf 3 blynedd. Gofynnir am adborth mewn perthynas ag ymarfer y myfyriwr gan yr unigolion y mae'r myfyriwr wedi bod yn gweithio gyda hwy.

Bydd pwynt asesu ffurfiol ar ôl 20 diwrnod cyntaf y lleoliad. Bydd angen i'r myfyriwr ddarparu tystiolaeth eu bod wedi cwrdd â safonau penodedig (SW’s) a dangos eu bod yn addas ac yn ddiogel i fynd ymlaen â'r lleoliad. Bydd monitro a chefnogaeth ychwanegol ar gael i fyfyrwyr sydd yn cael anawsterau i gwrdd a'r gofynion ar y pwynt yma.

Ystyrir fod gan fyfyrwyr hawl i oruchwyliaeth ffurfiol, rheolaidd a hyrwyddol i bwrpas myfyrio a datblygu drwy gydol y lleoliad. Bydd materion neu bryderon yn cael eu trafod mewn modd agored, a'u rheoli a'u datrys gyda chynlluniau cefnogi cytunedig os oes angen.

Bydd cynnwys y portffolio terfynol Lleoliad Ymarfer Gwaith Cymdeithasol 1 yn cynnwys y canlynol: • Cytundeb Dysgu Ymarfer yn cynnwys manylion yr holl bartïon sy'n ymwneud a'r lleoliad, oriau’r asiantaeth, gwahanol agweddau ar y trefniadau mewn perthynas â rheoli’r lleoliad deilliannau dysgu'r myfyriwr a'r disgwyliadau ohono/i, y cyfleodd dysgu sydd ar gael, ac ati • Dogfennau dadansoddi ac adlewyrchu ar ymarfer, gan gynnwys paratoadau, adlewyrchiadau’r myfyrwyr, asesydd ymarfer ac adborth unigolion a gofalwyr • Adroddiad o gynnydd mewn perthynas a gwahanol sgiliau proffesiynol • Adroddiad crynodol yn dilyn 20 diwrnod cyntaf y lleoliad • Adroddiad Canol Ffordd ar gynnydd myfyrwyr yn hanner cyntaf y lleoliad, a chynllun ar gyfer yr ail hanner • Adroddiad terfynol Addysgwr Ymarfer gydag argymhelliad pasio / methu • Grid mapio tystiolaeth SGC a’r Cód Ymarfer Proffesiynol o fewn y portffolio • Cofnodion o unrhyw gyfarfodydd ychwanegol gynhaliwyd yn ystod y lleoliad • Tystiolaeth ddogfennol arall fel y bo'n briodol.

Assessment Strategy

-threshold -Pasio / MethuBydd y lleoliad yn cael ei ddyfarnu gan benderfyniad o basio neu fethu. Ni fydd marc canran yn cael ei roi ar gyfer y portffolio lleoliad. I lwyddo rhaid i fyfyrwyr ddarparu tystiolaeth yn erbyn y Safonau Galwedigaethol Cenedlaethol ar gyfer Gwaith Cymdeithasol a'r Côd Ymarfer Proffesiynol ar gyfer Gofal Cymdeithasol. Mae'r gofynion hyn wedi'u nodi yn y Fframwaith ar gyfer y Radd mewn Gwaith Cymdeithasol yng Nghymru (2018), gan Gofal Cymdeithasol Cymru.

Learning Outcomes

• Dangos eu bod wedi caffael dealltwriaeth, yn uniongyrchol gan ddefnyddwyr gwasanaeth a gofalwyr, o effaith ymarfer gwaith cymdeithasol arnynt;

• Dangos eu bod wedi gallu datblygu hunaniaeth broffesiynol fel gweithiwr cymdeithasol drwy brofiad dysgu cydlynol ac integredig;

• Dangos eu bod yn gallu defnyddio dulliau technoleg gwybodaeth a chyfathrebu (TGCh) a thechnegau i gefnogi eu dysgu ac ymarfer fel y diffinnir gan y Datganiadau Meincnodi ar gyfer Gwaith Cymdeithasol;

• Dangos eu bod yn meddu ar y sgiliau rhyngbersonol a'r gwerthoedd gofynnol er mwyn iddo ef neu hi fod yn addas ac yn ddiogel i weithio gydag unigolion sy'n defnyddio gwasanaethau a'r rhai sy'n gofalu amdanynt.

• Dangos fod gennynt yr wybodaeth ddamcaniaethol a'r profiad ymarferol angenrheidiol i ddatblygu ymarfer gwaith cymdeithasol rhyngbroffesiynol a rhyngasiantaethol effeithiol;

• Dangos gallu i adnabod, deall ac ymateb i faterion sy'n benodol i neu sy'n nodweddiadol o anghenion Cymru, ei hieithoedd, deddfwriaeth, diwylliant, daearyddiaeth a sefydliadau a sefyllfa nodedig yr Iaith Gymraeg;

• Dangos gallu i adnabod, deall ac ymateb i faterion sy'n ymwneud â swyddogaethau statudol o ddiogelu ac amddiffyn plant ac oedolion mewn perygl.

• Dangos gallu i ddisgrifio, egluro a chymhwyso'r Côd Ymarfer Proffesiynol ar gyfer Gweithwyr Gofal Cymdeithasol drwy eu hymarfer, ymddygiad a gwaith academaidd;

• Dangos gallu i integreiddio eu hymarfer, theori gwaith cymdeithasol perthnasol, deddfwriaeth ac ymchwil yn effeithiol;

• Dangos tystiolaeth o gymhwysedd yn 6 rôl allweddol gwaith cymdeithasol fel y diffinnir gan yr 20 o Safonau Galwedigaethol Cenedlaethol ar gyfer Gwaith Cymdeithasol (2012). (Bydd asesiadau yn cael eu hysbysu gan Ddangosyddion Perfformiad briodolir ar gyfer y lefel hon);

• Dangos y gallant werthuso a dysgu o'u ymarfer gwaith cymdeithasol eu hunain a gwaith eraill;