Ynglŷn â’r Cwrs Yma
Mae'r cwrs hwn yn cyflwyno egwyddorion ac arferion cyd-gynhyrchu, gan gynnig canllawiau ymarferol ar ddatblygu ymchwil neu wasanaethau gyda phobl sydd â phrofiad o fyw gyda dementia. Mae’n addas i aelodau'r cyhoedd a gweithwyr proffesiynol o amrywiaeth eang o gefndiroedd, cyflwynir y cwrs trwy dri modiwl byr gan ddefnyddio sgyrsiau wedi eu recordio, cyfweliadau ac adnoddau ar-lein.
Pa mor hir mae'n ei gymryd i gwblhau'r cwrs?
Mae'r cwrs hwn yn cynnig tua 5 awr o ddeunydd addysgu ar-lein. Anogir cyfranogwyr i ganiatáu 5 awr ychwanegol o amser astudio annibynnol er mwyn cael y budd mwyaf o'r cwrs.
Mae'r cwrs ar-lein ac yn hunan-gyfeiriedig, sy’n caniatáu ichi astudio ar eich cyflymder eich hun.
Pam Astudio'r cwrs hwn?
Erbyn diwedd y cwrs, bydd y rhai sy'n gwneud y cwrs wedi:
- Datblygu dealltwriaeth fanwl o gyd-gynhyrchu ym maes ymchwil iechyd a gofal cymdeithasol, gyda phwyslais penodol ar weithio gyda phobl sy'n byw gyda dementia
- Ystyried amrywiaeth o ddulliau cyd-gynhyrchu a ddefnyddir mewn ymchwil sy'n gysylltiedig â dementia a heneiddio
- Adyfyrio'n feirniadol ar yr heriau a'r cyfleoedd sy'n gysylltiedig â chymhwyso cyd-gynhyrchu yn eu cyd-destun proffesiynol neu glinigol eu hunain
- Cael cipolwg ar effeithiau cadarnhaol cyd-gynhyrchu ar unigolion, gwasanaethau a chanlyniadau ymchwil
- Teimlo'n fwy parod i ddylunio a chymhwyso egwyddorion cyd-gynhyrchu o fewn eu gwaith proffesiynol neu ymarferol
Ar gyfer pwy mae'r cwrs hwn yn addas?
Mae'r cwrs hwn yn addas i amrywiaeth eang o ddysgwyr, gan gynnwys:
- Pobl sy'n gweithio mewn sefydliadau cyhoeddus neu breifat, yn y Deyrnas Unedig neu'n rhyngwladol (i gyfranogwyr sy'n siarad Saesneg), yn enwedig ym maes gofal iechyd a chymdeithasol
- Gweithwyr proffesiynol gofal iechyd a chymdeithasol
- Gweithwyr proffesiynol sy'n gweithio gydag elusennau, gan gynnwys y rhai sy'n cefnogi oedolion hŷn, pobl sy'n byw gyda dementia, gofalwyr di-dâl ac aelodau o'r teulu
- Ymchwilwyr ac academyddion, gan gynnwys myfyrwyr doethurol, sy'n gweithio ym maes iechyd, gwyddorau cymdeithas neu wyddorau meddygol
- Aelodau o'r cyhoedd sydd â diddordeb mewn ymchwil neu gyd-gynhyrchu
- Gofalwyr di-dâl
- Pobl sy'n byw gyda dementia
Tiwtor
Y'r Athro Gill Windle
Cynnwys y Cwrs
Beth fyddwch chi’n ei astudio ar y cwrs yma?
Mae'r cwrs hwn yn cyflwyno dysgwyr i egwyddorion ac arfer cyd-gynhyrchu mewn ymchwil iechyd a gofal cymdeithasol, gyda phwyslais penodol ar ddementia a heneiddio. Bydd cyfranogwyr yn ystyried pam mae cyd-gynhyrchu yn bwysig, y manteision y gall eu cynnig a sut y gall wella ansawdd ac effaith ymchwil a gwasanaethau.
Bydd dysgwyr yn cael eu cyflwyno i gysyniadau a fframweithiau allweddol, gan gynnwys egwyddorion cyd-gynhyrchu NIHR, a byddant yn trafod sut beth yw cyd-gynhyrchu o ansawdd uchel mewn ymarfer. Mae'r cwrs yn edrych ar y ffactorau sy'n sail i strategaethau cyd-gynhyrchu effeithiol mewn ymchwil i ddementia a heneiddio, ochr yn ochr â'r heriau a all godi wrth weithio gyda phobl sydd â phrofiad ohono.
Trwy enghreifftiau a dysgu dan arweiniad, bydd cyfranogwyr yn ystyried amrywiaeth o ddulliau a dulliau cyd-gynhyrchu, gan ddatblygu'r gallu i archwilio a beirniadu eu hansawdd a'u priodoldeb. Mae'r cwrs hefyd yn annog dysgwyr i fyfyrio ar sut y gellir cymhwyso egwyddorion cyd-gynhyrchu yn eu cyd-destun proffesiynol, clinigol neu bersonol eu hunain, gan gefnogi ymgysylltiad mwy cynhwysol ac ystyrlon mewn gwaith yn y dyfodol.
Bydd dysgwyr yn derbyn tystysgrif cwblhau ar ôl cwblhau'r cwrs yn llwyddiannus. Bydd yn nodi teitl y cwrs a nifer yr oriau DPP a astudiwyd / Bydd tystysgrif cwblhau ar gael ar ôl cwblhau’r cwrs yn llwyddiannus. Bydd yn nodi teitl y cwrs a nifer yr oriau DPP a astudiwyd.
Rhestr o unedau
Modiwl 1 – Cyflwyniad i gydgynhyrchu
Modiwl 2 – Cydgynhyrchu gyda gofalwyr di-dâl a phobl sy’n byw gyda dementia
Modiwl 3 – Sefydlu tîm cydgynhyrchu gyda phobl sy’n byw gyda dementia
Cost y Cwrs
Mae'r cwrs yma am ddim.
Gwneud Cais
I ymuno â’r cwrs, bydd angen i chi greu cyfrif ar ein platfform Blackboard TDM yn gyntaf. Gallwch gael mynediad at ddogfen ganllaw i’ch helpu i sefydlu eich cyfrif yma:
Unwaith y bydd eich cyfrif wedi’i sefydlu, gallwch hunan-gofrestru gan ddefnyddio’r ddolen cwrs yn y blwch coch isod.