Ymgysylltiad Dinesig: Gweithio gyda'r gymuned

Yn 2022, sefydlwyd y Bwrdd Cymunedol. Mae'r Bwrdd yn disodli'r hen Grŵp Cyswllt Prifysgol Bangor (BULG), ac mae'n cynnwys cynrychiolwyr o ystod eang o sefydliadau, sefydliadau a phartneriaid gwasanaethau cyhoeddus ym Mangor ac ar draws gogledd orllewin Cymru. Mae’r Bwrdd yn ffordd bwysig o gysylltu’r Brifysgol â’n cymunedau, i drafod meysydd ar gyfer cydweithio ac i gydweithio ar faterion o ddiddordeb cyffredin.

Datblygodd gwyddonwyr o Brifysgol Bangor y broses o brofi dŵr gwastraff ar gyfer COVID-19 i ddechrau, a defnyddiwyd y gwaith hwn, a wnaed mewn partneriaeth â Llywodraeth Cymru, Prifysgol Caerdydd, Dŵr Cymru a Hafren Dyfrdwy, i ganfod yn gynnar y don Omicron ar draws Cymru. Mae’r tim bellach yn cydweithio ag ysbytai ac wedi ychwanegu glefydau trosglwyddadwy i’w alluoedd.

Mae’r rhaglen yn darparu data hanfodol ar nifer yr achosion o’r coronafeirws yn y gymuned a bydd ychwanegu’r safleoedd allweddol hyn a chlefydau trosglwyddadwy ychwanegol at y gwaith monitro sydd eisoes ar waith ar draws byrddau iechyd ac awdurdodau lleol Cymru er mwyn dyfnhau’r mewnwelediad a’r wybodaeth leol sydd ei angen wrth wneud penderfyniadau iechyd cyhoeddus. Mae astudiaeth fwy diweddar wedi ymchwilio i weld a allai defnyddio profion dŵr gwastraff fel ffordd o fonitro iechyd cyffredinol teithwyr ar awyrennau sy'n dod i'r wlad yn y dyfodol.

Sefydlwyd y rhaglen M.A. Gwaith Cymdeithasol yn 2012 er mwyn sicrhau cyflenwad o weithwyr cymdeithasol dwyieithog, sydd yn bennaf ddiwallu anghenion y gweithlu gwaith cymdeithasol lleol. Mae hyn mewn partneriaeth gyda Chynghorau Ynys Môn, Gwynedd a Chonwy sydd yn darparu lleoliadau gwaith ar gyfer myfyrwyr sydd o gwmpas 50% o’u hyfforddiant proffesiynol.  

Drwy addysgu’r boblogaeth leol i wasanaethu’r boblogaeth leol mae’r rhaglen yn gweithio gydag unigolion i sefydlu eu canlyniadau llesiant ac yn cydweithio gydag asiantaethau a gweithwyr proffesiynol eraill megis yr heddlu, gweithwyr iechyd, y sector addysg a ‘r sector tai, er mwyn darparu gwasanaethau sydd yn gwella ansawdd bywyd, diogelu rhag niwed a chamdriniaeth, a gwella rhagolygon i allu byw bywyd mor llawn â phosib.

Mae’r Brifysgol yn cefnogi pobl sy’n byw gyda dementia, eu partneriaid, teuluoedd a gofalwyr mewn nifer o ffyrdd, gan gynnwys Grŵp Caban, Rhwydwaith Dementia Gogledd Cymru, a gweithio tuag at ddod yn Brifysgol sy’n Deall Dementia. Datblygir ymchwil ochr yn ochr â phobl y mae dementia yn effeithio arnynt.

Arweiniodd y Brifysgol ar ymchwil newydd yn 2021 i archwilio dylanwad negeseuon yn y cyfryngau ar ddewisiadau gwisgo masgiau pobl yn ystod pandemig Covid-19.

Yn 2020, cwblhawyd map yn dangos hanes Iddewig Llandudno. Mae'r map yn dathlu presenoldeb Iddewon yn Llandudno o ddiwedd y bedwaredd ganrif ar bymtheg hyd heddiw. Mae'n cyd-fynd â'r map cynharach o hanes Iddewig Bangor.

Caiff y project ei gynllunio a'i gynnal gan ymchwilwyr yn Ysgol Seicoleg, a Chanolfan Dyslecsia Miles yn y Brifysgol. Mae'n cynnwys rhaglen iaith a llythrennedd fer i blant Cyfnod Allweddol, 2 ac fe'i lansiwyd mewn ymateb i bandemig Covid-19 a'r cyfnod clo cenedlaethol a ddaeth yn ei sgil fis Ebrill 2020. Y genhadaeth yw sicrhau y gall plant barhau i dderbyn yr hyfforddiant llythrennedd gorau posibl pan darfir ar addysg, a hwyluso cynnydd mewn llythrennedd nawr bod plant yn ôl yn yr ysgol.

Ymgyrch a ddechreuwyd er mwyn annog pobl sydd wedi symud allan o Gymru i ddychwelyd i fyw a gweithio yma. Hyd yn hyn mae pump o bobl wedi dychwelyd, un bellach wedi ei leoli yn M-SParc, ac yn dod o lefydd mor bell â Lerpwl, Llundain, a Texas! Mae'r ymgyrch yn cael ei rhedeg mewn partneriaeth â Bwrdd Uchelgais Economaidd Gogledd Cymru, Llwyddo'n Lleol, ac eraill.

Mewn cydweithrediad unigryw â’r GIG, mae myfyrwyr MSc Cwnsela Prifysgol Bangor yn darparu tua 1500 awr o gwnsela i dros 200 o gleientiaid y flwyddyn yng Ngwasanaeth Iechyd Meddwl Sylfaenol Bwrdd Iechyd Prifysgol Betsi Cadwaladr. Mae'r math hwn o gydweithio ar leoliad yn unigryw i Brifysgol Bangor ac roedd yn ganlyniad i fwy o alw gan y cyhoedd am wasanaeth y GIG, a diffyg myfyrwyr 'parod i ymdrin â chleientiaid' yn gadael y brifysgol. .

Mae Clinig y Gyfraith Gogledd a Chanolbarth Cymru yn bartneriaeth o saith cangen Cyngor ar Bopeth Lleol ac Ysgol Hanes, y Gyfraith a Gwyddorau Cymdeithas y Brifysgol sy’n darparu gwasanaeth i gefnogi Ymgyfreithwyr wyneb yn wyneb ar bob cam o’u taith. Mae myfyrwyr Prifysgol Bangor yn cael eu hyfforddi mewn meysydd allweddol megis cyfraith teulu, gofal cymunedol a chyfraith cyflogaeth ac yn cael cynnig y cyfle i ddatblygu a defnyddio eu gwybodaeth gyfreithiol mewn sefyllfa bywyd go iawn.

Mae Gwirfoddoli Myfyrwyr Bangor yn trefnu llu o weithgareddau i drigolion lleol, yn cynnwys te partis (sydd wedi bod yn rhedeg ers 1952), teithiau undydd i bobl hŷn, tripiau i gael te prynhawn a hyd yn oed ymweliadau â gwarchodfa boblogaidd i fulod yn Eryri.

Mae myfyrwyr yn gwirfoddoli'n rheolaidd mewn cartrefi gofal lleol ac yn helpu i drefnu llu o weithgareddau yn ogystal â bod yn glust i wrando ar drigolion sydd eisiau dim byd ond sgwrs. Yn yr un modd, mae Caffi’r Hafan yng nghanol dinas Bangor yn rhoi cyfle i fyfyrwyr wirfoddoli mewn canolfan gymunedol sy’n hybu lles a byw’n annibynnol ac yn cynnig lle i aelodau o’r gymuned leol gael paned a chymdeithasu.