Niwclear Gogledd Cymru: cefnogi dyfodol Adweithydd Modiwlaidd Bach Wylfa

Swydd: Cyfarwyddwr, Sefydliad y Dyfodol Niwclear / Arweinydd Systemau Adweithyddion Modiwlaidd Bach

Maes arbenigedd:  Deunyddiau adweithyddion, hydroleg thermol ac achosion diogelwch.

Gwerth i'ch Project: "Mae'r Athro Michael Rushton yn arwain y timau dilysu technegol i systemau niwclear uwch. Gyda phwyslais penodol ar Wylfa, mae'n goruchwylio cyfleuster THOR, gan ddarparu'r data profi straen hanfodol sy’n angenrheidiol i ddilysu dyluniadau oeri adweithyddion modiwlaidd bach cyn i'r gwaith adeiladu ddechrau. Mae ei dîm yn pontio'r bwlch rhwng y cysyniad digidol a'r realiti diriaethol.
 

"Rydym yn modelu'r adweithydd ac yn cynnal profion straen." Fy ngwaith i yw sicrhau bod y dechnoleg rydych yn ei defnyddio yn Wylfa wedi ei dilysu, yn ddiogel ac yn addas i’r cylch oes 60 mlynedd."

Swydd: Athro Gwyddorau’r Amgylchedd ac Iechyd y Cyhoedd.

Maes arbenigedd:  Ymddygiad radioisotopau yn yr amgylchedd.

Gwerth i'ch project: “Mae'r Athro Davey Jones yn arbenigwr ym maes symud isotopau ymbelydrol a llygryddion cysylltiedig eraill mewn ecosystemau daearol a dyfrol. Ar gyfer project Wylfa, mae'n darparu'r gallu i ddeall tynged ac ymddygiad radioisotopau yn y system planhigion-pridd-dŵr, yn ogystal â'u heffaith ar gylchred biogeocemegol a gweithrediad ecosystemau. Mae hefyd yn darparu arbenigedd mewn deall effaith adeiladu gorsafoedd niwclear ar allyriadau nwyon tŷ gwydr, bioamrywiaeth, ansawdd pridd a dŵr.
 

"Mae'r arbenigedd hwn yn galluogi monitro amgylcheddol cynhwysfawr i asesu cyfaddawdau rhwng manteision datblygu seilwaith ac effeithiau ecolegol trwy gydol cylch oes y project." Bydd y dull hwn yn sefydlu methodolegau arfer gorau er mwyn monitro amgylchedd cyfleusterau niwclear, gan ddarparu model i brojectau seilwaith ynni yn y Deyrnas Unedig yn y dyfodol".

Swydd: Arweinydd Bioleg Môr ac Ansawdd Dŵr / Darllenydd mewn Bioleg Môr

Maes arbenigedd:  Effeithiau anthropogenig, ansawdd dŵr a rheoliad cynefinoedd.

Gwerth i'ch Project: "Mae'r Athro Shelagh Malham yn arbenigo mewn symud llygryddion o ddŵr croyw trwy aberoedd i amgylcheddau arfordirol. I broject Wylfa, mae hi'n darparu'r monitro cydraniad uchel sy’n angenrheidiol i ddeall sut mae halogyddion yn effeithio ar blanhigion ac anifeiliaid y môr. Mae ei gwaith yn sicrhau bod pob gweithrediad yn y môr yn cyd-fynd â safonau rheoleiddio llym a gwaelodlin amgylcheddol."
 

"Mae angen tystiolaeth a data i ddeall a lleihau'r risg o effaith datblygiad ar ecosystemau arfordirol bregus." Fy ngwaith i yw darparu'r sicrwydd biolegol sy’n angenrheidiol i ddiogelu’r amgylchedd morol trwy gydol cylch oes y project."

Swydd: Athro Eigioneg Ffisegol

Maes arbenigedd:  Hydrodynameg, gwasgariad llygredd ac ansawdd dŵr.

Gwerth i'ch Project: “Mae'r Athro Peter Robins yn arbenigo mewn eigioneg ffisegol a nodweddion gwasgariad Môr Iwerddon. Mae'n gyfrifol am y modelu hydrodynamig sy'n llywio cais cynllunio Wylfa, gan sicrhau bod arllwysiad dŵr oeri a gwasgariad llygredd yn cael eu mapio'n gywir i fodloni gofynion amgylcheddol Cyfoeth Naturiol Cymru.”

"Mae deall symudiad ffisegol dŵr yn hanfodol i ddiogelwch y safle. Rydym yn darparu'r modelu fforensig a'r wybodaeth sy’n angenrheidiol i sicrhau bod effaith y project ar yr amgylchedd arfordirol yn cael ei ddeall yn llawn a bod y risg yn cael ei leihau."

Swydd: Cyd-gyfarwyddwr Sefydliad y Dyfodol Niwclear / Athro Deunyddiau Niwclear

Maes arbenigedd:  Perfformiad tanwydd niwclear, gwyddor deunyddiau a systemau ymholltiad/ymasiad.

Gwerth i'ch project: "Mae'r Athro Simon Middleburgh yn arwain datblygiad deunyddiau niwclear y genhedlaeth nesaf. Mae’n goruchwylio cyfleusterau eithriadol Sefydliad y Dyfodol Niwclear ac yn gyrru ymchwil sy'n berthnasol i ddiwydiant i bontio'r bwlch rhwng gwyddoniaeth sylfaenol a defnydd masnachol ym maes hollti, cyfuno ac amddiffyn.
 

Rydym wedi adeiladu set o gyfleusterau eithriadol yma i ysbrydoli'r genhedlaeth nesaf a gyrru ymchwil effeithiol. Fy ngwaith i yw sicrhau bod y deunyddiau a'r tanwyddau rydym yn eu defnyddio mewn modd gwydn ac arloesol sy’n diwallu gofynion unigryw ynni Cymru.

Swydd: Dirprwy Is-ganghellor Cynorthwyol dros Gynaliadwyedd / Cyfarwyddwr, y Ganolfan Ragoriaeth i Atebion Seiliedig ar Natur

Maes arbenigedd:  Gwyddor gwlypdiroedd, dal a storio carbon ac atebion seiliedig ar natur.

Gwerth i'ch Project: "Mae'r Athro Christian Dunn yn arwain ar y gwaith o integreiddio seilwaith sy'n seiliedig ar natur i strategaethau amgylcheddol ar raddfa fawr. Mae'n goruchwylio dylunio gwlypdiroedd adeiledig ac adfer mawndiroedd i ddal a storio carbon ac enillion net bioamrywiaeth, gan bontio'r bwlch rhwng damcaniaeth a strategaethau maes y gellir eu defnyddio.
 

"Nid ydym yn astudio'r dirwedd yn unig; rydym yn ei pheiriannu ar gyfer gwydnwch. Fy ngwaith i yw sicrhau bod yr atebion seiliedig ar natur rydych yn eu defnyddio wedi eu dilysu'n wyddonol, yn gost-effeithiol ac yn gallu rheoli risgiau amgylcheddol hirdymor fel llifogydd, sychder a llygredd.

Swydd: Arweinydd Deallusrwydd Artiffisial a Gwyddor Data / Darlithydd Deallusrwydd Artiffisial

Maes arbenigedd:  Modelu’n seiliedig ar ddeallusrwydd artiffisial, optimeiddio diwydiannol a gwneud penderfyniadau rhagfynegol.

Gwerth i'ch Project: "Mae Dr Mosab Bazargani yn arbenigwr mewn modelu ac optimeiddio cymwysiadau diwydiannol ar raddfa fawr ar sail deallusrwydd artiffisial. I broject Wylfa, mae'n darparu'r systemau logisteg deallus sy’n angenrheidiol i gydlynu cadwyni cyflenwi cymhleth a threfnu’r gweithlu. Mae ei waith yn sicrhau bod gweithrediadau seilwaith mawr yn cynyddu effeithlonrwydd i'r eithaf tra’n amharu cyn lleied â phosib ar yr amgylchedd a'r gymuned leol."
 

"Mae angen optimeiddio sy'n seiliedig ar ddata i ddeall a lleihau'r risg o effaith logistaidd datblygiadau ar seilwaith rhanbarthol." Fy ngwaith i yw darparu'r sicrwydd digidol sy’n angenrheidiol i wella gwydnwch y project a chyflawniad gweithredol trwy gydol oes y project.

Swydd: Athro Addysg / Dirprwy Is-Ganghellor (Iaith, Diwylliant a’r Rhanbarth)

Maes arbenigedd:  Trosglwyddo, caffael a defnyddio iaith; dwyieithrwydd ac addysg ddwyieithog; polisi rhanbarthol a chynaliadwyedd ieithoedd lleiafrifol.

Gwerth i'ch Project: "Mae’r Athro Enlli Thomas yn awdurdod blaenllaw ar y Gymraeg a dwyieithrwydd ieithoedd lleiafrifol, ac yn dod â chyfoeth o wybodaeth i’r berthynas rhwng datblygiad seilwaith sylweddol a bywiogrwydd yr iaith, a llesiant cymunedol mewn rhanbarthau dwyieithog. O ran prosiect Wylfa, mai’n cynnig asesiad arbenigol o’r tirwedd ieithyddol a diwylliannol, gan sicrhau bod datblygiadau yn cryfhau’r iaith, ac nid yn tanseilio, cynaliadwyedd tymor hir cymunedau Cymraeg eu hiaith. Mae ei mewnwelediadau yn helpu i arwain strategaethau sy’n seiliedig ar dystiolaeth sy’n cydbwyso cyfleoedd economaidd â chadwraeth ddiwylliannol, gan gefnogi twf rhanbarthol cyfrifol."
 

“Mae datblygiad ystyrlon yn gofyn am ddealltwriaeth ddofn o’r modd y mae ieithoedd lleol, hunaniaethau ac arferion diwylliannol yn siapio gwydnwch cymunedol. Fy rôl i yw sicrhau, wrth gosod SMR, yn parchu ac yn cryfhau gwe ieithyddol y rhanbarth, gan alluogi’r rhai sy’n gwneud penderfyniadau i ragweld effaith, diogelu asedau diwylliannol, a llunio camau sy’n meithrin ymddiriedaeth, cynhwysiant, a gwerth cymdeithasol hirdymor.