Mae canlyniadau Complete University Guide 2026 ar gyfer Prifysgol Bangor wedi'u cyhoeddi.
Mae Bangor wedi dringo 13 safle, o 68 i 55 (allan o 130) yn nhabl cynghrair y Complete University Guide.
Mae perfformiad yn ganlyniad i welliannau a sicrhawyd yn y dangosydd Boddhad Myfyrwyr, sydd wedi’i seilio ar ganlyniadau'r Arolwg Cenedlaethol o Fyfyrwyr ar gyfer 2024. Mae'r dangosydd hwn wedi gwella 4% ers y llynedd, ac mae'r Brifysgol bellach yn y 69ain safle (i fyny 43 lle). Mae uchafbwyntiau eraill yn cynnwys bod yn yr ugain uchaf ar gyfer gwariant cyfleusterau, a’r deugain uchaf ar gyfer ansawdd ymchwil.
Mae Bangor bellach yn 4ydd yng Nghymru allan o 8 prifysgol, cynnydd o 1 safle. Yr uchafbwyntiau yng Nghymru, yw bod Bangor yn ail yng Nghymru am wariant cyfleusterau, a'r ail am ansawdd ymchwil.
Astudiaethau Iechyd yw’r pwnc gyda'r radd gorau, gyda’r pwnc yn hawlio’r 4ydd safle (allan o 35). Mae Addysg yn perfformio'n arbennig o gryf yn gyffredinol, gan ddod yn yr 8fed safle yn erbyn 91 o sefydliadau oedd wedi'u rhestru.
Dywedodd y Dirprwy Is-Ganghellor dros Addysg a Phrofiad Myfyrwyr, yr Athro Nichola Callow:
“Ym Mangor rydym wedi ymrwymo i gyflwyno cyrsiau sy’n ysgogi, yn herio, ac wedi’u cynllunio i baratoi ein myfyrwyr ar gyfer llwyddo yn eu gyrfaoedd yn y dyfodol.
“Rydym yn falch o weld cynnydd o 4% ym modlonrwydd myfyrwyr a’n bod wedi dringo tair safle ar ddeg safle yn uwch yn y rhestrau cenedlaethol. Mae’r canlyniadau hyn yn adlewyrchu ein hymrwymiad parhaus i ddarparu profiad o ansawdd uchel i’n myfyrwyr, ymchwil ragorol, a chanlyniadau graddedigion cryf. Gyda rhestrau rhagorol mewn cyfleusterau a phwnc addysg, mae Bangor yn parhau i adeiladu ar ei chryfderau ar draws y bwrdd.”
Meysydd perfformiad pwnc
Pynciau sy'n perfformio cryfaf eleni yn y Canllaw Prifysgolion Cyflawn (yn y 25% uchaf):
Safle cyffredinol
- Addysg (yn 8fed allan o 91)
- Technoleg Feddygol a Biobeirianneg (yn 5ed allan o 44)
- Astudiaethau Iechyd (yn 4ydd allan o 35)
- Astudiaethau Plentyndod ac Ieuenctid (5ed allan o 42)
- Celf a Dylunio (Cyrsiau dylunio cynnyrch) (14eg allan o 83)
- Cerddoriaeth (20fed allan o 80)
Safonau mynediad (pwyntiau tariff UCAS cyfartalog ar gyfer newydd-ddyfodiaid israddedig
- Plentyndod ac Astudiaethau Ieuenctid (3ydd allan o 41)
- Technoleg Feddygol a Biobeirianneg (cyrsiau Radiograffeg) (10fed allan o 41)
- Addysg (cyrsiau hyfforddi athrawon) (17eg allan o 91)
- Marchnata (20fed allan o 89)
Rhagolygon Graddedigion – canlyniadau (cyfran y graddedigion mewn cyflogaethau lefel broffesiynol, ac astudiaethau pellach Addysg Uwch):
- Technoleg feddygol a biobeirianneg (safle 1 allan o 40)
- Polisi Cymdeithasol 7fed (allan o 35)
- Nyrsio a Bydwreigiaeth (yn 6fed allan o 77)
- Cerddoriaeth (yn 16eg allan o 69)
Rhagolygon Graddedigion – ar y trywydd iawn (Cyfran y graddedigion a gytunodd fod eu gweithgaredd ar ôl graddio ar y trywydd iawn gyda'u cynlluniau ar gyfer y dyfodol):
- Cerddoriaeth (yn 3ydd allan o 68)
- Daearyddiaeth a gwyddor amgylcheddol (yn 10fed allan o 72)
- Celf a Dylunio (cyrsiau dylunio cynnyrch) (17eg allan o 83)
- Addysg (cyrsiau hyfforddi athrawon) (20fed allan o 87)
Parhad (cyfraddau cadw, graddio a throsglwyddo myfyrwyr blwyddyn gyntaf):
- Technoleg feddygol a biobeirianneg (yn 1af allan o 44)
- Astudiaethau iechyd (yn 1af allan o 33)
- Addysg (yn 4ydd allan o 91)
- Astudiaethau Plentyndod ac Ieuenctid (7fed allan o 42)
- Hanes (19eg allan o 90)
- Cyfrifiadureg (27ain allan o 117)
Ansawdd yr ymchwil:
- Astudiaethau iechyd (yn 1af allan o 29)
- Amaethyddiaeth a Choedwigaeth (2il allan o 14)
- Gwyddor Chwaraeon (yn 3ydd allan o 80)
- Gwyddorau biolegol (yn 7fed allan o 85)
- Gwyddorau biofeddygol (yn 8fed allan o 76)
- Technoleg Feddygol a Biobeirianneg (cyrsiau Radiograffeg) (9fed allan o 35)
- Nyrsio a Bydwreigiaeth (13eg allan o 76)
- Daearyddiaeth a Gwyddorau'r Amgylchedd (15fed allan o 69)
Boddhad myfyrwyr:
- Celf a dylunio (yn 1af allan o 83)
- Amaethyddiaeth a Choedwigaeth (3ydd allan o 17)
- Athroniaeth (5ed allan o 45)
- Cyfrifiadureg (yn 7fed allan o 116)
- Peirianneg Drydanol ac Electronig (8fed allan o 72)
- Cymdeithaseg (15fed allan o 101)
Ewch i www.thecompleteuniversityguide.co.uk am y dadansoddiad llawn.
