Fy ngwlad:
Fy ngwlad:

Chwilio

Cau

Uwch Ddarlithydd o Brifysgol Bangor yn derbyn gwobr am hyrwyddo rhagoriaeth mewn ymarfer addysgu

Mae uwch ddarlithydd o Brifysgol Bangor wedi derbyn gwobr fawreddog gan y British Academy of Management (BAM) am gefnogi a hyrwyddo rhagoriaeth mewn ymarfer addysgu. 

Mae Dr Fariba Darabi, Uwch Ddarlithydd mewn Rheolaeth yn Ysgol Fusnes Albert Gubay, wedi derbyn Medal BAM am Ddatblygu Gwybodaeth. Dyfernir y fedal hon i aelod o’r academi am gyfraniad parhaus a rhagorol at ddatblygu a lledaenu gwybodaeth a dysg o ran rheolaeth.

Professor Katy Mason, President of BAM (on the right), and Professor Emma Parry Chair of BAM (on the left), presenting the award to Dr Fariba Darabi
Professor Katy Mason, President of BAM (on the right), and Professor Emma Parry Chair of BAM (on the left), presenting the award to Dr Fariba Darabi

Cafodd Fariba ei chydnabod am ei chyfraniad at rannu gwybodaeth a dysg am ymarfer addysgu yn y maes, a chefnogi academyddion busnes a rheolaeth. Ymunodd â Phrifysgol Bangor yn 2023, a chyn ymuno â'r byd academaidd yn 2008, roedd ganddi yrfa lwyddiannus mewn busnes rhyngwladol yn gweithio i amrywiaeth o gwmnïau, gan gynnwys busnesau bach a chanolig a chwmnïau rhyngwladol.

Dywedodd Fariba, “Mae’n anrhydedd ac yn fraint i dderbyn Medal BAM am Ddatblygu Gwybodaeth. Mae'r gydnabyddiaeth hon yn arwyddocaol i mi gan ei bod yn dathlu fy nghyfraniad at gefnogi a hyrwyddo rhagoriaeth mewn ymarfer addysgu. Addysgu yw fy mhrif ddiben o ran gweithio yn y byd academaidd, ac mae addysgu’n flaenoriaeth fawr i BAM a'r gymuned y mae'n ei gwasanaethu.

“Diolch o galon i bawb a’m cefnogodd ar hyd y daith hon, ac i gymuned BAM am y gydnabyddiaeth. Hoffwn gyflwyno'r fedal hon fy niweddar Fam a oedd yn eiriolwr dros addysg ac am ei ysbrydoliaeth a’i hanogaeth”.