Her Fuddsoddi 2025
Ar ddydd Gwener, 27ain o Fehefin croesawyd 54 o fyfyrwyr Safon Uwch i Her Fuddsoddi Ysgol Busnes Bangor am brofiad ymarferol a oedd yn cynnig cipolwg go iawn ar fyd masnachu cyflym.
Aeth myfyrwyr ar daith o amgylch y brifysgol ac ymweld â'r ystafell fasnachu, lle dysgon nhw am werth terfynellau Bloomberg a masnachu o fewn banciau buddsoddi.
Cafodd myfyrwyr gyfle hefyd i ddysgu am y cyrsiau israddedig a'r cyfleoedd gyrfa sydd ar gael yn Ysgol Busnes Bangor.
Mae ein tîm Allgymorth Ysgolion a Cholegau yn darparu gweithgareddau amrywiol i godi ymwybyddiaeth o Addysg Uwch ac annog pobl ifanc i archwilio eu hopsiynau. Os oes gan ysgol neu goleg ddiddordeb mewn ymweld ag Ysgol Busnes Bangor, cysylltwch â ni i drafod y cyfleoedd sydd ar gael.